الغيره من اخت الزوج << نقاش صريح

يشرفني تكون اول وحدة وبصراحة مافيها شي اذا حب اودلل اواشتري حق اختة دامة مومقصر علي ولاعلي عيالي وبالمقابل انا اسوي لاخواني اللي ابي اهو مايتحجة

مشكوره على طرحج للموضوع
بس
من تجربتي الشخصيه صراحه خوات الزوج ذابحتهم مرت الاخو
اسمحيلي ماادري عن اي موضوع انتي تتكلمين بس الغيره والمشاكل اساسها خوات الزوج

يسلم قولج

والله كلامج عين العقل

يشرفني مرورك
اي هذا الصح يعني مو عشان تزوجته خلاص تنتهي محبته بااخته وتنتهي محبتي بااخواني

العفو حبوبه
ادري بس فيه بنات حاطين هالمقوله اساس حياتهم
فخلاص يحسون كل الاخوات مشكله وتصير تبي تقطع علاقه ومحبه زوجها بخواته
يعني تنسى ان اهي اخت واخوانها لهم حريم يمكن يسون فيها نفس ماتسوي

يسلم عمرج

خلينا نتكلم بصراحه شوي المثل شيقول أسأل مجرب ولا تسأل طبيب
يعني انا زوجي عنده 4خوات 2اكبر مني و2اصغر بوايد علاقتي فيهم تمام التمام ومستانسه انهم
يحبون زوجي وكل ماسافر بروحه يجيبلهم ويجيب لي وبالعيد يعايدهم
بس عنده وحده من الكبار مانتواطن انا وياها احسها دهن عداني على قلبي غثيثه مع انها متزوجه
بس لئيمه سليطه لسان واختها اللي اصغر منها اكبر مني بعد عسل عسل شوي عليها
والله لو في منها ثنتين تصلح الديره تنحط عالجرح يبرى سبحان خالقهم فارقهم

وهذه من واقع تجربه وبيت واحد ,,,, والغيره ترا بين الحريم موجوده مو بس بين الزوجه واخت ريلها ..

معليش يعني بنات عيب عليكم
هذي اخته بنت امه وابوه عمره كله معاها
انتي بنت الناس تتبدلين اما هذي اخته ماتتبدل

حلوووووه هذي اتبدل

ادري فيه سليطات وفيه غثيثات
بس فيه بنات حتى الي مامنهم شر تقول لا ليه تلبس عند زوجي
ليه تتمكيج عند زوجي تبي تحرني تغايرني
وهذي النوعيه الي اقصد
يعني اهي اخته قبلج شكو تغارين ليه تلبس ليه تحط اخوها محرمها
او ليه يهديها ليه يعطيها اخته بنت امه وابوه

ايه تتبدل الزوجه
مهما كان تظل بنت الناس
هذيك بنت امه وابوه محبتها بالفطره مزروعه بقلبه

وليش ماتقولين اخت الزوج تغار من الزوجه !!!!!!!!!!!!!!!!

هذا اللي احسه من وحده من حمواتي

شراالي تلفون هذيه شراالها مثله شكووووو وكل مابغت شي دقت علييه تنسى انه متزوج جنه ماعندها غيره وكل كلمه والثانيه انا غير عنده وانا غير قصدها زوجي

طيب شالمشكله لما شرا لها هديه او طلبت منه شي
بلعكس حركه حلوه منه يعني مداري اخته مايبي يخلي بخاطرها شي
وانها تطلب منه وتحس نفسها مميزه عنده هم طبيعي اخوها ويمكنه معودها قبل ياخذج
فهالشي المفروض يفرحج

لا والله بالعكس هذول خواته و مافيها شي
اصلا شكو اتدخل بينهم
مثل ما انا ما احب مرت اخوي تتدخل بيني وبين اخوي
لازم انا بعد اسوي هالشي
وهذا اخوها يعني سندها ومالها غيره

ثانكس حبوبه عالطرح وانا معاج ان في وايد مرضى يغارون من حمواتهم

صح كلامج مرات حريم الاخوان فيهم مرض نفسي

تغار من اخت زوجها اللي اهي حماتها وهذي الحاله موجوده في مرت اخووي

حسبي الله عليها الود ودها لو اخوي يهجرنا ويكرهنا ولا اييب لها سيرتنا نهااائيا

تنقهر مني انا واختي وتشيش اخوي علينا مع العلم انا نعاملها مثل اختنا

ومانحب نزعلها او نسوي خلاف بينها وبين اخوي اول شي عشان لا نغضب الله

وبعدين عشان لا نعكر حياة اخوووي

وعلى فكره اهي مو كفو كل اللي نسويه لها