الغيرة معدومة

هلا والله فيكم

بنات اختى تقول ريلها مايعرف الغيرة يعنى مايغار عليها تقول اتمنى انة يغار علي

مثل باجي الحريم تقول اقوله سوالف يعنى واحد تحرش فينى واحد لاحقنى عادي الوضع عندة

واهيا تحب الي يغار دليل الحب

اي شي يخترب بالبيت مايرضى يسوي شى يقول انتى دق علي اي احد بسوية تقول انا اجابل العامل واهو يشتغل وريلي مايدري عن الدنيا نايم

مو شرط الغيره دليل الحب………..يكفي افعاله …………..واهم شيء الريال الزين بالاخلاق والمعامله بالعكس اذا يغار تعيش بنكد وهم وشك ومراقبه لكل تحركاته وكل يوم زعلانه بسبب الغيره ……….فخليها علي طبيعته واهى علي طبيعتها …..الله يوفقها

يوه شتبي بالغيره والله مافيها الا العذاب تراا

واكيد يحب زوجته مو ضروري يغير يكفي واثق فيها عشان جذي يقولها

صج خلقن من ضلع أعوج ………….مايعجنا العجب ان وثق قلنا ردي وان غار قلنا وييييييع يبيلنا

صدقينى لو زوجها يغار جان قالت واااى زوجى غيور
خل تحمد الله لان زوجها جذى
بعدين ساعات الرجل يحتر من داخل بس مايطلع الغيره

لكن قوليلها صدقينى كل البنات يتمنون الريال مايغار

• من اروع الكلمات الي قريتها عن الغيرة

• عندما تغار المرأة .. تبكي
  
• وعندما يغار الرجل .. يصمت

  عندما تغار المرأة
  

  
  

• تكره الرجل
  

  
  

• وعندما يغار الرجل
  يكره نفسه !

• أحياناً ..
  
• يغار الرجل على امرأة تحبه
  
• حتى لو لم يكن يحبها
  
• وتغار المرأة على رجل يحبها حتى لو لم تكن
• تحبه !

  أجمل أنواع الغيرة
  

• غيرة الحب ..
  
• وأسوأ أنواع الغيرة
  
• غيرة الحقد ( الله يكفيكم شرها )

  من بوادر الغيرة
  

• اشتعال المرأة
  
• وانطفاء الرجل !

  تسعد المرأة
  

• بغيرة الرجل الذي تحبه
  
• وتختنق
  
• بغيرة الرجل الذي يحبها ولا تحبه!

  نحن ..
  نغار على الذين نحبهم
  

• لأننا نحبهم
  
• ونغار على الذين يحبوننا
  
• لأننا نحب أنفسنا !

  لا تعبر عن حبك لهم
  بالغيرة ..
  

• إذا كنت غير متأكد
  
• من إحساسهم تجاهك
  
• فقد تكشف لحظات ضعفك
  
• لمن لا يستحق!

  ما أكبر الفرق بين الحب والغيرة ..
  

• فالحب الكبير يولد الغيرة .
  
• والغيرة الشديدة تقتل الحب

  وما أعظم الفرق
  

• بين الغيرة والشك..
  
• ومعظم حالات الغيرة في الحكايات العاطفية
  
• يكون مصدرها .. الشك !
  
• إذا ضبطت نفسك متلبساً
  
• بالغيرة "على " إنسان ما
  
• فتفقد أحاسيسك جيداً
  
• فقد تكون في حالة " حب "
  
• وأنت "لا تعلم"..
  

الله يعينها احلى شي بالريال غيرته على زوجته صج شعور حلو ماتنلام والله البنيه ..
بس ماكو حل خلاص هذا طبعه اشلون تغيره ؟؟

واي الحريم مايعجبهم العجب اذا صاك عليها ويغار قالت جنني واذا مخليها على كيفها قالت لحقوني مايحبني

شتبي بالغيره ماوراها الا المشكال قولي لختش تكبر عقلها شوي

يمكن الثقه هي تغلب علي الغيره

لا بالعكس لازم غيره شنو مورجال والرجال دمه حار اشلون مرته اتقبال العامل وهو نايم صج رياجيل اخر زمن

لاااا اكييييد كل وحده تبي ريلها يغاااااااار عليها ((مو يشك فييييها))
بس ما توصل ان ايي عاامل بيتي وانا اطلعله وهو موجود

الله يعينها

بالنسبه لي الغيره شي اساسي ومهم …
بس غيره طبيعيه قتله فلان تحرش .. طلع واح بالتلفزيون عاجبني وغلطت جدامه
ومن هالسوالف …

اما بالنسبه لها ما اشوف ان ما يغار وااايد رياييل احريمهم الي يجابلون شغل البيت
لن الرياييل كساله ومالهم خلق مو ما يغارون

هذا دليل على ثقته الزايده فيها

الغيره ماوراها الا المشاكل خل تحمد ربها

والله يوفقها مع زوجها