الغلط من امي ولا الزمن هذا غريب

خواتي وربي اني ارتحاح اذا ناقشتكم وعن جد اسمع كلامكم اللي فادني لاني احيانا اتهور بس لما اقرا ردودكم من بعد ربي تهدا نفسيتي

حبيت تنصحوني انا من صغري اشوف امي تعامل حريم عيالها نفس بناتها واحسن وربي حتى الكوتيكس عزكم الله تشتريه لهن وتسهر ع عيالهن وتهاوش اخواني انتم ماتستحون طلعو حريمكم والله وبدون مبالغه والله شاهد ع ما اقول انها احيانا تضبط مرت اخوي تروح معها وتقول وانا امج لا تستحين مني انتي بنتي وتعطيها فلوس وتفصل لها ستاير وتجيب مفرش وحركات عشان الخبل اخوي المهم تزوجت ع اساس ان الحياه جذي ام زوجي هي امي وانا والله العظيم اني ما اناديها الايمه ومن تزوجت وانا هاديه بطبعي تصير مشاكل مع زوجي بس مانطلعها برا البيت انا حساسه واللي بيدي مو لي كل ماجبت لها هديه تقولي مو من حليلج من مال ولدي وانا ما اقدر ارد عيب شقول والمعامله زوجي يشوفها زفت ما في احترام والنغزات الشغاله بس انا خبله ما افهم شي وزوجي يقول انتي تكبتين ويبين عليج ليش ماتعرفين تردين قصده ع خواته ومرت حماي بس الي ما احد فاهم اني ماااااااا احب المشاكل بتقولون انهزاميه قولو امي تربيتها غلط ولا الزمن يبيله عوب انا ما اكشف عند حمواني وخالتي الله يهديها تقول قدامهم معذبج الحياء انا انحرج والله لدرجة برمضان لا شافوني قامو لا تقولون اني مواجتماعيه لا انا بس مع حمولتي احب اكون رسميه وزوجي من اول عرسي قال حطي خط احمر اهلي ماينجسرون وانتي ادرى

بنات السؤال صارلي متزوجه 5 سنين ومافي اي تحسن من طرفهم والله وديت عيالي لهم ان عمتهم تمسك ولدي من بلوزته وتحذفه ع الكنبه قلت لش قالت يغث سكت وتمسك بنتي وتقول ياملقج والثاني بحضني واول ما دخلت مرت حماي هات يالحضان ويالتبوس اخنقتني العبره شلت عيالي ومشيت لان خلاص كل شي عند عيالي يوقف ودقيت ع امي اسالها ليش ماعلمتيني العوابه ليش احس اني انهزاميه وربي كرهت الحياه اللي عندهم وترد تقول ياوليدي العوابه ماتنفع والناس بالطيب ينكسبون والي عندج اسالي الله يسخرهم لج المفروض يرحمون يتمج وغربتج ويعاملونج نفس بنتهم قعدت ابجي مخنوقه من المعامله
بس والله اللي يصبرني عيالي واللي اذا راده ع الزوج دااااااااشر الله المستعان

الغلط مو منج يا قلبي

ولاتتضايقين ولا شي بالعكس انتي الصح وهما الغلط

خلج مثل ماانتي ولج الاجر بكل اساءه بحقج

احسن من انج تكسبين ذنوب من العوابه

قطعتي قلبي
شوفي خلي عنج الطيبه الزايده والنهزاميه
بنفسه زوجج قاله اني اهلي مايتعاشرون وهو ادراء فيهم
الهدايها لاخالتج لاتهدين خلاص دامه تقوول مومن حلالج
خليج من الحين عووووبه بتصرفاتج هذا اللي يعيش لاتمسكنين عند الحريم وتسوين روحج الطيبه اللي علي نيااته
خليج سطحيه بتعااملج مع الكل وخلي لج شخصيه لاتخلين احد بالداخل والطالع يسمعج كلام مايعجبج

هذي انا سطحيه مع حمولتي ومالللي شغل الا بالواجب وبس هدايا ماهدايا
قليل
ان احط غلط اغلط عليه
ومحترمه حاللي وماللي شغل باااااحد

الله يجزاج خير يا ام شوق
ويريح بالج

اسالكم بالله انكم توجهوني صح وبدون مجامله

المشكله يالغاليه اني اسكت مو من خوف بس التربيه والاحترام
وع قولتج سطحيه انا ما اتناقش معهم باي موضوع تدرين ليش لانهم يبون اي كلمه عشان تنمسك علي
والسالفه الجديده هذي شايفه نفسها ع شنو ماتبينا
وربي اضحك وابجي اقول ناس موصاحيه

امج اللي سوته مو غلط
والله ياليت كل الناس مثلها
يا قلبي انا افكر من هالتفكير
انه بااااجر اكيد بزوج بنتي
و انا ما ادري خالتها شنو بتطلع ؟؟
بس انا اعامل الناس مثل ما ابي الناس اتعاملني
اعاملها بحب عشان محد باجر يردها بعيالي لان الحياة يوم لك ويوم عليك
واذا الناس مو زينه معاج لانه اهم مجرد ناس ماتفهم بالحب ولا بالسنع شي

الغلط لا هو من امج ولا منج الغلط فيهم

حسبى الله ونعم الوكيل عليهم …

الله يهديهم لج

عوووووورتي قلبي !

حبيبتي انتي الصح ومردهم بعرفون انج الطيبه تعاملي مع الناس باخلاقج !

بس بقولج شغله يمكن انتي مو منتبهه عليهاا انتي حسيتج حطيتي حاجز بينكم فيمكن اهما حسوو انج ماتحبونهم بدون قصد ؟؟

انا برايي شووفي الحليوه فيهم وحاولي تتصلين عليها كل يوم وتسولفين معاها وتسالين على طوول خل تتعرف على اخلاقج وشخصيتج يمكن تنحل المشكله !

اللي حسيته انج وايد هاديه ويمكن اهما فهمووو هالشي غرور او انج ماتحبينهم ! واارد !

بس بالنهايه مالج شغل باحد اذا ماعجبج رايي او ماكوو وحده حليوه فيهم تحمليهم يوم بالاسبوع زوريهم عشان صلة رحم اعيالج !

وادعي ربج والله يعطيج على قد نياتج ويوفقج

رددي اللهم سخر لي العبيد العاصيه والقلوب القاسيه والجبال الراسيه
ولما تزورينهم اول ما توصلين باب البيت
قولي اقبلت عليكم لا إله الا الله والجمت فاهكم بلا حول ولا قوة الا بالله
وكثري الاستغفار

سكرتيره مستقبليه
اتراب
اسما
احبج يمه
الله لايردلكم دعوه ويوسع لكم ويفرج لكم يالغاليات

يالغاليه المصيبه هي خالتي وهن بنات خالتي ويعرفوني من قبل لا اتزوج وانا انا ماتغيرت
واكيد رايج بحترمه وع راسي
والله يجزاج خير ويتقبل دعائج

خلج رسميه وياهم .. يمكن اهمه مو مرتاحيلج ومو غصب يرتاحولج ..
اهم شي ريلج مرتاحه واهوا مرتاح وياج اذا رحتي لحمولتج قعدي خلي عيالج يمج لا تخلينهم عندهم الحمدلله انتي امهم وتخافين على مصلحتهم هذي حماتج باجر عبونه مليق ولدج تقوم تقله عالسياره ..
ديربالج لا تتكلمين ولا تودين هدايا و لا تسوين شي بس وجبيهم بالزواره روحي قعدي جنج ضيفه لا تتحجين وعيالج قوليلهم ماما اذا رحنا وماقعدتو راح ازعل عليكم ونرد البيت وجذي ..

هالزمن زمن غريب والله لا تركضين ورا رضا الناس ترا ماراح تعيشين ..

امج ذكرتني في موزة ,زوارة خميس

فديت امج ان شاء الله خالتي المستقبليه مثلهــا

الله يعينج