الغرفه الكتآبيّه لقروب لن يسبقنآ الى الله أحد 3 . } !

واتاحتها لي بكتابته

ونسأل من الله العلي القدير أن يتقبل منّا ومنكم .

،

لله الحمد والفضل والمنّه في قروبنا اللي طاف ختمناا وطبقنا اساسيات البرنامج كلهاا .. و اش كثر عضوات عاتبونا لأنّا ما دعيناهم للتسجيل .. واحنا ما بيدنا شي غير انّنا ننزل الدعوه هنااا واللي تشوفها تسجل معانا لأن مابيدنا حاجه ثانيه !!

ـــ

والبدء في القروب رح يكون في يوم الخميس الموافق 1/10 بإذن الرحمن ..

،،

امّا عن برنامجناا فهو كالتالي :

/
/

1- قراءة جزء من القرآن يوميا .

2- الاستغفار 1000 مره ع الأقل

3- نصلي الشفع والوتر بعد صلاة العشا ع طول ..

4- صلاة القيام ركعتين ع الأقل وطبعا رح يكون بدون الوتر لأننا صليناه عقب العشا .

5- مسكي جوّالك .. روحي للتقويم .. قيد جديد .. وحطي القيود اللي بكتبها لج الحين مع ضبط المنبه والتكرار:

…* اول قيد جديد كتبي ( اذكار الصباح ) …وقت التنبيه : 8 صباحاً … التكرار : يــــــومي !
…* ثاني قيد جديد كتبي ( اذكار المساء ) … وقت التنبيه : 3 مساءً … التكرار : يــــــومي !

…* ثالث قيد جديد كتبي ( سبحان الله وبحمده ، سبحان الله العظيم ) وقت التنبيه : 6 مساءً والتكرار يومي

…* رابع قيد كتبي ( ربّي اني لما انزلت اليّ من خير فقير ) والتنبيه 9 مساءً والتكرار يومي !

…* خامس قيد كتبي ( سورة الكهف ) والتنبيهْ 12 مساءً والتكرار طبعاً رح يكون اسبـــــوعي .. !

…* سادس قيد كتبي ( لا إله الا الله وحده لاشريك له الملك وله الحمد وهو ع كل شئ قدير) والتنبيه 11 صباحاً والتكرار يومـــي !!

…* سابع قيد كتبي ( سبحان الله والحمدلله ولا اله الا الله و الله أكبر و لاحول ولاقوة الا بالله ) والتنبيه 11 مساءً ، طبعاً كلنا انعرف فضل الباقيات الصالحات .. { وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَاباً وَخَيْرٌ أَمَلاً }

6- الصدقه واهي اننا نحط حصاله بغرفتناا وكل ماقدرناا حطينا المقسوم << ايضا مجربتها وماشيه عليها من سنتين وطبعا شكل الحصاله مو مبين انه حصاله وانا عملته بيدي . عشان يصير العمل بيني وبين الله . ونخلص النيه ..

7- اذكار مابعد الصلاه وهي ان نقول : استغفر الله ثلاثاً ـــ اللهم أنت السلام ومنك السلام تباركت ياذ الجلال والاكرام ــ لا إله الا الله وحده لاشريك له له الملك وله الحمد وهو ع كل شئ قدير،،

و [ الله أكبر 33 مره ــ الحمدلله 33 مره ــ سبحان الله 33 وتمام المائه نقول :لا اله الا الله وحده لاشريك له له الملك وله الحمد وهو ع كل شئ قدير <<<فضلها تُغفر الخاطايا و إن كانت مثل زبد البحر

.. وأخيراً { نقرأ آية الكرسي <<<وفضلها تكفي من شرور كل شئ وتحفظ من شر الجان وعين الانسان بإذن الله

8- قراءة سورة البقره مره اسبوعيا وكل عضوه ع راحتها تحدد اي يوم تفضى فيه أكثر وتقرأ فيه السوره .. بالنسبه لي بخليها كل اثنين بإن الله ..

9- صلاة الضحى ركعتين ع الاقل ع الساعه 10 او 11 صباحاً

10 _ في كل يوم وحده من العضوات تحط لنا سؤال في الشريعه { قرآن ، فقه ، تفسير ، توحيد } و احنا نجاوب عليه .. لكسب المعلومات ،، يعني مو مشكله لو سوينا سيرج بقوقل بحثاً ع نالاجابه الاهم انها ترسخ في قلوبنا قبل عقولنا !!

،،،

لحد هناا انتهى البرنامج ، وننتظر تسجيلكم

( وأحبكم في الله ، والله يجمعنا تحت ظلّه حبايب فيه يوم لا ظل الا ظلّه . )
…
.