العيادات الخاصة الي هابين فيها احنا؟

السلام عليكم
بنات انا قريت الموضوع المثبت عن الدكتورة هدى الزكري وطرى على بالي كلام انا من زمان بقلبي وقلت بكتب واشوف رايكم

بنات انا بصراحة اولا مابي اشيل ذنب احد وهالدكاترة اولا بشر ممكن يصيب وممكن يخطي ،،وبالنسبة لغلاتهم فهذا لانهم مأجرين اماكن وشارين اجهزةو….الخ لكن الموضوع بعد في وايد اشياء وكبير وانا بكتب منه ولكم تكملون وتقولون ارائكم

يعني حتى لو اهم يصرفون وايد ويبون فلوس وهذا حق ووالله احنا ماعندنا مانع لو نقط المعاش كلة لكن هم اشوف ان المسأله بالنسبة لهم ماااااااااااااااادية انا مااقول كلهم لكن صج بدليل
1- لما تراجع عندهم وحدة توها من تزوجت مثل بنت كاتبة بالموضوع المثبت انها عقب 3 شهور زواج عطوها ابر تفجير ومادري شنو………زالمفروض كطبيب ان ينصح ومعروف ان البنت لازم ماتدور العلاجات الا عالاقل عقب سنة زواج ( ماتشوفون هذا هدف مادي ) وعلى فكرة مو الكل يدري ان لازم عقب سنة من عوام الناس لكن كل الاطبة يدرون ،،وفي ناس حسبالهم من اول شهر شهرين ان ماصار حمل يحاتون فدور الطبيب يوضح الصورة
2 الزحمة الي عندهم خلتهم يفقدون دقتهم يعني اذا منتي ملحقة مع مرضاج مو معناتة اطنشين لو حالة وحدة لانها بتدفع فلوسها كاملة لكن الحاصل وانا جربت مرة ووايد بيأيدوني ياما راجعنا عيادات ماشفنا فيها رقة ويه الدكتورة الي احنا رايحيين لها وان حنينا عليهم تييج طايرة ومستعيلة وتفحصج من فوق لي فوق مثلا كان عندي التهاب وكذا مرة يقطوني عند دكتورة 2 ولما ألحيت ابي الدكتورة المعروفة دشت وسوت نفس الدكتورة الي انزل منها ( عينة عالطاير حتى السسترات يتروالي يعرفون والمفروض انها تشوف عنق الرحم انا كنت ماعرف لهالاشياء بعدين عرفت )

مادري لو بكتب تضيع الافكار بس كرهتهم فعلا احيانا افكر ان الدكتورات الي بمستشفيات خاصة اهون منهم لان ماعتقد ان كل الفلوس لهم لان مانشوف كويتيات يشتغلون بمستشفة خاص اما الوافدات فماعندهم فلوس شيسون فالمعاش من المستشفة وحتى لو في نسبة لهم لكل مريض هم بيكونون مو ماديين كثر العيادات الخاصة

ابي رايكم بكلامي وعندي موضوع ثاني هم مهم

حبيبتي انتي قلتي مو كل العيادات وانا معاج …. انا مثلا دكتورتي ماشالله عليها مو ماديه كلش و بالنسبة حق العيادات الخاصه اهي ارخص دكتوره وحتي اذا في عندها دوا توصفه لج تقولج اخذيه مني انا ابيعه ارخص من الصيدليات والحمد الله غير هذا شاطره وفاهمه شغلها بس فيها عيب واحد انها توهق الله يهداها يعني اذا بتطلع اجازه ماتعطيج خبر علشان تضبطين مع دكتوره ثانيه لا فجاءه يدقون عليج العياده ويقولون انها مو موجوده وعاد قعدي فججي بعمرج شتسوين تروحين عند منو وانتي خلاص تعودتي عليها واذا كنتي مو رايحه الدوام ومعتمده على المرضيه اللي راح تاخذينها منها خلاص ماكو مرضيه وينحسب عليج بالدوام غياب ولا تروحين تدورين لج عياده موثوق فيها علشان تكملين مراجعاتج عندهم وتاخذين منهم المرضيات وهذا بعد اذا ماسووا لج سوالف على المرضيات …..

يالله مانقول الا الله يسهل علينا اجمعيين ……..

ممكن لازوردي اعرف منو دكتورتج؟ كلش كلش عالخاص
واكيد مو الكل الله يوفقج معاها يارب

لا عادي بحط اسمها اهني دكتوره ناهده العلي

صاجه — انا احس انهم حيل ماديات — بس شنسوى احسن من غيرهم لما تكون لك سنين تعانين من العقم وتلفين عالدكاتره

ترضين بالخير باخف الضررين

آنا راجعت مدة عند فوزية القطان و سويت عندها طفل أنبوب من 3أسابيع تقريبا و ما الله كتب بس اللي قاهرني عقب هالفلوس اللي قطيتها تقريبا 1700 و كنسلت سفرة الصيف حسافة و لما سويت عندها تحليل الحمل لأن عندها مختبر بعيادتها بكل برود متأسفين ما في حمل و لا حتى كلفوا خاطرهم ان الدكتورة تشوفني و تطيب خاطري عقب هالصدمة عالأقل تقول لي الأسباب شنو .. بس شقول نبقى إحنا بحاجتهم

اي والله هالدكاتره نهيبه في دكاتره لمن يروحون لهم بنات توه متزوجين
مايصبرونهم لا يلعبون فيهم وهذا ماحصل مع وحده من المنتدى او تكون
الدكتورة ماديه اهم شي الماده عندها الله يكون بعونا والله حتى المستشفيات
الخاصه نفس الشي .؟

اصابع الايد الوحده مو سوا .

و كلامكم ينطبق علىاطباء فعلا همهم الماده بدليل عياداتهم تشتغل لي توالي الليل و ساعات للفجر (2 بالليل) .
و في اطباء الحمدلله بنعمه و مقدرين المهنه و محترمينها و معطين المريض حقه و مدارينه .

و قصة المعاملة الزينه او الشينه تلاقينها سواء بالعيادات او الخاص او الحكومه لان هالشي على الاطباء و الطاقم نفسهم و يعتمد على مزاجهم و حالتهم النفسيه لانهم بشر مثلنا .

و الله يوفق الجميع لما فيه الخير .

و مشكوره على الموضوع .

انا الحمدلله ما احب اراجع بعيادات مادري ليش على الاقل الدكتوره اللي بالمستشفى تكون موجوده على طوول مو اتصل فيها
وبعدين هالدكاتره اللي بالعيادات مو كلهم بعضهم ما يفكرون غير بالربح

مثل حماتي انحاشت من دكتوره قالت لها بسويلج العمليه قبل الدوره وزين ما سوتها جان صار فيها نزيف
وسوت عندها سونار ولا رضت تعطيها السونار وقالت لها ا يصير مع انها دافعه فلوسها كلها واقعدت تحش بالعيادات الثانيه بس علشان ما تطلع من عندها

يالخنساء ليش اهم احسن من غيرهم؟ بشنو ؟ ترى مو شرط الشي اذا صار بفلوس يعني الخبرة افضل يا ما اطبة حكومة بس زينين واخلاق وفاهمين وياما عيادات خاصة رايحة فيها
عشق غصب على الدكتورة تعطي الي تصير لج كل الاوراق والصور وغيرة….. ليش ماتبي اكيد في غلط اهي مسويتة وماتبي تنفضح
خصوصا ان هذي دكتورة بفلوس يعني مدام معطيتج فلوسج كاملة تعطيني اوراقي وكل شي من حقي والا خايفة اوريهم اماكن ثانية … لو واثقة من نفسها جان عطتج وجنة العيد
ومشكورين عالتفاعل

أأيدج بكل كلامج 100%

بس شنسوي ماكو بديل ثاني الا الحكومه الله لايعوزنا الاهمال دبل والزحمه دبلات

او نسافر بره

شطورة صاجة ومواعيدهم استغفر الله تلوع الجبد
الله كريم

بنات حبيت اضيفلكم معلومه انتو ما تدرون عنها

طبعا آنا اعالج علشان تأخر الحمل وما بقى عياده خاصه بالكويت ما رحتلها و والله والله لو اقولكم السوالف والأخطاء اللي مريت فيها اتطقون على راسكم.

طبعا الاطبه عندنا اسعارهم غاليه حيل اقرب مثال لكم مصر شوفو اسعارهم نص اسعارنا …. مادري ليش اطبتنا يانين بالاسعار.وما همهم غير يجمعون بفلوس العالم علبالهم الناس قاعدين على بنك …. وبعدين الواحد جم معاشه علشان يقط كل هالفلوس عليهم؟!

ومعلومه مهمه حبيت اضيفها لكم غايبه عنكم كلكم وهي : ان العيادات الخاصة كلها ما فيها اجهزه كبيره مثل الموجوده بالمستشفيات-أولا لأن تكلفتها غاااااليه جدا وما يقدرون يتحملونها -وثانيا ما عندهم مكان لها … واذا الدكتوره قررتلج تلقيح صناعي عندها بالعياده معناته شغل أي شي و عالماشي لأن مستحيل يكون عندها الاجهزه الدقيقه اللي اتكون موجوده بالمستشفيات خصوصا مستشفيات الحكومه لأن الدوله قاعده تشتري اغلى واحدث الاجهزه …. وترى هالكلام قايله لي دكتور له سمعته الكبيره.
لكن المشكله انج اذا رحتي لمستشفيات الحكومه يعطونج موعد عقب سنه او سنتين او ثلاث اذا بتسوين اطفال انابيب …. وهذا العيب والقصور فيهم لأن المفروض يوفرولنا الاطباء ويمشون لنا المواعيد بسرعه بس (اللي ايده بالماي مو مثل اللي ايده بالنار ) ومحد حااااس فينا ولا باللي قاعدين نمر فيه الا اللي اهم ابمثل حالتنا لكن شنقول غير الشكوة لله.