العمر المناسب لدخول الحضانه ؟؟

قوه بنات … قصدي امهات

شلونكم شخباركم عساكم بخيير

حبيت اعرف شنو العمر المناسب للعيال لدخول الحضانه يعني من اي عمر تدخلون عيالكم الحضانه
انا بنتي عمرها سنه و 5 شهور وانا ادرس …. ودي ادخلها حضانه بس مادري يستقبلون الحضانه هذا العمر ومادري احسها صعبه بالنسبه لعمرها ان تدش حضانه لانه تخاف ولا متعوده على اللويه و الحركه من ناس وايد و زحمه اليهال …

مادري اشرايكم يا امهات
بصروني يا اصحاب الخبره

ومشكوووريييييين

رفيجاتي ثنينهم مدخلين عيالهم وحده ولدها توه كامل سنه و تخلي الخدامه وياه… والثانيه عمر ولدها سنه و نص توديه بروحه بدون خدامه… انا عمر ولدي سنتين و ودي ادخله مكان عشان يتعلم يعني مو شرط الحضانه الصبح لا يكون العصر او اي وقت عادي لأني ادرس و محاضراتي ساعتين بس و احس يضيق خلقه طول اليوم بالبيت بروحه ..ابي يلعب مع يهال ودي يتعلم اشياء مفيده مو بس يرقصونهم و بس

في حضانات تستقبل اطفال عمرهم شهور

انا افضل 3سنوات

انا ودي ادخل ولدي حضانه بس ابي تعليميه يعني دراسه وابوه مو راضي يقول خليه يعيش طفولته لي موعد الروضه احسن وفيه حضانات ياخذون من عمر اشهر

انا افكر ادخله حضانه لانه مابيها تقعد مع الخدامه بديت احس انها متعلقه فيها …. و بنفس الوقت ودي انها تختلط بالعيال تتعلم شوي تتجرأ و تصير اجتماعيه بس احس انه عمر سنه بعد صغيره على ان اخليها بروحها

مادري اللي دخلوا عيالهم عمر سنه حضانه شنو ردت فعل عيالهم عادي ولا بجوا ….؟

3 سنوات احس افضل شي

انا مثلكم ولدي واحد سنتين و ثاني سنه وودي اوديهم حضانه بس كاسرين خاطري على قعدت الصبح شرايكم ؟؟

و في حضانات من 12 الى 4 العصر ؟؟؟

الدكتور يقول من سن سنتين

تصدقون انا سمعت احسن عمر 1 ونص حق الحضانة و اهوا ماكو عمر ثابت حق هالشي

أحسن شي سنتين ..
لأن الياهل يفهم بهالعمر ويتكلم ويقدر يتأقلم مع الغير

الاحسن 3 سنوت

وانا مع الخوات…

3 سنوات يكون توة بادي يكون شخصيته…

اما قبل جذي ماعنده غير الأكل والنوم واللعب…بس بهالعمر احس ان الطفل يبدي يستقل بنفسه…ويبي يكون له كيان وشخصية

السلام عليكم انا مشكلتي ان عندي ولدين واحد 3 سنين ويحب شي اسمه سكووووول على كولته كلت ادششه وهو سم الله عليه ذكي 00
بس المشكله بوسنتين لما يكعد الصبح ومايلاكي اخووو ما ياكل ويتم يبجي ويكسر خاطري00
كالولي دششي معا 00 ببس احس انه تو الناس عليه صغير وابي يشبع نوم ماقعده مبجر00
ابي شوركم حبيباتي وش رايكم0

إذا تبون رايي آنا عندي ولدي عمره سنتين و8شهور والله يوم دخلته الحضانه حسييت بالفرق صار اجتماعي وتغير طبعه وبنتي لس يصير عمرها سنه وشوي بوديها الحضانه يبا والله أحسن من مجابل الخدم والله آنا مجربة الأثنين والله الحضانه أحسن وآمن وأونس حق الياهل

احسن شيء بو سنتين
بعدين احسن من يجابل الخدامه ولا وياخد لكنتها بعد<<<<< انقهر حزتها