|
|
صباح الخير بنات.. اشلونكم؟ ان شاءالله بروح العمرة .. ابى افكاركم للصدقة اهناك .gif "Eh S(10)")
مره قريت وحدة تقول اشترى الكرسى المتحرك و اهدية للحرم و تعتبر لج كصدقة جارية .. حيل اعجبتنى عالفكرة …ياليت اتساعدونى بافكاركم …شكرا
.gif "Eh S(7)")
ابخير دامك ابخير
اشتري كرتوون من جهاز التسبيح الي يجي مثل الخاتم يدخل ع الأصبع
عندي لها صورة بس ماعرفت انزلها لك
وحطيها باالشنطة وكل مارحتي للحرم وزعيها للي حواليك
وعمرررة موفقة ان شاء الله
مادري بكم عندكم بس عندنا باالسعودية الكرتوون 45 ريااال
مثل ماقالت الاخت الكرسي
شوفي حاولي تشترينه من العمال اللي تلقينهم بالحرم يدزون عليهم الناس راح يبيعونا عليك ارخص
لانا مرة كانت معاي الوالدة واجرنا واحد يطوف فيها ولما خلصنا رحت الصيدلية وشريت كرسي سالني ليش قلت بتبرع فيه قالي حسافة كان قلتي لي وابيعك الكرسي اللي معاي برخيص
علي العموم الصدقات كثيرا ومثل ماحنا عارفين بعد مضاعفه لانها بالحرم
روحي المطاعم اللي علي الشوارع وادفعي مبلغ للوجبات وانتي واختيارك وخليهم يوزعونه صدقة لك
او اشتري اغراض من البقالة يعني ماي عصير فطاير اي شي ينفع ووزعيه وانتي في طريقك
وبعد تلقين في الفنادق اللي حول الحرم مراكز كثيرة للتبرعات ومشاريعهم مختلفة
وحاولي تعرفين علي وحدة محتاجة واخذي رقمها ولما بترجعون اكيد راح يبقي عندكم اغراض زايدة جمعيهم واتصلي علي الحرمة
واذا ماحصلتي عطيهم اي شخص من اللي يدزون الكراسي صدقة
والله يتقبل منك يارب وعمرة مقبولة مقدما وادعي لنا
والله يتقبل منا ومنك ومن جميع المسلمين
امين يارب العالمين
تقدرين تشترين مصاحف
وقوليلهم انج تبينه صدقه للحرم فراح يحطون عليه ختم مكتوب عليه صدقه
( لا تنسين)
أو
اشتري كرسي اللي يقعدون عليه بالحرم ( راح تشوفين منه واااايد)
وخليه بالحرم ( خل يحطون عليه ختم من نفس المحل)
أو
اشتري سجاجيد وحطيهم بالحرم
وبالإضافه
فيه بالسوق لجان للتبرعات
دفعي مبلغ وقدره ( صدقه – وقف …)
+
عطي صدقات للفقاره اللي موجودين هناك
+
أو اشتري وجبات من مطعم ووزعيهم للفقاره
وانشالله هذه الأعمال في ميزان حسناتج
ولا تنسين انج تدعيلي وتدعين لكل وحده دشت وعلقت لموضوعج
اشتري مصآحف ووزعيهآ أو حطيهآ بالحرم ..
أشتري سجاجيد للصلآه ..
أشتري سبح + خواتم آلتسبيح ووزعيهآ ..
ممكن بعد تشترين شرآشف صلآه وتعطين آلحريم هنآك ..
ممكن بعد كرآسي ..
وتصدقي ع العآملين هنآك
آلله يكتب لك آلاجر
بس انا مره سمعت في المسجد النبوي كانت في محاضرة عند النساء مسوين حلقة
المهم ان الداعيه قالت ان السنة تسبحين بيدك وان ذي السبح كلها بدعة
انا اذكر اني يوم كنت بالحرم جات بنت ابتسمت لي وعطتني من ذي المطويات الصغيرة مدري شسمها
وفيها فوائد الذكر ان شالله عطيتك فكره ….