|
|
شلونكم بنات
راح اكتب لكم رحلة علاجي بالتفصيل من اول ماوصلنا امريكا لغاية الان حتى الكل يستفيد
طبعا انا رايحه على حساب الحكومه بس طبعا بدون مخصصات , طبعا انا سفرتي كانت بعد ايام من قرار توقيف االعلاج بامريكا بسبب المرض ولكن احنا كنا حاجزين تذاكر فسافرنا بتاريخ 225 على الطيران البريطاني لانه كان ارخص من الكويتيه وعندهم عروض والتذكره مفتوحه لمدة سنه,طبعا ترانزيت لندن ثم بوسطن , طبعا بالمطار كانت معاملتهم حلوه عكس اللي سمعناه.
طبعا تستغربون شمعنا اخترنا بوسطن اول شي احنا كنا نبي مستشفى اللي بنيويورك بس طبعا قالولنا انا المستشفى ماراح يستقبلكم الا شهر تسعه لان العدد اكتمل بشهر سته عند الدكتور بيتر لان نظامه نظام كورسات , كنا نبي ننطر بس زوجي قال ان العلاج بالخارج في مسؤول قاله ان احتمال بعد كم شهر يوقفون ارسال حالات العقم .
فقلنا ليش ننطر فاستخرت وسويت بحث عن افضل المستشفيات في امريكا وطلعلي انه افضل واحد مستشفى ماساتشوستس العام وبعد كانت وحده باحد المنتديات مدحت هذا المستشفى وهو معروف بانه من اعرق المستشغيات بالعالم وهو تابع لجامعة هارفارد العريقه .
فتوكلت على الله وكلمت المكتب الصحي اللي بامريكا ومدحولي المستشفى وقالولي فير حالات تعالجت وصار حمل فعطوني رقم المكتب الدولي في هذا المستشفى وكلمت وحده مغربيه وكان تعاملها راقي وقالتلي متى تبين الموعدودزيتلها فاكس بتقريري وحددت لها التواريخ اللي ابيها اليوم الثاني دزت لي الفاكس والتاريخ اللي ابيه بعدين زوجي راح للعلاج بالخارج وعطاهم الفاكس وتأكدوا منه ثم اعتمد
ووصلت بوسطن وحصلنا شقه ب450 دينار بالشهر طبعا المطبخ كامل بس غرفة النوم والصاله مفروشه فقط سجاد بس طبعا شرينا ماترس وبطانيه ماكلفتنا شي والصاله شرينا لها كوشيات والحمدلله ماشيه وعمارتنا فيها كويتيين جايين للعلاج لعيالهم عند مستشفى الاطفال المعروف . والعماره نظيفه فيها سكيورتي ونادي صحي وحمام سباحه من ضمن سعر الجار.
المهم رحت للمكتب الدولي اللي في المستشفى وقابلت المغربيه ومدحت لي المستشفى ومدحت لي الدكتور توث تقول في ناس قبلج عالجوا عنده والحمدلله الله رزقهم والحين معاج ناس يراجعون عنده ,
نسيت لااقولكم ان سبب تاخر الحمل ضعف بالمبايض وصارلي ست سنين متزوجه وزوجي الحمدلله مافي شي.
طبعا طلب مني اسوي اشعة صبغه وسويتها الحمدلله ماكنت تعور مثل ماسمعت ونفسية الممرضات والدكاتره تهبل ماتوقعت جذي وطلب مني سونا وسويته وموعدي معاه الاسبوع الجاي وطبعا حولو زوجي عند دكتوره علشان فحوصاته .يعني توني في بداية الطريق
ادعولي ان الله يسهل علي 
والله يرزقج
ويوفقج
يعنى ما عندكم حالات علاج عقم غيرج عند الدكتور
وشنو تخصص الدكتور توث
وشنو اسمه بالكامل
وهل هو بريفسور او استشارى
سورى علشان ابى الكل يستفيد
حياتى ممكن تستفسرين اذا دكتورج يعلاج العقم الرجال
او منو بأمريكا معروف بعلاج العقم ويمدحون
اسفه ثقلت عليج <<<<<<<<<<
انا قايليلي علاج زوجي بأمريكا ولكن ما اعرف احد معروف ممكن تفيديني
شكرا
الا ومعاج احلى توووووووووووم
وان شاء الرحمن ماتطولين
يارب
اي معاي حالات ثانيه كويتيين واماراتيين يعالجون عند دكتوري
ان شاءالله راح اسأل لج في المستشفى مالنا
واذاتبين مستشفى غيره هم انا حاضره بس طبعا راح اسأل عن افضل دكتور للرجال
بس المعروف ان احسن دكتور بأمريكا هو بيتر شلايقل متخصص لعقم الرجال اللي بمستشفى كورنيل بنيويورك بس مشكلته ان الحين مايستقبل الا في شهر تسعه لان طريقته نظام كورسات
بس اذا انتم مستعجلين اسألج
|
المشاركة الأصلية كتبت بواسطة memy
 مشكوره اختي زهور الريف على الدعوه
اي معاي حالات ثانيه كويتيين واماراتيين يعالجون عند دكتوري |
مشكوره يا ميمى على الرد السريع
وان شاء يرزقج ربى عاجلا غير آجلا