|
|
السلام عليكم
اشلونكم ياااامهااات ياحلوين 
حبيت نتناقش
لما الطفل يغلط
سواء بالمدرسة او بالبيت مع اخوانه او مع اي احد والمقصود بالغلط اما يكون اللفظى او انه يتمادى بتصرف معين
شنو تكون رده فعلج وشنو نوع العقاب اللي تتاخذينه ( ضرب – حرمان او عقاب معين )
انا بالنسبه لي عندى بنت عمرها 7 سنوات بالبداية كان الضرب عندى هستيري اذا غلطت واحرمها من وايد اشياء لقيت بعد مده ان زاد العند والعنف عندها صارت اكثر عنيفه مع الاطفال فبلشت معاها نظام العقاب يعنى اعاقبج مافي شئ معين نفع فترة بعدها لقيت انها لازلت عندها تصرفات تغث قمت احرم يعنى انتى اليوم محرومه من ( كذا وكذا وكذا) طبعا هذه فادتنى اكثر تدرووووون ليش
الطفل بطبعه ذكى حتى لوحرمتيه من لعبه معينه اهو متاكد انه اذا طلب شئ ثانى رااااح يتنفذ اما اذا انحرم من 3 اشياء فاكثر راح يحس انى مابي اطلب لان امى اكيد بترفض .
طبعا على ايام امى كانت لما تعصب بس تخز نفهم الحين هالجيل يخرع اذا خزيته يقولج يمه اشفيج .
خلونا نتفاعل من خلال تجاربنا باسلوب العقاب والثواب اذا عااااقبتى تعاقبينه بشنو واذا كافئتيه شنو تكون هديته
وهل تتبعين المكافاه بس بالنجاح والا فى امور ثانية تكافئينه فيهااااا
اشدعوه بنات مفي احد يشارك
انا متابعه معاج ردود لانه فعلاً تعبت مع عيالي عندي توم بنت ولد البنت نفع معاها العقاب ماشاءالله عليها تسمع الكلام خلاص عاقبتها تسكت اما الولد اعاقب ما ينفع معاها حتى العقاب يعاند اكثر واكثر حتى طق ملا نفع معاها ما ادري شسوي فيه
والله شوفي ياايمان انا استخدم هذا الاسلوب مع عيالي من الصغر لان عندي ولد الكبير عمره 8 والبنت 5 من صغرتهم لما كانو بسن 3 سنين استخدمت الاسلوب لاتقولين يهال مايفهمون والله العظيم انهم يعرفون الصح والغلط فاستخدمت اسلوب الحرمان يعني اذا سو شي غلط اقولهم عقاب مافي روحه للافينيوز حق برووووي فتشوفينهم تعلموا من الغلط والياهل طبيعته يحب اللعب والوناسة وقامو كل واحد منهم يقول حق الثاني تري بقول حق امي اذا سويت شطانه او عفست البيت
وعليكم السلام
بنتج مثل عمر بنتى عنيده وتحب تمشي كلمتها قبل كلمتى بصراحه تعب معاها وايد بس خايفة اخليها مااقدر عليها بعدين لم تكبر جربت معاها الطق مافاد وبينى وبينج كانت تكسر خاطرى جربت معاها انى ازعل منها وماكلمها ولا همها اخر شي جربت طريقة العقاب والثواب فادة معاها ومع اخوانها بس شغلة متعبه صج ان قيمة الهدية تكون بسيطة بس ماتكون متوفرة عندى على طول وبعض المرات اوعدها انى بييب لها واييب لها علشان ماتفقد مصداقيتها فينى بس على مزاجها بعض المرات عادى الوضع وطبيعى اذا حرمتها من اشياء الله يعينا على هالجيل يبون اهما الى يربونا
بنتج مثل عمر بنتى عنيده وتحب تمشي كلمتها قبل كلمتى بصراحه تعب معاها وايد بس خايفة اخليها مااقدر عليها بعدين لم تكبر جربت معاها الطق مافاد وبينى وبينج كانت تكسر خاطرى جربت معاها انى ازعل منها وماكلمها ولا همها اخر شي جربت طريقة العقاب والثواب فادة معاها ومع اخوانها بس شغلة متعبه صج ان قيمة الهدية تكون بسيطة بس ماتكون متوفرة عندى على طول وبعض المرات اوعدها انى بييب لها واييب لها علشان ماتفقد مصداقيتها فينى بس على مزاجها بعض المرات عادى الوضع وطبيعى اذا حرمتها من اشياء الله يعينا على هالجيل يبون اهما الى يربونا