|
|
اسام عليكم ورحمة الله و بركاته،
جذب انتباهي اليوم موضوع في جريدة الوطن، ندوه للعضوات يقولون ان الحقوق المدنيه للمرأه يعني تراجع و ان الاجازات الامومه و رعاية الاولاد غير مبرره و تدعو الى عودة المرأه للبيت. بالامس طلعت علينا معصومه رافضه تقاعد المرأه المبكر، زين اللى ما يبي يتقاعد كيفه بس انا عن نفسي باقي لي 3 سنين اكل 15 سنه و بصراحه ابي اجابل بيتي و نفسي.
هذى المقاله ياليت تقرونها بعدين تعقبون:
https://www.alwatan.com.kw/Default.as…icle_id=515660
لاحظتوا هالفقره: "مبينة ان كم الاجازات التي يمنحها هذا المشروع للمرأة سيحرمها من العمل في القطاع الخاص لانه لا يمكن ان يعطي للمرأة كل هذا الكم من الاجازات الموجودة في القانون براتب كما ان هناك بعض الاجازات الموجودة في نص المشروع لا مبرر لها مثل الفقرة التي تنص على ان تمنح المرأة شهر بنصف راتب للأبناء دون سن الخمسة عشرة عاما"
الحين السؤال كم وحدة منكم شتغل علشان المعاش و كم وحده علشان تحس بقيمة نفسها؟
كم وحده اذا حصلت وقت اكثر مع زوجها و عيالها بنفس الراتب راح تكون سعيده؟
هل راح يكون لنا وقفه جدام هالنائبات و نقول لهم لأ ، مفهوم حقوق المرأه عندنا يختلف عن مفهومهم ؟
و هل اذا تم اعادة الانتخابات راح ينجحون بعد هذي المواقف المخزيه ضد اختها المرأه؟
بالنسبه لي: ابي وقت اكثر مع اولادي لانى اعتقد اي احد يقدر ينجز الاعمال في الوزارات و الشركات، لكن محد يقدر يربي عيالي غيري.
هل من العدل انى انحرم من اجازات اجابل فيها عيالي و الا اتركهم مع الخادمه الله العالم شتسوي فيهم.
شايفين الجيل الطالع: جيل الخدم ، اللهجه تغيرت ، القيم تغيرت ؟؟؟؟؟
و كل هذا علشان اثبت ذاتي بالشغل و اثبت انى احسن من الرجل —> شنو هالنقص
عموما هذا رأيي و اتمنى اسمع رايكم ، خل النائبات يعرفون وين توجه الأغلبية
اهانة اني اقعد في بيتي اربي عيالي 
ولا كل العقليات نفس الشي
كل وحدة تنظر للأمور من واقعها و واقع حياتها
في حريم يشوفون الاولوية لبيتها و عيالها
و في حريم تشوف انها قادرة توفق بين العمل و البيت
و في حريم ما عندهم ارتباطات و العمل يملي فراغ كبير في حياتها
و في حريم عندهم التزامات مادية و ما يقدرون يشتغنون عن الشغل
و كل وحدة و ظروفها
الحين السؤال كم وحدة منكم شتغل علشان المعاش و كم وحده علشان تحس بقيمة نفسها؟
انا عن نفسي اشتغل عشان احس بقيمتي مو عشان الراتب, بكون جذابة اذا قلت لج ان الراتب ما يهمني, لا و الله يهمني و نص بس مو اهوا هاجسي للوظيفة
كم وحده اذا حصلت وقت اكثر مع زوجها و عيالها بنفس الراتب راح تكون سعيده؟
انا مو من هذاالنوع, اذا انحطيت بهذا الموقف راح اكون في قمة التعاسة, لان الهدف من الوظيفة مو الراتب و بس, انا ابي استقلالي عن البيت و هموم البيت و مسئوليته, مو مشكلة اكيد انا احب اقضي وقت مع زوجي و انشاء الله اذا الله رزقني بالعيال راح اتمنى القعدة معاهم 24 ساعة, بس مردهم عيالي بيروحون المدارس و ريلي بشكل اكيد موظف, فترة الصبح انا شبسوي بروحي؟ مو الافضل اني اادي وظيفة خارج البيت بدال ما افعد بالبيت و انام لي الظهر؟ الصراحة انا الدوام منظم وقتي
هل راح يكون لنا وقفه جدام هالنائبات و نقول لهم لأ ، مفهوم حقوق المرأه عندنا يختلف عن مفهومهم ؟
لأ ماراح اوفق بويههم
و هل اذا تم اعادة الانتخابات راح ينجحون بعد هذي المواقف المخزيه ضد اختها المرأه؟
ليش لأ؟ شنو الي يمنع؟ كونج ما توافقينهم الراي و رايج طبعا على العين و الراس, ترا في وايد ناس يوافقونهم الراي و انا منهم
و على فكرة ترا مو شرط ان المرة تكون موظفة تكون هاملة بيتها و ريلها و عيالها, و مو شرط كل من قعدت بالبيت ربت عيالها افضل تربية
و لي رد خاص للاخت الحديث ذو شجون
انا مع اسيل برايها لان تربية العيال واجب على الام, و هذا الكلام معروف بالشرع و القانون, ليش تبون رواتب؟ هل الي قاعدة بالبيت بروحها الي تربي و الي تشتغل مطنشة بتربية عيالها؟ لا يا عزيزتي هذا قمة بالاهانة, شنو الزوجة بس تبي فلوس عشان تأدي شغلها؟ و اذا ما عطوها شنو بتقط عيالها بالشارع؟ شنو هذا التفكير المادي؟ ليش هذا الشي مطبق بأي دولة عشان تخلون الامومة بفلوس؟ كلام غير منطقي
اللى قاعده اقوله ان في حريم يحتاجون احيانا لاجازات يتفرغون فيها لرعاية عيالهم و اللى يمنعها انها ما تقدر تستغني عن المعاش، فليش يحرمونها من الاجازه بمرتب بحجة تحقيق طموحها الوظيفي .
ثانيا : هل معنى الكلام ان اذا اللى تبي تحقق ذاتها قالولها اشتغلي بدون معاش توافق.
باعتقادي مسألة التقاعد بعد 15 سنه مسأله مفروض تكون اختياريه ما يفرضون علينا افكارهم.
و تحقيق الذات بالعمل مو على حساب البيت لان في الاساس المرأه وظيفتها بيتها و عيالها.
معقوله ان مافي احد له راي بالموضوع؟
الله يستر من اللى ياي