العرايس البدو و المعذره منكم يالحضر اشرايكم بالهديه

مساء الخيرات على الجميع

تفضلو يا عرايسنا البدويات و ما عليه يا الحضريات باخذ رايكم بموضوع….

انا و ابو الشباب صار بينا زعله بسبب موضوع سخيف ما يسوا .. اهيا مو زعله بس كلن اخذ بخاطره شوي

و اهو عيد ميلاده الاسبوع الياي و بصراحه انا وايد مشتطة فشاريه الهديه من شهر يمكن و مزهبته بس باقيلي الكرت ..

طبعا الهديه عباره عن ساعه شاريتها من on time .. طبعا اشلون شريتها قصة و موضوع بحاله لاني انحشت بسوق من امي و اختي و شريتها بعيدا عن الاعين (جيمس بوند) من زود الحيا و الله

المهم عاد اليوم بزوارتنا اسمع جدتي و خالاتي يسولفون و يقولون ((المرا كل ما عطت الرجال طاح حظها ))

انا من سمهت الجمله و يهي قلب

و قالو حلات المرا كلش قبل العرس ما تعطيه وجه –> و انا

لان احنا تقريبا طاحت الميانه بينا و كان بودي اعطيه هديته الاسبوع الياي

يوووووووووووه وايد قرقت عليكم ما عليه مشتطه شوي

السؤال : اشرايكم هل اقدملا الهدية ؟؟؟ و لا امسك نفسي و اكتفي اني ادزلا مسج ؟؟؟

اي و اشرايكم بمقولة خالاتي؟؟؟

لا بالعكس عطيه بعيد ميلاده ما فيها شي
والله يهدي النفوس

لا يبه شدعوه هالكلام هذا زوجج خلاص وعادي بينكم الهدايا

وبالعكس جذي بيحس ان فيه احد مهتم فيه وذاكر ميلاده

انا اقول عطيه احس لان تفكير حريم ورياجيل او غيير عن الجيل الحين كل جيل وله تفكيره

دام شريتيها عطيها إياه ويمكن معاهم حق خالاتج هالكلام دايم نسمعه بس مو شرط ينطبق ع الكل والله يوفق الجميييع

اممممممممممم انا من رايي اتسوين اللي بخاطرج

و الهديه ع العموم تقرب بين الزوج و زوجته

– عطيه داام شريتي الهديه وبالمرره هالمناسبه ما تتطووف وغير جذي وجذي عشاان يطيح الحطب بينكم

بس شي مو قادره أفهمه شكوو البدوو والحضر ؟!!!!

اي شمعنى بس البدو .. ؟؟ الموضوع عام موووو

المهم عطيه عادي مع أني حضريه

مو كل شيء تسمعينه ينطبق عليج وعلى زوجج

عطيه اهديه واعتقد هذا وقتها بعد دامه زعلان

موفقه حبيبتي ~

جزاكم الله خير ,, و انا بعد ودي اعطيه الهديه

و الللي يسالون ليش خصيت البدو عشان البدو ما في طلعات و ييات ويالا و بالحسره هالتلفون نتصبر فيه –>هههههههه

خخخخخخخخخخخ لابعد منا حتى التليفون مافيه << إحم إحم لا تحسبوني مرجوجه بس أعبر عن حالتي {:

وأنا أقول على حسبت شخصية الرجال و أنتي أدرى بإلي يناسب وضعكم بس أهم شي تحسبينها بالعقل

وموفقه غناتي ..

ههههههههههههههههههههههههههههههههههههههه

انا بدويه

لا عادي عطيه بالعكس شي حلو

طيب يا جيمس بوند شلون بتعطينه الهديه الحين ؟؟<<<ودها تعرف

اتخيل شكلك حاطتها بالحوش وفاتحه باب الشارع وهو متلطم بشماغه ويدخل ياخذها من الحوش
ويطب عليكم ابوج يا فضحيييييييييييييييييييييييييييي فضحاه

<<<خيالها واااااااااااااسع

بس ترا جد هذي بتصير اغلى هديه لان هذي يعتبرها بايام الخطبه

شوفي .. اذا هو من النوع الي يهدي .. آهديه .. بس اذا لآ .. مآشجعج تعطينه الحين وقت الملجه ..
وكلآمهم ميه % صح

لآ عـــآآآآآآدي عطيه بعد زوجج هذآ ,,

بالعكس في بعض الشباب ما يعرف ان لازم يهدي ترا صج عقولها صغار

انتي تفتحين باب لهدايا الحين بس مو تمصخينها يعني عطي على شي يسوا فهمتي علي

ومو تعودينه كل ما زعل شريتيله لا هالمره دلعيه لانه معرس توه بس غيره لا خليها بالمناسبات

مع اني مو بدويه
بس عادي تراا الهديه شي حلوو وراح يذكرهاا لج