العرايس البدويات تعالوا ابيكم شوي / ولا يهونون خواتنا الحضريات

حبايبي هذا سؤال اوجهه لخواتي بنات القبايل لأن السؤال لوحدة بنت قبيلة بدوية وتعرفون ان البدو لهم عادات وطباع غير عن اخوانا الحضر -مع ان البدو ياخذون عاداتهم احيانا من الحضر ياحلوهم الحضر وياحلو طبعهم بعد
وطبعا كلنا بالنهاية كويتيين لكن سؤالي حق وحدة بنت قبيلة وسبق لها الزواج تقول :
منو المفروض ياخذني من الصالون الى شقتي – لأن العروس ماراح تدش الصالة
فشنو خواتي برايكم منو ياخذها من الصالون هل المعرس أو احد اهلها يعني اخوها ابوها افضل ؟

سؤال ثاني تقول لمن يودون شنطها حق شقتها – وهي ساكنة بشقة مستقلة عن حمولتها يعني بمنطقة ثانية تقول لمن يودون شنطها طبعا خواتها واخوها ويصير اهيا تروح عشان تسفط اغراضها وتعرف مكانهم أو فشلة ماتروح ؟
ابي اجابة عفية بسرررعة عشان اقول لرفيجتي العرووس .اللي بالاحمر هو السؤال

هع
بدويه وشمرريه<

هههههههههههههههه اي على كثر ما احس بصعوبه وضعنا يالبدو الا اننا الحمدلله مرتاحين شويه

لا شوفي خلي اخوها هو الي يوصلها للشقه عشان ماتستحين واجد وتتلعثمين اخوك يصير
متفتح شوي اكثر من الابو عرفتي . علي ..

وسالفه انها تروح تشوف بيتها لا والف لا ..
بيقولون وش هالمستعجله ماصدقت خبر ..
خليهم يوصلون الجنط قبل الدخله بليله
ولو ان بنت خالتي خذت الجنط من ثالث يوم خلصت من الفندق
نقزت لبيت اهلها وجابت الجنط وبعدها عاد سافرو ..

هذاا اغلب شي يصير
وان شاءا لله افدتك
ولو انك قلتي الكويتيتات بس قطيت وجهي
< سعوديه

الله يوفقك ويوفق صديقتك يارب
ويرزقك يارب

شوفي على الصالون مادري لأن انا بدش باذن الله فا مادري ..
و على الجنطه انا بدويه و بنفس بيت حمولتي بنسكن ان شاء الله و بيروحون خواتي و هم انا برز ويههي اعدل لأن مو معقوله بدق عليهم اسالهم عن كل شي وين حاطين مكانه ..
وما احب الا الترتيب اللي انا ابيه و على بالي .. لأني ماخذه على ريلي الحمدلله ..

و بس

فشنو خواتي برايكم منو ياخذها من الصالون هل المعرس أو احد اهلها يعني اخوها ابوها افضل ؟

اخوهاااا اكيييد

تروح عشان تسفط اغراضها وتعرف مكانهم أو فشلة ماتروح ؟

اكيييد فشله من اخوانهااا وريلهاااا هههههه

ياابعد قلبي يالللي ردوا بس يومين وادق ع رفيجتي واقول شوفي اشلون كويتيات افزعوا لج وقالوا لج آراءهم لان وااعليه اهيا ما تقدر تدخل ع المنتدى .

وبانتظاارالمزيد من الآراء

بنات شكو فشله اخرتها ترى بدش البيت شنو فشششششششله !
لا يبا عااااادي جداّ اتروح اترتب و ترجع

اخذي الهرج مني

اخوها ياخذها من الصالون ويوديها بيت اهلها … ويجي المعرس يااااخذها من بيت اهلها … جذيه احسن .. خل يتعنا الاخ مو يجيبونله عروسته وهو قاعد …

والشقه لاااااااااااااااااااا ترووووح ابدا ماله داعي رزة الوجه … خواتها يرورحون وبس

والله يهنيها ويسعدها

نفس الحجي ( اصلا تنسى سالفة ان اهيا تروح نهائيا فشلللللللللللللللللللللله توصي وحده من خواتها الطريقه اللي اهيا تبيها وبس

اخوها ياخذها من الصالون لبيتهم وبعدها ياخذها المعرس من بيتهم ///

ترتب شقتها هذي عمرها ما صارت ههههههههههه لا يبا لاتروح ولا شئ

يزااكم الله خيير ياللي ردوا واللي قالت تروح بيت اهلها اهيا قالت ماتبي تروح بيت اهلها تبي الشقة مستحية اتقول

أب
اب
وينكم نبي آراء

فشله تروح
اذا اتكلم زوجها اهو ياخذها
او اخوها