الطول وماداراك ما الطول :(

مرحبا بنات الله يعطيكم العافيه …

اول شي انا توني ملجه

وبصراحه حيل حيل حيل متفشله من طولي .. سي السيد تقريبا طوله 180 وانا 150 بس الكل يقول جذي احسن علشان تظلين كتكوته عنده .. بس احس نفسي مو مرتاحه خصوصا انه ماعلق ولا قال شي طول الوقت مبتسم كان الوضع عاجبه .. ماما تقول جذي يحسن انه هو المسيطر ..

لاتقولون كعب لان موسالفه كل يوم بلبس 10 سم .. خصوصا ان اهله ماشاءالله عليهم طوال شوي …

بليز قولوا رايكم تحسون فشله والا عادي ..؟؟

عاااااااااااااااااادي

انتي مو اول ولا اخر عروس قصييييره تتزوج معرس طوييييل

ولا تنسين ان القصر فــــــــــتــــنــــــــــــه يعني كل معاني الجمال

خلج واثقه من شكلج وجمالج وطولج ترى الثقه بالنفس كل الجمال

ألف ألف مبرووووك على الملجه حبيبتي

عادي حبيبتي لا تحطين في بالج

شنو اهم عندج ؟؟؟
الطول ؟؟ ولا اخلاقه ؟؟؟
وبعدين اقول لج سر بيني وبينج ؟؟؟
عطيني اذونج لووووووووول
ترى انا نفس طولج وزوجي طويل بالعكس هالشي مخليني عنونة ودلوعة بعينه ،، الضحك تدرين وين ؟؟
اذا بغيت ابوسه
لازم اهو يجندس وانا ارفع اصابع ريولي هههههههههههههههه
بس عادي ترى

نسيت اقولج شي

اهو مو اللي مختارج قبل الملجه ؟

يعني اهو اختارج بقناعته وراضي بطولج فليش الاحراج ؟

نفس كلامها .. بس أحب أضيف شغلة بسيطة ترى هم أنا نفس طولج بس ليلحين مو متزوجة يعني قريب إنشاالله بس كذا مرة أتناغش مع أمي عن هالسالفة كله تقولي اذا خذيتي واحد طويل يحسن النسل لووووووووووول بس ما ادري شنو ربي كاتب لي .. يعني لا تحاتين ولا شي هو راضي ليش انتي شايله الهم خو المفروض تستانسين مو تحزنين والله يوفقج قلبي ويتمم عليج على خير يارب

الله يبارك فيكم يارب …

جد ريحتوني بس معقوله في رجال يحب مدامته تكون اقصر منه بواجد … صج عجيبه ..

وعلى فكره هو شافني قبل الملجه وماقال شي عالطول ,,

اول شي مبروك حبيبتي ,,

ثاني شي ترى المسأله عاديه حدها , ودام انه ماقال شي ولا علق فهالشي عاجبه

ومثل ماقالت الاخت : كل قصير فتنه

وراح تصيرين كتكوتة ريلج

الله يوفقج , ويسعدج ويهنيج

والله انا وريلي ما بينا فرق واايد بالطول بس اهو اطول مني بجم سانتي

بس احس أحلى لما الرياال يكون أطول من مرته

وبعدين تقدرين تلبسين كعب متى ما تبين

لأن أنا ما اقدر البس كعب عاالي اذا بطلع معااه

لأني بصير أطول

allah yewafgich inshallah

الف مبروك

وجان زين انا ريلي اطول مني جذي..انا طويله بس بيني وبينه جم سانتي..وما حس بجاذبيته..

حلاته الريل طويييييييل..واذا عالناس حتى انا يعلقون علي انتي ليش طويله ؟…انتي ليش عصله؟؟ انتي ليش وانتي ليش

خلج من حجي الناس ما يعلق الا المحتر!!

مبروووك الغاليه
وحده عادي
و اغلب الحريم رياايلهم اطول منهم
و بالعكس حده حلو و مثل ماقالو البناات حدج تصيرين كيوت يمه
و الريااال اااذا بغا طويله يطلب مثل رفيجتي مشالله طولها 170 و خطبها واحد كان يبي وحده بمواصفاتها انها تكون طويله
الله يوفقكم مع بعض انشالله

مبررروك حبوبه

وانا طولي 158 وعادي ترى بالعكس البنت مو حلوه اطويله من رايي الطول للريال

البنت حلوه اقصيره اتكون كتكوته نعومه وخاصتا ويا الريال لما يلمها لوووووول صج والله حلووو

يحس انها صج انثى كيوت كتكوته اتكون وايد رياييل يحبون جذي مو الاطويله حالها حال الريال مو حلو

لو مو عاجبته جان ما خذاج
نفس الحال انا وزوجي
بالعكس وناسه
احس اني بيبيه يمه

نفس منطق البنات ,,,,, اهوووو الي اختارج من بين كل البنات الطوااال والقصار وعجبتيه خلاااااااص …لا تحاتين وتخلين المساله تاثر عليج….واالله يوفقج حبووووبه

عادي اختي بالعكس هذه ميزه باجر لما تتزوجين بتعرفين قيمتها

انا طولي 158 و ريلي ما شاء الله شطوووره تبارك الرحمن .. و عااادي

يا حلو الكعب بالطلعات و البيت عاااادي

بس المهم لا تمتنين