الطلق الصناعي

بنات منو دخلت شهرها التاسع يعني اول يوم او ثاني يوم او ثالث يوم وما فيها طلق وعطوها طلق صناعي وولدت طبيعي وجم يفتح الرحم لان الدكتور يقول لازم تولدين بهالايام هذه عشان الزلال طبعا بعدين مو الحين انا بارابع توني بس ابي خبراتكم يعني جم يفتح الرحم بعد الطلق الصناعي

انا ولدت طلق صناعي

بس لما رحت كنت اوردي 2 سم

وبعد اول تحميلة يعني بعد ست ساعات صار 4 سم

والالم كان معقول

بس بعدها نقلوني ولادة وابتدا الجد والالم الي يذبح

يعني الحمدلله كانت سهالات

وكان طلقي 11 ساعة والله ياجرنا

لا اله الا الله
الله يهون عالجميع

صبري كلشي بيد الله تره الطلق الصناعي مو هين

الله يسهل امورج

مشكورين حبايب قلبي بس كثرة الطلق وقوته ماتفتح العمليه اخاف على عمليتي وشكثر المده كحد اقصى للطلق الصناعي

مابي اخرعج انا ولدت مرتين بطلق صناعي يذبح الم مو طبيعي وعلي حسب كل وحده ممكن تولدين بعد ساعه وممكن يوم

شوفي ياقلبي اول شي ربي يتمم عليج حملج
ثاني شي
انا ولدت باول التاسع من كيفي لاني تعبت كله بلاعيمي وكله مصخنه وحالتي حاله
رحت فحصتني باول التاسع قالت واحد سانتي
سوتلي توسعه بطلبي وصرت 2 سانتي
حطولي تحميلتين لي يوم ثاني الساعه 12 الظهر انا كلش مافيني طلق وانفتحت 3 بس
وخف نبض الجنين وتعب وياني استشاري قالي بعد ساعتين ان ما انفتح الرحم راح اضطر اولدج قيصري
ودعيت ربي اني اولد طبيعي لاني موحابه القصيري كللللللش
المهم دخلوني غرفة الولاده الساعه 2 وحطولي الطلق الصناعي باللدرب
طبعا البنات يقولوون يذذذذذذذذبح
بس انا لان امي الله يحفظها لي ممرضه كانت لمن تشووف الطلق على الشاشه تدعس الكمام بخشمي وتقولي شمييييي
واشممممممممم وادووخ وماحس بالعوار كلللللش بس بالقرقه الي حولي
وبعدها بساعتين عال 5 ولدت والحمدلله وبعد ما قالتلي بوووش بوووش وسويت بوووش مرتين من قللللللللللب وطلع البيبي والمشيمه
والحمدلله على السلامه لوول
وتوكلي على رب العبااد ولاتحاتين
نصاايح اول ماتدشين التاسع
كثري مشروبات دافيه ودارسين ونبات وزعفران وحليب مهيل
وكثري ( الجمــــــــــاع )
ترا يفتح الرحم بشكل مو طبيعي
وطبعا اذا فيج حيل
صعدي الري ونزلي منه 10 مرات باليوم ترا وربي تسهل الولاده
وهالله هالله بالدعاء

الله يسهل على الجميييييع ولا تحاااتين

انا كان الرحم مفتوح 1 سانتي

ومن عطوني الطلق فتح لي 4 سانتي وعقبها بطو جيس البيبي

وولدت الحمدلله طبيعي

اعرف وحدة مثلج بس ضغط مو زلال اول يوم بالتاسع راحت مستشفى الصباح وحيل ساعدوها لانها بجر تخيلي من غير بنج و صبروا عليها *

ياربي ياكريم بهليوم المبارك

تولدين طبيعي و انا وكل حامل يارب ياكريم

ولاده يسره سهله غير عسره

بشرينااا مو تنسين

الحمدلله على السلامة

أنا رحت لهم مفتوح الرحم 2سم وعطوني طلق لأن البيبي كان مايتحرك

صج مت من الطلق لكن ولدني الدكتور عملية خوفا على البيبي اللي بدأ الأوكسجين يخف عنده

السلام عليكم بنات انا الحين سادحيني بمستشفى الولاده لان البيبي اصغر من عمره باربع اسابيع و مو راضي يكبر
فقرروا يولدوني يوم اليمعه و بيعطوني طلق صناعي والله يستر حدي خايفه بس بتوكل على الله
احد اعرف دكتور زين بالولاده ينصحني فيه

الله يسهل عليج انشالله بس والله ماعندي فكره عن دكاترة مستشفى الولاده

انا رحت لهم 2 سانتي بس
عطوني طلق صناعي بالدرب وتحاميل 18 ساعه بس 3 سانتي ومع نزول الماي حولووني قيصريه
بس جسمي غير جسمج ان شاالله ماتتعسر بس حبيت انقل تجربتي مع الطلق الصنااعي المتعب