الطلق البارد – مناقشة

هذا ثاني حمل لي وايني عوار ومادري اذا هذا طلق ولا لا لوول
وبالعكس على وصفج احس خوش شيئ هالطلق البارد
اهون من الطلق الحار الي ايي فجأة ويخسبقج

انا ما جاني طلق بحملي الاول ..فولدوني بالطلق الصناعي

وهالمرة بعد ما فيني طلق .. وبيولدوني بالطلق الصناعي : (

امبيه انا افكر لو اني على زمن اجدادنا الاولين قبل اختراع الطلق الصناعي شكنت باسوي ؟!!!

اهلا منورة
بس المشكلة بالطلق البارد دام الوحدة ماتحس فيه اشلون تروح الطبيب
مو يمكن تولد بالبيت؟؟؟

الحمدلله يارب على النعمة
الحمد لله عالمستشفيات رغم الاخطاء الطبية
لا الطلق البارد ماتحتاج صناعي يكون فيها طلق بس ماتحس فيه

حتى انا يا بنات حملت اربع مرات ولا واحد حسيت بالطلق كلهم طلق صناعي وهالشي متعب لان الولاده تطول على ما تولدين بس هالمره يمكن راح يجيني طلق لان دايم احس بالم في ظهري وانا توني بالسابع

الله يهون عليج يارب
بس الطلق البارد ماتحتاج الوحدة معاه لطلق صناعي
لأن يكون فيها طلق والرحم مفتوح بس بدون ألم

انا بالتاسع وبجر وموقاعد اييني طلق اخاف اصير مثلكم ويعطزني طلق صناعي

لا يابنت الحلال لا توسوسين
اصلا الطلق الصناعي حق اللي تطوف شهرها
او يبون يولدونها قبل وقتها ) في حالات مثل سكر الحمل)
بس كثري الدعاء ربي يهون عليج يااارب

للرفع

انا اختي جذي ولودها بالسابع بس مادري ليش هههههههه و كان طلق صناعي
كنت صغيره ماادري شسالفه

و انا بجريه الله يسهل علينا و عليكم

الله يسهل عليج انشاالله

انا مثلكم بنات ..

بالولادة الاولى عطوني طلق صناعي مع اني كنت بنص التاسع ..

لانه ماي البيبي نزل وتوهقت وانا ماياني طلق !!

وهالمرره اليوم دشيت العاشر تخيلو@@ ولا طلق ولاهم يحزنوووون !!

احس ساعات بالم بس مادري اذا هذا اهوا الطلق ولا لا ؟؟ كل مااروح مراجعاتي يقولون لي ماكو طلق !!!!

وباجر اخر موعد على قولة الدكتوره اتوقع بيعطوني طلق صناعي والله يستر

اعرف وحدة كانت جذي بس بعدين يرجع الطلق الحار عادي

شلووونج ناتشوو حبيبتي اعرف وحده صار معاها جذيي طلقها بارد بس لما راحت المستشفى عطوها طلق صناعي ودي افيدج اكثر بس ماعرف التفاصيل انا ماجربت الطلق ليلحين ادعولييي اولد طبيعي هالمره