|
|
انا يايبه موضوع نتناقس فيه ونستفيد من خبرات وتجارب بعضنا
طبعا كلنا نعرف ان شكلنا يتغير في الحمال وبعد الولادة ويصير مأسااااااة نحتاج حق تغيير كامل عشان نصير عرايس من جديد
فياريت كل وحدة تدخل وتقول شنو سوت وشنو شرت حق طلعتها من النفاس شنو استعملت من خلطات وسنفرات ومتى ابتدت وياريت تذكرون نوع ولادتكم طبيعي او قيصرية لان في خلطات القيصرية ماتقدر اتسويها
واتمنى كلنا نستفيد
up
up
انا ولادتي قيصرية بس لحين ماطلعت من النفاس باقيلي 4 ايام
بعد اسبوعين من الوللادة بديت استخدم خلطة الصابونية ومرتين بالاسبوع اتسبح مثل طريقة اختي الغالية مزيونة وشقرة الي تخلي الجسم ناااعم ونظيف و3 ايام بالاسبوع اتفرح بملح اليوكو للتنعيم
وهل الاسبوع بقص وبصبغ شعري وبحف انشاء الله وباروح السوق بشتري قميص نوم احمر ( يحب الاحمر)وفستان انيق
بس الي مضايقني ان لحين ينزل علي دم احمر خفيف كلش كل يومين موعارفه اذا كنت اكمل تجهيز حق طلعتي يوم الجمعه او لاء
المهم يلا بنات شاركونا بتجاربكم وخلونا نستفيد
وانا امفكرة اروح فندق بس ليما الحين ما قررت وين واذا عندكم مكان حلو انشالله تفيدوني
وبالنسبة للخلطات انا شريت من الحواي خلطة حمام مغربي وشريت سنفرة وصابوونة الكركم وكل ماتسبح احط الخلطة وبعدين الصابونة وبعدين السنفرة
و شريت زيت الجليسرين وبحط معاه ليمون وبستخدمة قبل لا اتسبح
وبدهن شعري عندي زيت شاريته من الحواي اسمه الخلطة العجيبه هم قبل لا اسبح
وانشالله ناويه اصبغ شعري ومادري اذا اقصه او لا لانه صاير طويل وعاجبني بس يمكن ادرجه
انتم السابقون ونحن اللاحقون ومنكم نستفيد…
انا هالشهر راح اولد .. وبستفيد منكم
وانشاء الله طالعين من الشر
والي ماولدو يولدون بالسلامة انشاءالله
بس اهم شي تجهيزات السووق . . وخلال فترة النفاس طبعا لازم اهتم بالاكل والشرب عشان الويه والبشرة يردون نفس قبل
واشتري كريم للخطوط الملييقة اللي طالعة الحين ..
وبالنسبة لكورسات النفاس والاعشاب انا ماحبها ولا أفكر استخدمها صراحة ..
ممم وبس .. مادري ماعندي تفاصيل لأن للحين طبعا ماولدت ..
وانشالله البنات يفيدونا بتجاربهم
وماني عارفة شسوي
و الفال لنا ان شاء الله اللي ما ولدنا
و منكم نستفيد
يارب تهون علي ولادتي خااايفة ومكتئبه نفسيا من شبح الولاده يارب سهل علي يارب وعلى كل حامل ما بقى شي على ولادتي بدا العد التنازلي تقريبا 10 ايام واخلص التاسع حاسة بثقل مو طبيعي امانه ادعووولي بظهر الغيب