الطلبة الغير مقيدين

السلام عليكم ورحمة الله وبركاته

بغيت أسأل عن نظام الطلبة الغير مقيدين في جامعة الكويت آنا بدرس بكالوريوس هندسة كمبيوتر منو جربت نظام الغير مقيدن ونجحت فيه وصارت مقيدة تكفون فيدوني وهل ان ضروري تكون شهادة الثانوية حديثة والمواد اللي يعطوني اياها في نظام الطلبة الغير مقيدين انا أختارها والا اهم يعطوني اياها اجباري تكفون ابي الرد ضروووووووووري لا تخلوني

شلون غير مقيدين؟؟ مافهمت يعني انتساب
ماكو نظام غير مقيدين في الجامعة
وانتي تبين هندسة الهندسة فيها مختبرات ودنياا لازم مقيدة في الكلية

انا ريلي كان يدرس بره بس رد بكمل بالكويت دخل اول شي غير مقيد لأن ماكان مجتاز عدد الوحدات اللي يبونها وطبعا يبون معدل معين على ايامه 2.33 بس الحين يمكن زاد المعدل اللي يبونه وعقب يمكن كورسين كمل الشروط وتقيد

النظام اهو اني اكون بالجامعة ادرس دوام كامل كورس كامل 4 مواد كل مادة ب 50 والمختبر 100 دينار واذا اخذت 4 نقاط يحولوني مقيدة يعني انقبل وينزل اسمي بالكمبيوتر مو انتساب لا دوام كامل

ولا مرة سمعت بهالطريقة الانتساب!!

اللي اعرفه يوم رحنا نسأل عن الماستر قالوا تقريبا نفس اللي قلتيه بس لازم انعدي وحدات معينه ويكون المعدل 3 وفوق عشان يصير على حسابهم! بس البكالريوس مادري