|
|
السلام علكيم
والله صايرلي فترة و انا افكر ببنت اختي وابي اجابة منكم
بنت اختي الله يسلمكم مشتبه الدكتور فيها انها طفلة مغولية يعني مريضة بمتلازمة داون وماخذ من البنت تحليل و التحليل يطلع بعد شهر و اختي مسكينة توها بالايام الاولى بنفاسها و مسكينة كله تبكي على بنتها و احنا خايفين مادري متى يمر الشهر
وابيكم تقولولي ممكن التحاليل تطلع سليمة في احد صادفه مثل الموقف (الله يكفيكم الشر ) الله يبشرها بالخير اللي تبشرني و الله هي اللي فيها مكفيها
لانها عندها طفل فيه اعاقة ثانية مع ان عيالها اللي جابتهم اول شي سليمين بس الولادتين الاخيرة ( انشا الله البنت تطلع سليمة)
و الله يجازيها خير اللي تدعي لبنت اختي ان الله يفكها من هالمرض و تطلع تحاليلها سليمة
الله يعافيكم لا تنسونها بالدعاء و الله حالتها تكسر الخاطر
بس اذا لاسمح الله … تصبروا لايبتلي الا المؤمن والمرض مامنه خوف
والي ايي من الله حياه الله
انتظروا النتيجه وامنوا بالقدر ولاتجزعوا
وان طلع فيها حبيبتي مالها الاالصبر بقضاءالله ومايبتلى الا عبادالله الصالحين
بس حبيبتي هذا شي بيد رب العالمين
وماتدرين الطفل الصاحي يمكن عذب امه وابوه بالكبر وهالي مو صاحي اهوا الي ينفع امه وابوه
والله يعين اختج انشالله وتشوف بنتها معافاه يا رب
ربي يعين اختج و ان شاء الله البنوته ما فيها الا العافيه 
بس خليني اقولج شي
ترى الطفل المغولي من ايي لاهله سبحان الله ايي معاه الخير
والله شي شفته مع بنت خالتي
مره قريت عن الطفل المنغولي وياليتني ماقريت مكتوب انه يبين من كف البيبي اذا فيه خط يعني منغولي وخطين طبيعي ومن يومها وانا اشوف يد بناتي موسوسه