الضغط ذابحني والدكتورة مو راضيه تعطيني حبوب ,, وانا خايفه بلييز ساعدوني

السلام عليكم
شلونكم خواتي شخباركم

انا بصراحة حدي خايفه من هالوضع ياريت اللي مرت بمثل حالتي تفيدني وتقول لي شاسوي

انا من فترة ضغطي يرتفع اذا اروح للموعد الصبح ويقيسونه ويشوفنه مرتفع

يعني مرة 140 على 99 يعني بهذي الحدود

ووينوموني يومين ويفحصوني

وتخيلو طول ماانا نايمه بالمستشفى يكون ضغطي عاااااااادي وكاني عيارة وتقول لي الدكتورة خلاص روحي البيت مابعطيج شي انتي ضغطج اوكي

ومن يومين حسيت بصداع ورحت اجيك بالمركز الصحي الا تقول لي الدكتورة ضغطج وااايد مرتفع

يعني وصل 160 على 110 والحين نوديج بالاسعاف الى المستشفى العسكري

قلت لها لا يبه اسعاف مابي بروح بروحي انا بروحي اخاف من الاسعاف

المهم رحت بروحي ودخلوني غرفه الولادة وفحصوني وشافو الضغط بعد مرتفع وقالت لازم تنامين عشان نجيك بعد 24 ساعه وبنبدي معاج الحبوب

طبعا هذي الدكتورة اللي بالولادة مو دكتورتي اللي اتعاالج عندها

وتنومت في الليل وجاتني دكتورتي الصبح وشافت الضغط من اول ماوصلت الى الصبح كان كلللللللش طبيعي والتحاليل زينه

قلت لها عطيني حبوب ترا ادري يرتفع اذا طلعت

قالت لي مايصير اعطيج لان التحاليل مالت 24 ساعه كلها زينه

وانا بصراحة خايفه من انه يرتفع ويصير لي شي بالبيت وخاصه انا عندي مشكله بالكلى وخايفه تاثر علي

وعطوني موعد بعد اسبوعين

ياريت تساعدوني واليي مرت بهذي الحالة تقول لي بليييييز

كل شي الا اضغط انا من عمري 18صار فنيني لما حملت بجري

وطول هالسنين ما انتظمت بلعلاج لعب على كيف كيفج متى ماحسيت راسي يعورني واطلعت اعراض الضغط رحت لج ركضه خذت حبه وحالتي حاله…ما اتوب وساعات الحبه ماتسوي شي يسدحوني بالملاحظه ويعطوني حبه تحت الساني وابره وادرب ويالله ينزل لان ظغطي مخيف اللي فوق يطق لج من 196الى 200 اللي حتى لساني يثقل بس ماااكو فايده ..ظليت العب بالحبوب لي قبل الحمل وعقب ماحملت نسيتهم بعد خير شر وطااااف من قلب
بس نصيحه كثري من اكل الرقي…ووخري عن الدسم والملح ..مؤقت لين تولدين انا جذي اسوي وقالي الدكتور كل صبح بلعي فص ثوم صغير هذا علاج للضغط ولا تحتاجين دوا ولي ولدتي انتظمي على حبوبج ترا خطر اللي تسوينه قلت انشاله

ترا فص الثوم مايسوي ريحه لان اتقشرينه ومن غير ماتقصينه تبلعينه مثل الحبه وفوقه ماي جربي

ماعليج شر ان شاء الله
وديري بالج تنسين حبوبج
والله انا ابي اخذ حبوب بس الدكتورة تقول مايحتاي شاسوي وياها

ومشكورة على مرورج ماقصرتي

شوفي تدرين شتسوين؟؟؟

روحي الطبيب مو شرط دكتورتج

وقوليله بسوي متابعة ظغط لمدة ثلاث ايام اوكي

اليوم الاول روحي وقيسيه شوفيه جم؟؟ وسجلي عندي بالورقه واليوم الثاني هم روحي وسجليه وبالثالث بعد اذا شفتيه مرتفع وايد وماينزل

روحي لها وقولي لها شوفي لي حل

جذي بتنجبر تعطيج واذا كان ضغطج بهالثلاث ايام طبيعي مو وايد عالي الحمدلله عالنعمه

واخاف ان ضغطج (توتري)يعني وقت الزعل او التوتر بس

فعشان جذي هي موراضيه تعطيج
وعسالله يهون عليج ويشافيج حبيبتي

هلا حبيبتي

انا كان معاي ضغط وااايد مرتفع طووول حمالي وكانت الدكتوره تعطيني احبوب الدومت 250 وهم كان ضغطي مرتفع انا انصحج هدي بالج وشربي ماااي وااااايد ولاتحاتيين شي بس ريلااكس وفكري اباحلى شي ابحياتج و اهو بيبيج عسى الله احفظه لج وتولدييين بالسلامه يااارب
على فكره ترا انا ولدتني الدكتوره امبجر كلا من ضغطي فانتي ديري بالج على عمرج وعلى البيبي

المشكله يا اختي ان كل مااروح للموعد الصبح ويجيكونه يطلع مرتفع يمكن مثل ماقلتي انا لاني اقعد احاتي اخاف يطلع مرتفع ويرقدوني بالمستشفى واحاتي ولدي مع من بيقعد وجذي

وبعدين اذا رقدتني يبين عندهم انه طبيبعي كلش وكاني عيارة

وهذي مب حاله كل اسبوع اروح للموعد واتنوم وارجع اطلع وارد اروح البيت ويرتفع وارجع اتنوم

يعني خل تعطيني حبوب ولو حتى حبه باليوم ماراح تاثر

انا خلاص ان شاء الله يوم الاحد موعدي وراح اقول لها عطيني حبوب لاني بصراحة اخاف على عمري

ومشكورة حبيبتي على مرورج ماقصرتي فديتج

هوو شي طبيعي بتولدني مبجر لان بولدي البجري ولدوني بطلق صناعي قبل موعدي

بس هالمرة الضغط مو راضي يستقر على بر يعني اوقات عادي واوقات مرتفع

والظاهر اكثر شي يرتفع اذا فكرت وقعدت احاتي وتنرفزت

وفعلا يوم تنومت من يومين وكان مرتفع كنت نايمه قبل وانا منقهرة ومتضايقه وعقبها بيوم قعدت الصبح الا احس بصداع وضربات قلبي سريعه فعلي طول رحت المستشفى وتنومت لانه كان مرتفع

عالعموم حبيبتي مشكورة ماقصرتي على مرورج فديت قلبج