الصندوق الكويتي للتنميه الاقتصاديه

بناات حبيت اسئلكم عن هذا المكان وشلون طريقه الشغل عندهم وشلون معاشاتهم بالنسبه لدبلوم تدريبي هل يستاهل ولالا واكون شاكره لكم

جان زين البنات يفيدونه اكثر عن المكان

طريقة الشغل عندهم ، واسطة

حبيبتي هالمكان روووووووووووووووووووووووعه بمعنى الكلمه

ومايبون اي احد

اذا الله سهل لج وقبلوج نصيحه روحي ولا تترددين

انا قانونبه تخيلي ولمن رحت اسأل عن رواتبهم طلعت موشي 600 وشي على مااعتقد بس حسيت الموظف جنه يجذب علي مو معقوله بس اهو كان مدير مو معقوله يقص علينا المكان وايد حلو جنه فندق وراقي حيل وشغلهم حلو جذي معاشاتهم ماعندهم كادر ماادري عاد الحين سوو لهم كادر وتغيرت رواتبهم ولا لا اذا بخصوص القانوني الجامعي اما الدبلوم ماادري عاد اشلون اذا احنا معاشتنا مثل الوزراه الدبلوم اشلون طيعا زيارتي لهم قبل لايقرون 120 دينار

بس اتوقع اهم نفس التأمينات الاجتماعيه البدايه الرواتب تكون ضعيفه بس عطي روحج سنه سنتين يصعد وايد

معاشاتهم نفس الوزارات
مو احسن
بس جنهم ماياخذوون دبلوووووم
وماياخذون اقل من جيد جدا

اي عدل ما يخذون اقل من جيدجدا الحين اتصدقون كل مكان ياخذون على المعدل

بنات الصندوق الكويتي عنده شواغر وظيفيه ؟؟؟

بس مره شفت اعلان عنهم يبون مهندسين غيره ماشفت اتوقع لمن حطوه بالغلط رلازم تروحين تسألين ولمن تسألين يقولولون مانبي فا حطي واسطه يصير في شاغر ماكو واسطه ماكو شاغر

ايه والله يا هني وعافيه وانتي الصاجه
لازم هالواسطات والا ماكو شواغر

اخر خبر حزين في حياتي
ريلي راح هالمؤسسه وكله أمل يتوظف عندهم وقاله موظف التعيين احنه راتبنه جذيه ومزايانه جذيه واحنه واحنه….
ويخلي ريلي يغرق في بحر أحلامه الورديه
واخر شي جان يقوله ريلي انا موظف بالوزاره الفلانيه وبطلع منها ، ومحتاج لوظيفه راتبها محترم
قاله موظف التعيين : عيل شيل شلايلك وارجع وزارتك ، احنه ما نوظف الا الشباب الخريجين واللي ماعندهم وظائف ، ولا تحاول تييب واسطه واتعب روحك ترا ماكو فايده بنات اشهالحجي ؟؟ ما تلاحظون من كلامه انه الموظف يتعمد يسكر الأبواب بوجه هالمسكين
يعني الحين الموظف اللي عنده خبره 9 وأمانه في شغله وخدوم ، لا ومتزوج وعنده عيال ومصاريف ومحتاج ، تبدون عليه شاب أعزب ماوراه زوجه ولا عيال وتعطونه معاش 1000 والمتزوج اللي بعز حاجته تطردونه ، ليش الظلم ياناس؟؟
ضايق خلقي عليه حيل يا بنات

بناات بليز قولو لي وين صاير مكانهم بالضبط الانه في ناس واسطه قايلين لي عن هالمكان وبعرف شنو طبيعه شغلهم

بنات يريت اللي عندها معلومات اكثر عن المكان تقولنا
شنو طبيعه عملهم
شنو التخصصات اللي يبونها
وين مكانهم
وجم رواتب الجامعيين

السلام عليكم

بنات اللي عندها معلومات ياليت تفيدنا
والله يجزاكم و ايانا الجنـة و التوفيق دنيا و آخــرة