|
|
مرحبا بنات
مادري ليش قسم المعلمات شفيه الصراحة !!!
أتاسف لاني راح اذكر اسماء وياريت محد يزعل مني لأني بقول جم شغلة مضايقتني.
===
اول شي
أنا سبق وفتحت موضوع
(( التسوق للعام الدراسي اليديد )) وفتحت له 3 مواضيع وكل موضوع
يوصل فوق الـ 10 صفحات وأغلب معلمات القسم شايفينه ورادين عليه
وحاطين اضافاتهم.. اتفاجأ أن غيري يروح يسوي موضوع مشابه حق موضوعي
مع ان موضوعي يكفي ويوفي وفيه تجديد واضافات من وقت لي وقت..
انزين عيل انا لما اتعب واصور واسوي موضوع ووحدة ثانية باردة مبردة تحرق لي كل الجهد
وتسوي موضوع نفس موضوعي مو حرام؟ يعني الصراحة مافي تقدير حق الجهد والوحدة تصير مالها خلق القسم اذا بتقعدون تخربونه بمواضيع مكررة! طبعا انا اتكلم عن الأخت DIVA موضوعها نفس موضوعي. عن التسوق للعام الدراسي اليديد
هذا موضوعي: [] ملابس وقرطاسية: تجمع خاص للمعلمات فقط … تسوقي للعام الدراسي الجديد []
هذا موضوع ديفا: بدينا و البادي بسم الله ( شنو تجهيزاتكم للدوام 2024 )
===
ودام تكلمنا عن نفس الأفكار خلوني بعد أتكلم عن موضوعي:
" حزب معلمات التعيين اليديد " نفس الشي الأخت jenan قامت وسوت تجمع يحمل نفس اسم موضوعي. ولما سألتها وقتها واستفسرت قالت حق معلمات التعيين اليديد وشنو يسوون ووين يودون أوراقهم ووين يروحون. وانا وقتها سكتت وطوفت مع ان مو من حقها تستغل تعبي بموضوع منفصل ومع انها لما دشت قسم المعلمات كانت مرابطة في موضوعي وتسأل مليون سؤال وكنت أرد عليها بكل رحابة صدر وبدون اف ولا تملل.. بعدين مرة وحدة اتفاجأ بموضوع مشابه لموضوعي. انزين عيل انا الموضوع الي مسوته وكان مدته 4 مواسم كاملين وممتد لشهور وساعد وايد معلمات وين وراح؟ حق السوالف والحش مثلا؟ ولا حق التعيين القديم؟ ما أشوف أي مبرر انكم تفتحون مواضيع مشابهة بالقسم.. مع ان فيه مواضيع نفسها فليش التكرار؟ انا موضوعي يكفي ويوفي بس مادري ليش فتح مواضيع مشابهة لنفس موضوعي
هذا موضوعي: ★★★ حزب معلمات التعيين الجديد \4\: بـاي تـدريـس .. هـاي عطــلـة ★★★
هذا موضوع جنان: ## تجمع معلمات تعيين يديد##
======
وعلى فكرة ياريت اي وحدة تقرا الموضوع تحط في بالها شي مهم
ترا انا لما أعصب واتنرفز واحمق من حقي لأني تعبانة على موضوع أشتغل عليه
مو لأني ابي إشراف او ابي أخذ مكانة مرموقة وهذا أخر همي
واكثر من مرة ذكرت ان ما يهمني وانا مابي اصير اشراف او يتغير المسمى مالي
بس الصراحة جهد فترة طويلة وعلى مدة شهور
كله يحترق بمواضيع ثانية.. والصراحة هالشي يخليني اكره المنتدى بكبره …
وبس هذا الي أبي أقوله.
المفروض يكون فيه حقوق الطبع محفوظه باسمج
معآج حق والله
والله يلوؤم إلي يلووومج
مَ عليه إنشالله بيتفهموؤن إلي قلتيه
وبعدين شنو فيها نضيف مشاركاتنا ونرد ونضيف ونستفسر بكل المواضيع الموجوده بالقسم
اظن ما فيها شي! بالعكس تعم الفايده للكل
حتى اهيا بعد ما قصرت ويانا
كل ما يصير لها موقف بالوزاره لما تروح على طول تسدح لنا المعلومات بالتفصيل
وصج عاد نفس المواقف اللي تصير وياها صارت ويانا
وعن نفسي بصراحه سجلت بالمنتدى عشان وحده من رفيجاتي قالت عن تجمعها
وبصراحه حيل استفدت منه والبنيه طيبه ما قصرت معانا بأي شي
لكن المفروض مايكون فيه تكرار
وهذا طبعا شغل مشرفات القسم
وانا أبدا مو قصدي بهالموضوع اتعدى على كل من الخوات: ديفا أو جنان
وما اعتقد كلمة الحق تزعل.. وانا لما نزلت هالموضوع ما سبيتهم ولا تهجمت عليهم كل الي قلته اني الأحق بمواضيعي..
====
وحدة من الناس: مشرفات القسم اثنين بس وسبق ودزيت حق ضحاوي وماردت علي والأخت نيرو ما تبين كلش
فهذا مو ذنبي اذا ما يتابعون قسمهم..
^
ومنو قالج لا تستفيدين!! استفيدي وعلى راحتج بعد
بس يكون بموضوع واحد.. مو ألف موضوع مكرر عن موضوع..
تخيلي الساحة 4 مواضيع نفس المسمى انزين ليش!!
مو احسن يتجمع بموضوع واحد والكل يطلع عليه ويضيفون فيه معلومات احسن من التشتيت!
ولو فرضا انعكست الاية وكان قبلي عضوة مسوية موضوع تجمع
أكيد راح أشارك فيه وماراح اضطر اسوي موضوع ثاني لأن الموجود له شعبية وقاعد ينفع شريحة كبيرة من الناس..
شوفي حبيبتي وحدة من الناس ترا انا هني مو غرضي اتناجر مع هذي وذيك ولا سويت موضوع
علشان اطب في أحد لان سبق ووضحت كلامي في الموضوع من بدايته.
ادري انج ميالة حق موضوع جنان لانج استفدتي منه وهذا أمر راجعلج وبالعكس شي حلو انج تستفيدين من قسم في منتدى بأي طريقة.. وبالاخير لا انتي ولا انا راح نقرر لأن القرار بيد المشرفات.. لأن اذا ماتبون الوحدة تتعب وتصور وتسوي فيفضل ان محد يتعب عيل..
وحبيت أوضلحج شي ويارب ما تفهميني غلط ترا انا مو محترة من عضوات معينات أو اتعمد أغثهم أو انطر احد تدخل علي علشان أقوم والاسنها و سالفة اني محترة او اغار هذي سوالف يهال ومراهقات انا اترفع اني اخوض فيها..
وهذي لج ….gif "Eh S(17)")
استفدنا من موضوعج وايد منال، واستفدنا من موضوع جنان وايد بعد!
لأن اللي فيه كانوا فقط يتكلمون عن أمور ما قبل التعيين .. اللي ما كانت بسيطة! ما شاء الله ممتدة على أيّام ..
وفي مراعاة أزمنة وأماكن .. بين المعلمات اللي تم تعيينهم .. والمعلمات اللي جاري تعيينهم..
أمّا موضوعج ..
فجمهوره: "1- جميع المعلمات مدعوات للمشاركة سواء الي صارلها سنة أو 10 سنوات أو 5 شهور أو شهر واحد"
وشعاره:" بـاي تـدريـس .. هـاي عطــلـة" ! .. إحنا ما درّسنا ( "فالشعار ما يناسبنا" 
! لأن طفشنا من العطلة! وقعدنا 6 أشهر بالإجازة الصيفية والشتوية ..
وانتي ما تقصرين! ونجمة في القسم .. وعطائج وايد جميل ما شاء الله ..
لكن كل ما صار الموضوع متخصص وموجه لجمهور أقل (قصدي جمهور متخصص أكثر) .. صار أفضل لنا وصار أكو تجاوب أسرع .. قصدي العضوات لهم خلق يقرون المشاركات اللي طافتهم ..
أنا شخصياً ما لي غنى عن الموضوعين! أبداً ..
أهما الأثنين أستشعر فائدتهم ..
وأما الموضوع الأول .. فأنا معاج .. شفته وقلت: وي عاد منال منزلة موضوع شطوله شحلاته عن هالشي..
أكيد العضوه ما لاحظته ..
و
| ايه بس احنا قاعدين نستفيد من كل المواضيع شنو فيها يعني؟ |
ونفس ما قالت q8buying موضوعج يختلف عن موضوع جنان
لان كلنا ما كنا متعينين وكلنا بنفس الدرجه امور وزاره وبس
وحتى بيتسكر التجمع من اول 9
لان خلاص صرنا معلمات
تسلمين حبيبتي على وجهة نظرج وعلى عيني وراسي كل الي قلتيه..
ترا سالفة الشعار مالها دخل.. دام اسم الموضوع يحمل:
" معلمات التعيين اليديد " معناها كل المعلمات تعيين اليديد وأكيد المعلمات الي يكونون قيد التنفيذ يعني الي يبون
يصيرون معلمات مع السنة اليديدة.. أنا كنت أتمنى من اختي جنان انها تشاركنا في ونتشارك كلنا في موضوع واحد
لكن للأسف سوت موضوع يديد.. وهذا عتبي عليها لا أكثر..
أنا كل الي ابيه من هالموضوع الي سويته ان مواضيع القسم تترتب وتكون بمواضيع محدودة علشان لي دشت أي وحدة
القسم ما تقعد تحط مواضيع وتسأل.. لان كل سنة في ابلات يدد وتخيلوا كل ابلة تحط مواضيع شنو اسوي ووين اروح
فليش نخلي كل شي مبهدل في حين احنا نقدر نرتب الطرق في موضوع واحد ومميز وشامل!
أنا خايفة انكم ماخذين فكرة عني اني قاعدة اهاجم جنان وديفا.. وبالعكس اتمنى جنان وديفا يقرون كلامي ويناقشوني لان
الموضوع مافيه اي هواش او نجرة.. وعادي لي دافعت عن وجهة نظري ومواضيعي ترا مافيها أي حساسية..
وعلى فكرة انا ملاحظة " جنان " من أول ما سوت التجمع مالها ما قامت تشارك بأي من مواضيعي، أحس انها مفكرة اني زعلانة عليها أوكي انا مو زعلانة انا عتبانة على طريقتها لا أكثر.. مو معناها اذا شاركت بأي موضوع من مواضيعي راح أطردها بالعكس عادي راح أرد عليها واجاوبها مافيها شي..
وحتى بيتسكر التجمع من اول 9
^
^
شفتي شلون راح يتسكر، انزين لي تسكر راح تيي عضوة يديدة وتفتح موضوع يديد وتسأل
شنو أسوي؟
وين أحلل؟
وين أقدم أوراقي..
راح تنعاد السالفة من أول ويديد
فعلشان جذي كان وجهة نظري ان كل المعلومات لما تتجمع بموضوع واحد أحسن ..
وبعدين شنو المختلف؟ كل السوالف تصب في مجرى واحد
كل الأمور الي لازم تسويها المعلمة قبل لا تتوظف من مقابلات وامتحانات
وشعورها قبل الوظيفة والأغراض الي لازم تشتريها وغير النصايح
ممكن أعرف شنو الي مختلف؟؟
ومن الحين بقول لج ترا انا بسوي تجمع حق دورة المعلمين اليدد
مدتها بس اسبوع واحد وبيتسكر الموضوع اوكيه؟
مممم لا مو اوكيه خليني أفكر واذا وافقت رديت لج خبر
.
.
.
.
.
أحس بتقولين هذي الحين الي بخرب صيامي عليها! ههههههههههه
ليش تستأذنين مني؟ لا يكون قسم المعلمات قسم أهلي وانا مادري؟
بالعكس فكرة جدًا حلوة موضوع (( دورة المعلمين اليدد )) موضوع مافي مثلة بقسم المعلمات وراح يفيد وايد معلمات
عن الدورة واصولها وبالعكس وانا أتمنى بتثبت الموضوع بعد لان اكثر من معلمة كانت تستفسر شنو سالفة هالدورة
وشنو يعطونهم فيها..