الصبر مل صبري والله تعبت

شلوووووونكم حبيبات قلبي

وحشتووووووووووووووني والله

وربي ان تعبت وظاق صدري رمضان دش علي وانا بروحى اتفطر بروحي واتسحر بروحي
بتقولون ليش بكون صريحة لان بس اختنقت من كثر ما حطيت في قلبي
حبيباتي يمكن انتوا ذاكرين ان كنت مقاطعة امي لاسباب كنت ذاكرتها بقصتى ان كانت طاردتنى عشان زوجها
رحت لها وبست راسها وشفت الحال عندها مايسر كلش وماعجبني الوضع نصحتها وترجيتها اخاف الله في بناتها مااسمعت كلامي وحز بخاطري وابتعدت مره ثانيه ولا احد سأل عنى لما نزل معاشي الكل يدق الكل يسأل محد فكر فيني انا شلون عايشه مرتاحه ولا تعبانه مع هذا ما كنت اقصر عليهم
وبناتى دقوا يبون حق المدارس والعيد فا اعتذرت حق امى وقلت لها وربي لو عندى ما ابخل عليج صدتنى وقالت لا تشرهين علي مره ثانيه قصدها اذا رجعت لها وما استقبلتنى في بيتها ليش انا شنو ذنبي وقلت لها الله يسامحج
صارلي حادث والكل عرف محد قالي حمدالله ع السلامة لهدرجة انا رخيصه الكل نسى وقفتى ومحاتاتي لهم
وزوجي اللى زعل منى على شي تافه ولا سأل عنى شلت من شقة لى شقة بروحي وقفت مع العمال بروحي
وبعد هذا ياي بكل برود يستسمحنى
انا بشنو اذنبت بنات ليش انى ما احب اشوف الغلط الناس تهجرني عشان انا ابي الستر
ريلي يتجاهلنى ماسأل عنى طول الايام اللى طافت
انا تعبت وميتة من القهر على حالي شسوى قولولي مالي غنى عنكم

حبيبتي الله يصبرج (:

ما تشووفين شر فديتج ..
هذي الدنيا مالها صاحب يوم لج ويوم عليج تحملي الله كريم

الله يكون في عونج والله
امج دايمن وصليها لا تقطعينها حتى لو اهيا قاطعتك وما تبيج ونفس الشي عيالج
وصدقينها كل هذا في ميزان حسناتج ان شاء الله
والله معاج لا تقطعين ثقهتج بالله
ودايمن قولي ياهم عندي رب كبير

برونزية حبيبتي انتي ما بينتي وضعج
يعني انتي متزوجة و بشقة بروح عن زوجج و بناتج !! ما فهمت
لي رجعة ثانية ان شالله

امبيييييييه سامحيني كله بدليات
قاطعتك = قاطعتج
وصدقينها = صدقيني
ثقهتج = ثقتج

الله يكون بعونج توكلى على الله والله كريم

الدعاء الدعاء الدعاء
ادعييييي خاصه انه احنا في ايام فضيله والدعاء فيها مستجاب
والله يفرج هموم المسلمين اجمعين

حبيبتي اعتبريني امج الثانيه ولاتشيلين بقلبج كل هالقهر وانتي بعدج صغيره سمعيني يمه والله العظيييييم موزين هاللي تسوينه بنفسج وذكري ربج محد بهالدنيا خالي من الهموم شوفيني آنا اللي جدامج مريت بظرووف لوووريال مايتحملها والله لوووجبل جان انهد بس اشلون تصرفت هذا المهمممممممممم حطيت نفسي بين قوسين وقلت انتي ابروحج ودار مدارج ناس تنهش وماترحم من بيعينج غير الله سبحانه ومن يومها عاهدت ربي اني اكون من اهل القرآن والسنه واسوي كل مايرضي ربي والفضل لله سبحاانه ورضا والديني علي ودعواتهم لي وبري لهم ربي وفقني ماااقول لج مشاكلي كلها محلوله بس الحمدلله علي كل حال شي اهون من شي
انتي خليج متواصله مع اميمتج حتي لوووقالت لج مابيج قوليلها اللي تامرين فيه يمه يصير وخليج لحوحه بالدعاء بالثلث الاخير من اليل وطلبي من الله سبحاااااااااااااااااانه يحنن قلبها عليج
وكل ام تتحمل المرار والظييييييم علشان عيالها موتبين الجنه هذاااااا اللي راح يوصلج لها صبرج وشقاج واختبار رب العالمين لج بيشوف مدي صلتج فيه سبحانه هذا اللي راح يدخلج الجنه

العيال نعمه من رب العالمين باجر تشوفينهم كبار وتاكلين مناافعهم وتتذكرين ان كل فلس صرفتيه عليهم وانتي بعسر ربي راح يعوضج بعيالج بكل يسر يمه
ريلج هذا موضوع ثاني شووفي يالحبيبه انتي القرار بيدج اذا بترجعيله وتلمين عيالج وتحوفينهم والله بترتاحين من كل التعب اللي انتي فيه مافكرتي لي متي بتمين جذي ابروحج من شقه لي شقه مافكرتي انج بتكبرين وبيصير شعر راسح لون ضروسج من بيشيلج حزتها؟؟؟؟؟؟؟
مافكرتي لووو بيصير لج ظرف سبحان الله نص الليل وطلعتي بره البيت شاللي راح يصير لج من كلام الناس؟؟؟؟
بتقولين ماعلي من كلامهم بس الواقع غير ياقلبي
مابي اطول بكلامي بس بقول لج امج ثم امج ثم امج لومهما سوت انتي عقلج كبير وفاهمه ومتعلمه سوي اللي عليج والباجي علي رب العالمين
وبيتج نصيحه مني لاتفرطين فيه عطي ريلج فرصه يصحح غلطته ورجعي له وعيالج يمج وحواليج وعيشي حياتج برضا الله عليج صدقيني بترتاحيييييييييييييييييييييييييييييييييييييييييييي يييييييييييييييييييين

كلامج عجيييييييييب

الله يعينج يا رب

الله يكون بعونج يالغاليه
انتي ادعي مالج غير الدعاااااااااااء والله يفرجها عليج

الدعااااااء *** والله سألي مجرب والحين العشر الاواخر فرصتج الثلث الاخير من الليل
و عليج بسوره البقره
والله ***
ترى ربج يبتلي عباده الصالحين ولان يحبج مشتاق لدعائج

مالج الا الدعاء ياقلبي ..

وكلامي من كلام الغاليه نونو ..

ربي يهونهــا ويفرجهــا عليج ..

حبيبتي والله

الله يصبرج و يوفقج

وان شالله امورج تتعدل باقرب وقت

واااااااااااي الله يعينج حلاة رمضان باليمعه وم الاهل ما أتخيل نفسي زعلانه على امي لو ساعه وحده