الشعور بالحر

شلونكم بنات أنا أحين بنهايه الشهر السابع وكله ميته من الحر ومعرقه أشوف إللي معاي بردانين وأنا بس ماسكه المروحه بإيدي حتى أمس حسيت بدوخه من كثر ماأنا حرانه

عادي حبيبتي انا وصلت مرحله اني ما اقدر اتغطى بالليل وزوجي ميت من البرد.

حبوبه جيكتي على السكر؟؟؟؟

طبيعي حبيبتي الحامل دايما حرانه انا جذي بعيالي

مشكورين على ردودكم بس أختي سبائك ليش اجيك على السكر الدكتوره كانت مسويه لي تحليل السكر المركز وكان زين طبيعي.

شي طبيعي أنا ذا نمت بالليل ما تغطى واذا طلعت مجمع مسكر وتكيف أحس
بمووت من الحر عكس اللي معاي ..

عادي انا ريلي مسكين كل يوم يقوم الجيوب عنده ملتهبه من البرد وانا اقوم معرقه واقط اللحاف

نفس الحاله بعيالي بس هالمره باديه مجر عندي الله يعينا

والله موباديه امبجر ياأحلى كويتيه إنتي شايفه الحر موطبيعي الله يحفظنا ويبعدنا عن نار جهنم

الوضع طبيعي
الحال من بعضو

كلنا بالهوا سوا

انا بعد مثلج بالضبط حر موطبيعي واذا رحت مكان ما اقعد من كثر ما انا حراانه احس اني شوي واختنق ومطارة الماي ما تفارق ايدي والكل قالي شي طبيعي الحامل تحس بالحر

بس انا عقدتي ان جايتني حكه باجزاء مختلفه من جسمي والدكتوره تقول عادي احك لدرجه ايطلع شوي دم واحس الاماكن صارت سوده ايدي وارجولي واكتوفي

احد سمع عن حكة الحوامل مليت والله وتغير لون جلدي ؟؟؟

إي اذكر كانت عمتي كله فيها حكه وإهيا حامل تحك لين اطلع دم من جسمها بس الحر ساعات اتفشل ماسكه المروحه بإيدي وإللي معاي يقولون لي من صجج المكان بارد.

عادي عزيزتي الحر بهالفتره انا على طووول حرانه حتى بالليل اشيل الغطى عني وزوجي من كثر البرد الي اهو حاس فيه يغطيني وانا بس استوعب ارجع اشيله وهذي حالتنا ههههههه

اي والله ..
انا توني داشه الثامن وتصدقين عاد ميته من الحر اشويه احط السنترال على اخره وماكو فايده اقوم كلي عرق .. تخيلي ؟؟
اكثر حزه احس فيها بالحروره حزت نومتي .. حتى ما استانس بالنومه
الله يسهل علينا ويعين كل حامل