الشرخ الشرجي ذبحني من العوار-عفيه اللي عندها اي معلومه تساعدني

بعد الولاده عانيت من عوار الخفيف

بس كان على بالي من البواسير

اللي كنت اعالجها تروح وترد لي

لكن بالفتره الاخيره ما قمت اتحمل العوار وقت الحمام

اموووت من الالم

رحت حق د فريده دشتي

وفحصت تقولي عندج اثنين ؟؟؟؟

يصير …؟؟؟

وعطتني ملين ودا علاج اساسا عيزت ادور عليه -_-
رحت اغلب الصيدليات يقولون مافي مقطوع
والاميري رحت له قالوا يمكن تحصلينه الصبح…..يمكن ؟؟؟
حتى الاميري للحين ما ردوا علي اذا عندهم ولا لأ

الله لا يوري احد شنو هالعوار اللي فيني

شسوي ما ادري

الله يشافيج يارب ….. في مثل تحاميل يحطونها حاولي تدورين و لا تنسين الصدقة بنية الشفاء . يارب تلاقين حل

ليش ماتسوين العمليه عندها وترتاحين اختي سوت العمليه عند الدكتورة فريدة حيل ممتازة والحمدلله بفضل الله شافت العافية من بعد معاناة سنين

انا قبلك ما نفعني العلاج سويت العمليه وارتحت يارب لك الحمد سويتها عند دكتور سامي امان

ما قصرتي اي عارفه بس ما اقدر احط الا ليمن اتأكد بتفيدني

الدكتوره نفسها قالة بشوف العلاج اذا يتجيب معاج ولا لأ

بعد 10 ايام بتشوف

للافادة لقيت علاجي بالمستشفى الأميري خذاه ريلي الصبح امس

وقاعده استخدمه وناطرين

اهو ايي من الامسااك ترا حاولي تاكلين مسهلات لي ما يبرى الجرح من نفسه

بنات سؤال محرج

اشلون الدكتور يشخص الحاله يعني سامحوني

بس بالنظر ؟؟؟؟

ولا بمنظار ؟؟؟؟

لان دكتورتي بس احس فحص بسيط وطالعة وقالت فيج شرخين
والشرخ ما يبين الا بالمنظار ولا مو شرط ؟؟؟

مرحبا
اختي انا اللي مريت فيه ان الدكتور يفحص بايده على المنطقة عزج الله
انا نفس المعانات حاشتني بعد ولادتي
بغيت اموت اي من شسمه و اي من شيسمونه
كنت اخذ اربع الى ثلاث تحاميل باليوم خف و صرت احسن
بس ليلحين عزج الله و الباجي اذا حصل معاي شوية قبض (نتفة امساك) مت من العوار و ينزف حيل اللي يخرع ويضل معاي العوار يوم كامل
الدكتور اللي بطوارئ الاميري عطاني جل عبارة عن بنج موضعي و عطاني ملين و قالي غيري نظامج الغذائي خليه اكثر شي خضروات و ماي
طبعا ماكو فايدة و ما رحت عقبها للدكاترة كلش صراحة استحي من الموضوع و اكرهه
يليت البنات اللي مسوين العملية يشرحون عنها اكثر

اسفة على الاطالة و اتمنى لكم الصحة و العافية جميعا

ياحياتي الله يكون بعونج حاسه بمعاناتج لاني مجربه هالعوار وكله بسبه الامساك من اول مره صار فيني شرخ بس شنو عوار كرهت حتي الحمام
والله وعالجت بكل انواع الادويه والتحاميل والكريمات خاص وحكومي وشعبي ماخليت شي حتي الاستشاريين دخلت عليهم
بس اخر شي طلبت تحويل عالفحيحيل التخصصي الجراحه وانصدم الدكتور يقول هذا من متي فيج قلت توه شهرين او اقل جان يقول هذا شكله من زمان فيج لازم عمليه قلت خلاص انا ابي العمليه لاني تعبت من الادويه عالفاضي
المهم سويتها بالعدان تخدير طلبت تخدير عام عشان مااشوف شي والله طلعت من العمليات ماشاالله ماكاني مسويه عمليه بس الشاش شالوه عورني بس بعدين اللهم لك الحمد ولا الم ولا شي بس نصحني اتجنب الامسااك
سويتها عند جابر الشمري بالعدان
وماتشوفين شر سويها وارتاحي

اي نفس حالتي

عطوني هالادويه بس والله ما نفع يعني حتى العوار ما خف

ولا احس روحي احسن للاسف

اكره روحتي للحمام تكرمون
ولدرجة
ماني قادره اخذ الملين لان ادري اني راح اموت من العوار

اي والله ودي وحده مسوية العمليه عالاقل تفيدنا بجم معلومه

الشر ما اييج تسلمين

بس اللحين اسم الله عليج مافيج شي
والعمليه بالليزر ؟؟
وشكثر خذت وقت وقدرتي بعدها تباشرين شغلج وامورج عادي ؟

والله متأذيه وخايفه من الدكاتره الرياييل بس مضطره

عادي حبيبتي عمليتي شال المكان اللي فيه شرخ وحط شاش ولا حسيت باي عوار ومن طلعت من المستشفي علي طول تحركت واقعد الحمد لله كل شي عادي
سويها بالعدان عند جابر الشمري الجراحه يهبل استخيري وسويها وبترتاحين العذاب كله بروح
اسال مجرب ولا تسال طبيب

[ sweet-cheery]

يعطيج الف الف عافيه والله منج من صج سويت خطوه لجدام

ما رحت لدكتورج لاني كنت ماره حولي حق اختي تبي اشياء فمره وحده رحت دار الشفا

وكان في دكتور (في وقتها كنت محتاره من كلام دكتورتي فريدة دشتي اللي الله يسامحها اكتشفت انها نصابه للاسف)

المهم خذيت رقم ونطرت ودخلت عند دكتور ماني عارفه اسمه
وسوالي كشف مع منظار

يقولي فيج واحد مو اثنين ويقول ما احتاج عمليه
وعطاني علاج حبوب ومسكن وجل وعصار

قالي مافيج الا الخير ومنو قالج اثنين واحد
ومو عميق بس مع العلاج ما راح تحتاجين عمليه

والله العالم ما يندرى دكتور وعارف !
يارب صج اطيب واصير طبيعيه لا دوا ولا عمليه

والله عيزت 3 مرات احط الدوا شيل يملل بس عالاقل فيه فايده

وسلامتج قاعده استخدم هالادويه عيزنا من اللحين

اذا اضطريت راح اروح لدكتورج خلاص دامج مجربه