السونار الداخلي

بسأل عن السونار الداخلي يسوونه حق الحامل
وشنو سبب انه يسوونه لها
وشنو مضاره وفوائده

اذا مومبين الحمل بالتحليل والسونار الخارجي .. يسون سونار داخلي عشان يتاكدون اذا في حمل والا لا هاذا اللي اعرفه ..

انا الاسبوع اللى طاف قال لي الدكتور انسوي سونار عادي لانه عمر الطفل 8 اسابيع نسمع نبضه ماسمعنا وخاف قال كبير واخاف مات فقال داخلي وماتشوف عينج الا النور انحشت رديت له هالاسبوع سوه سونار عادي وقال الحمدلله في نبض

لاتسويه ولا شي تنطر ان شاءالله بعد اسبوعين وتراجع مو زين حق الحامل

انا استغرب من اللي يقول انه يضر
شكوووو
ماله شغل كللللللش

اللي اعرفه ان يسونه اذا بيجيكوون ع البيبي ونبضه لان يكون مو مبين بالسونار العادي
ويقولون (حجي حريم ) ان موزين عالحامل في البدايه حملها لان وايد يجهضون من بعد مايسووونه !
عاد مايندرى صج ولا لاء!

وي عادي مايضر خو الطبيب ابخص
يسوونه علشان يتأكدون انه في حمل او لأ اذا مو امبين بالسونار العادي يلجأون حق هذا

انا اذكر انه كان بسويله ايا الدكتور باول شهر لي على قولته السونار العادي ما يبين , بس ما رضيت بصراحه لاني كنت خايفة من حجي بعض الناس انه يسبب الاجهاض و قلتله ما ابي , فسوالي بنفس لوقت سونار عادي و بين عتده كل شي اشوه

مثل ما قالوا البنات يسونه علشان يشوفون جيس الياهل اذا كان مو مبين بالسونار العادي

بنات ترى خرابيط ان اتسويه يجهض حجي حريم كبار اشعرفهم بالطب اصلا عادي

انا حملت بعلاج…ابر
والدكتور كان يشوف حجم المبايض بالسونار الداخلي
وبعد ماحملت…رحت لموعدي
واستغربت انه بيسويلي سونار داخلي عشان يشوف كيس الحمل
مع انه ماكان عندي مشكلة…واموري تمام
قلت للمرضة مايضر قالت لي لا مايضر
وقعدت مع دكتوري 3 شهور وانا حامل…وكل مراجعة يسويلي سونار داخلي
وبعدين غيرته..رحت لدكتورة

السونار الداخلي ما يضر لانه اساسا ما يصل الى الرحم اهم بس حده المهبل و يصور اللي في الرحم و الرحم اول ما تحملين يتسكر

و الدكتور ما يسوي شي يضرج لو فيه ضرر ما قال يسوي سونار داخلي

ما عليج من كلام الناس اللي يقولون لج يضر واهو اساسا ما عندهم اثبات و لا علم بهالشي

مامنه ضر ر سويته كم مره وانا حامل

انا سويته بالاسبووع الثامن لانه كان النبض مو مبين وبس سوت الداخلي بين القلب والنبض

بنات بقولكم شغله

اذا السونار الداخلي يضر عيل اكييييييييييييييييييييييييد الجماع يضر ولا شرايكم طبعا مو صحيح انه يضر ولا صحيح
انه يسوي اجهاض السونار الداخلي حده المهبل والجهاز ضعيييييييف امتن من القلم بشوي

شلون يضر وشلون يسوي اجهاض لو هالكلام صح عيل الجماع اخطر من السونار الداخلي

ثانكس بنوتات