السفر والحمل ؟؟؟

السلام عليكم

انا حجزت لي ولزوجي على دبي 3 ايام .. يعني مفاجئة !!

انا بالثامن عادي اسافر بالطياره او موزين ؟؟ ومنو سافرت وهي حامل تعبت او لا ؟؟

هلا حبوووووووبه الله يسهل عليج

انا عن نفسي ما سافرت ببس مدام انتي بالثااااامن ما انصح لانه تعب وثقل وما اعتقد بيصير شي

اذا تأجلت السفر الاحتياااااط واجب والله يحفظ لج البيبي

حبيتبي ليش ما خليتي مفاجئتج بعد الولادة يعني مو حلوة انتي بالطيارة تصير مطبات جوية ويتأثر الياهل واتكونين انتي السبب لأن الحامل اذا مو مضطرة تسافر خل تقعد بمكانها احسن شي ما يسوا لاحقين على السفر بس الصحة لا

انا بالنسبه لي سافرت اخر الخامس ورديت اخر السادس وكنت رايحه المانيه طريج 9 ساعات والحمدالله ماصار الا الخير وكانت ابموافقة دكتورتي وعطتني تقرير حق الطياره

فالاضمن سالي دكتورتج ياقلبي والله يهنيج ويتمم عليج

مشكورين يعطيكم العافيه

بس السفره راح تكون هديه حق يوم ميلاده بسويها مفاجئة
شكلي بسأل الدكتورة مشكورة مس

والله تعب انا جربت سافرت بالثاني وكانت كله لايعه جبدي ومالي خلق شي

وسافرت بالخامس تعبت من المشي وكله ابي اقعد اريح وبالطياره احس الياهل يتيبس وبطني يعورني

حبيبتى لازم الطيرااان يعرفون انتى باى اسبوووع لانه ممكن يمنعونك من السفر..

اكو طيرااان لحد 32 اسبوع واكو 36 اسبوع ولازم يكون معااااج ورقه من دكتورتج تبين هالشى..

وربى يهون عليج ويجعلج الخير من امرج يارب.

أنا سافرت بالسادس بس تعب وماستانست

ولازم ورقه من الدكتور للمطار

لو تأجلينها ارريحلج

مووفقه

والله ماانصحج مابقى شي على لادتج
ولا تسوى عليج هالهدية
اجليها وربي ييسر امورج

و الله عادي انا سافرت بالثاني و الرابع و السادس و السابع بعد سهالات
بس يوم كنت بالسادس سألوني حامل بأي شهر و لازم ورقه من الطبيب و جذي بس عادي مشوا السالفه
انتي سألي دكتورتج اضمن

الله يسهل عليج بس لازم تسالينالدكتوره اهم شي

حبيبتي لازم موافقة من الدكتووور عشان راح يسالونج بالمطار