|
|
عنواني السعاده الزوجيه اخترته لاني ابيكم اتشاركوني شلون الوحده تكون سعيده في حياتها وكانها اول ايام زواجها انا اتوقع ان اول السعاده تكمن في الصبر وبعدين في الحكمه وانها تكبر عقلها الــــــــف مره وماتكون سريعه الغضب وماتكون كل كلمه تزعلها جنها ابد مافي غيرها وماتشوف نفسها عليه وتحترمه لاني اشوف بصراحه هالايام عقل المراه كما يصغر الله يستر جان ماينتهي عقلها بالمراه ولا شرايكم تكفون هذا اول موضوع اكتبه لاتفشلوني شاركوا لو مالكم خلق او مجامله راضين
وانا اشوف ان السعادة الزوجية تكمن بالرضا والاقتناع بين الاثنين
والمفروض ان كل طرف يستحمل الآخر
ويحب لنفسه مايحب لشريك حياته ولا وين شراكة الحياه
اعتقد بجذي راح تكون هناك سعادة زوجية لان الاحساس بينقلها بينهم مثل نسمة الهوى شلون تنقل
يااختي يام خالد صدقيني لو كانت المشاعر صادقة ماتلقين احد حزين
تلقين الكل حاس بهالسعاده !!!
شاكرة على الدق على الوتر الحساس بالنسبة للكل
والي اهو السعادة المفقوده
وان شاء الله الكل يستعيدها من جديد
بافكار وطروح قيمه عزيزتي…..
السعاده امر نسبى وكل انسان يختلف منظوره للسعاده عن الاخر بس الاهم انه يكون مرتاح نفسيا وهذا بينه وبين ربه و يكون على موجه وحده مع الشريك… ودايما يقولون ان العلاقه الزوجيه مثل النبته لازم تسقيها وتهتم فيه عشان تزدهر
وشكرا طبعا هذا رايىى الشخصى
حبيبتي انا مع رأي حبيبتي شهد 100% فعلا وعن تجربة زواج
القناعة كنز لا يفنى
القناعة = السعادة
ونسال المولى عز وجل ان يبعد المشاكل عن كل زوجين
والحساس بنفس الوقت احلى شي الصراحه بين الزوجين
مطلوبه ولا احد يخبي عن الثاني شنو اللي يحبه او يكرهه
مشكورة مرة ثانيه
(( ارضاء رب العالمين .. وليس ارضاء الزوج فقط او الاخ او الاب او اي احد ))
يعني تحطين الله جدامج بكل تصرفاتج سواء مع ريلج او مع اختج او مع امج
تسوين كل اللي بوسعج علشان ترضينه وتبرين ذمتج وغير جذي خلاص وكلي امرج لله
اذا انتي مبرية ذمتج وقايمة بكل شي والريل هم مو راضي مو معناته تصيرين تعيسه
لازم تقتنعين انج سويتي اللي عليج وراح تظلين تسوين مو علشانه لكن علشان ربج يرضى عليج وكلكم تعرفون مكانة الزوج وتسوزينه بنفس طيبة بعد سبحان الله ساعات تنكسر عينه ويحس وساعات يظل على ماهو عليه هم لا تسمحين لهالشي انه يكدرج يبا العمر والرزق والتوفيق والتسخير وكلشي بيد الله
وهم تقتنعين بان كلشي يصير بتقدير من الله وما ايي من الله الا الخير ولو صورة لج الشيطان شر لازم تكونين موقنة ان وراه هم خير لانه من رب العالمين
يعني لاتعطين الشيطان فرصة يحسسج انج تعيسة لان هالاحساس بيرجعج لي ورى وبيحسسج بخمول وعجز عن العطاء والانجاز لازم تسوين الشي وانتي حابته وراضية فيه ومقتنعه
طبعا قلتوا انها تكبر عقلها وتكون حكيمة وبضيف نقطة على الصبر
الصبر مو بس انها تتحمل وتمشي الحياة لا الصبر هم بكظم الغيظ
ساعات تصير مشاكل لو بسيطة او كلمة ومانسكت عنها على طول نرادد
هذا الغلط لانه بيكبر المشكلة وبدال ماهي سطحية بتنحفر بالمخ وبنرد نعيد وننبش كل ما تمينا
فالسكوت بالمواقف هذي من ذهب
نصبر شوي ونسكت ونفكر بالموضوع وعقب نرد بطريقة ماتنحسب عليننا وباسلوب راقي ونوصل اللي نبيه وبس بدون تقرطم وحنة واعصاب
هم لو نعامل رياييلنا مثل ما نعامل الناس وصديقاتنا جان كسبناهم وارتحنا معاهم
يعني رفيجتج لي اتصلت شلون تردين عليها؟؟
اذا تصرفت تصرف غبي مو بتوقفين معاها؟؟
مو بتساحلينتها لانج تحبينها وتخافين عليها؟؟
مو بالج طويل عليها؟؟
بالمناسبات ان يات فرحتي وان ما يات عذرها موجود وريلج غير؟؟
يعني سياستج مع الريال لازم تتغير عن العرف اللي تعودنا عليه
شكلي حياتج مثل ما انتي تحبين
والتغاضي عن الاشياء التافهة ..
واحترام راي الزوج وسماع كلمته لو هي شنو …
والدعاء بصلاح الزوج والولد ..
والنصيحة الذهبية …. كوني له أمة لكن لك عبدا … ماشفت احسن منها ..
واذا تطبقت كل هالاشياء ان شاء الله بتكونون سعداء وحياتكم بتكون احسن من قبل
والله خوش موضوع………………….انا براي ان السعاده الزوجيه ما لها مقياس محدد
يعني مو شرط اللي ماخذه واحد مال ومركز ووسامه تكون سعيده
لا………………….لا……………السعاده شعور داخلي يكون بالرضا النفسي بالنصيب وعدم النظر لنصيب الاخريات والظن بان الاخريات افضل مني وانا لا
وشكراااااااااااااااااااااااااااااالهذا الموضوع واتمنى ان يكون بدايه لمواضيع اجمل واجمل