|
|
السلام عليكم يا بنات شلونكم
عندي استفسار لو سمحتو آنا والحمدلله بالشهر الثالث والله يثبت حملي وحملكم يارب وبما اني بجريه ترا ما أعرف شي كلش ملش يعني المعلومات صفر سؤالي انا وايد اتضايق من الستيان أحس يقمتني وما أقدر أتنفس عدل منه هالأيام هل عادي أقعد طول الفتره اللي قاعده فيها بالبيت بدون ستيان ولا هذا راح يسبب ترهل حق الصدر وهل في ستيانات حق الحوامل تكون مريحه ومن وين وشاكرة لكم
اي في ستيانات للحوامل تلقينهم في مذركير والله انا يريحوني ورفيجتي هم مدحت لي مالوت بروي
ويقولون ماركس اند سبنسر بعد مريحين
وعادي والله انا هذا 3 حمل لي والحمدلله صدري ما ترهل دوم اقعد بالبيت بدون ستيان الصراحه انا بعد مثلج اختننننننننننننق منه
والستياان ينبااع بمذركير وبي اج اس مال الحوامل مريح ومنغير حديده علشان لا يضغط عالبطن 
والله يثبت حملنا وحملج ياارب
رووعه وكد ومد ومريحين بس لازم من الحين تهتمين حطي كريمات عن التشققات
والله يسهل عليج وتولدين بالسلامه
\
عادي انشالله مايسوييلج ترهلات بس مثل ماقالوا البنات لازم تدهنينهم
حتر بطنج بعد عشان مايتشقق على الاقل بجونسن مال اليهال
فزيدي من الكاب وزيدي من المحيط زيدي الرقم والحرف يعني
وكثري من زيت اللوز وزيت السمسم وكريم بالمرز للتشققات من صدريج الين فخوذج كل هالمنطقه غرقيها لان تطلع فيهم تشققات حتى الظهر بعد
فوق حوضج
اشتري مقااس وايد اكبرمن مقاسج عشان راح يكبر بعدين صدقيني
وشريت ستينات بدون حديده ومقاس كبيره حق الدوام والطلعه
والطلعات اشتري لج بس بدون حدايد ..
جبتي طاري الستيان الحين ودي اقطه بس المشكله انا بالجامعه لوووول
حبيبتي في بمذركير مال الحمل … والمرضعات … عجيب بس حاولي تلبسين الستيان .. احسن
انا ماكنت البس ستيان على طول وطلع من صدري دم … الظاهر مع كبر الحجم ولما تتبطل قنوات الحليب .. انجرح شي عندي
فدكتورتي تقولي على طول خليج لابسه ستيان … حتى لو خفيف