الزوج الخآين ,,,

1-تلفونه دايم عليهـ قفل …!!!
والموضهـ الجديدهـ جهازين بقفل

2- كل ما تدقين عليهـ عنده انتظار
وسبحان الله في البيت تلفونه مايرن ابدا وغالبا لانه سايلنت -صامت

3- اذآ نسى جهازه وهو رايح التواليت او الصاله يرجع مثل الصاروخ علشآن ياخذهـ

4- اذا يبي ينام يقفل الجهاز
مو علشان سواد عيونج لا
بس رفيجته تغار عليه وما تبيه يغازل غيرها ><

5- عنده ردود واجوبه سّرِيعّھ استباقيه … يعني اذا دق تلفونه يقول لج هذا واحد من الربع بط جبدي
والآ يبي مني شغله.. ومابي ارد عليه بدون ما تسألينهـ منو .. @@

6- يكون عنده ارتباط غريب بين المسجات او الرنه … و الطلعه من البيت!! مدري شنو سر العلاقه بس يتعذر بعدهم بأي شي علشان يطلع

7- يكلم في مواقع غريبه مثل الصاله – التواليت – المطبخ

8- فيه اسماء غريبه في تلفونه على سبيل المثال
ابو غاده = غاده
عنتر = عبير
كاشير جمعية الشاميه=مرقمها بجمعية الشاميه
انور = نوره
ابو صالح = وحده جيكره وطايحه بجبده
9- لو كنتوا في الطريق بالسيارة ويكلم بالتلفون ويقول بس اي اي اي اكثر من اللازم. يعني يكلم وحده!

10- فجأه يصير حبيب ودود معاج بدون سبب-

11- ما يمنعج من الروحه لاي مكان … لانه يبي الفكه منج دايما يقولج روحي غيري جو وسعي صدرج

12- مايقول لعياله عيالي يقوول عيالج>>

13- اذا رحتي بيت اهلج يدق يقولج اذا مستانسه ومرتاحه مع خواتج نامي اليوم عندهم (تصريفه يبي يطلع مع الحب)

14- يسولف ويتفلسف في الامور الحريميه
حمل ولاده ميك اب وتستغربين من وين عنده هالسوالف والمعلومات ؟؟

15- يحاول يتخانق معاج إذا صار عنده موعد مع الحب عشان يكون طبيعي انه مايرد عليج اذا دقيتي عَليْـِﮩ

16- اذا رجع البيت يقعد بالسياره ساعه قبل مايدخل يكلم الحب ويختمها ..(بووسه)

17- كل كلامه مع ربعه يكون بالالغاز لان كل مواضيعهم عن "بناااااااااات."

الخلاصه :

اذا توفر 5من المواصفات السابقه خافي على زوجج وابدي شكي

اذا توفرت 10من المواصفات السابقه اكيييد انه يخونج

اذا توفرت 15من المواصفات السابقه اقص ايدي اذا ما كان خاين