الزوجه الذكيه تحطم جدار الصمت بينها وبين زوجها

السلام عليكم ورحمة الله وبركاته

رجل تزوج من إمرأة… يصرف عليها وعايش معاها

وأنجب منها أطفال وتحبه ويحبها…

بس يحبها بدون فضفضة للمشاعر…صح هو يصرف ويلبي

إحتياجات البيت بس ما يهتم ولا يكترث….

هو ما مقصر بس في نفس الوقت غير مبالي باللي يصير…

المهم بعد عشر سنوات جات زوجته الطيبة ذات العقل الراجح…

وأعطته شريط سمعي عشان يسمعه في السيارة وهو رايح الصبح العمل….

الرجال أخذ الشريط وشغل سيارته وحط الشريط.. وتوكل على الله للعمل…

أنتظر 20 ثانية ولم يبدأ الشريط في سرد محتواه… و40 ثانية مروا…

قدم الشريط شوية.. ولازال صامت.. بعد دقيقتين أتصل بزوجته..

وقال لها : يا بنت الحلال هذا الشريط ما بدأ وما فيه شي..

قالت له: أنتظر شوية بيبدأ.. بس قدمه شوية.. الرجال قدم الشريط…

ولازال صامت الشريط … أتصل بزوجته وقال لها نفس الكلام ..

وهي بعد طلبت منه تقدم الشريط..

وقدم الرجل الشريط و وصل للعمل بعد فترة زمنية تقريبا 12 دقيقة..

المهم الشريط لم يبدأ بعد.. وأول ما دخل المكتب .. أتصل بزوجته..

وقال لها: إنتي عطيتيني شريط بالغلط يمكن.. ما فيه شي الشريط…قالت له..

وأنت راجع اقلب الشريط..

خلص الرجال الدوام وقلب الشريط… وإللي صار نفس السالفة حصلت وهو راجع..

قدم شوية..!! وأتصال للزوجة.!! قدم شوية!! واتصال للزوجة!!.

المهم الرجال وصل البيت.. وعصب.. وقال لزوجته إنتي تضحكي علي…و…

قالت له وين الشريط..؟؟ قال لها.. هذا الشريط.. قالت له أستريح..

جابت المسجل وحطت الشريط ورجعته من أوله… وقالت له .:تعال إسمع…

أنتظروا دقيقة, دقيقة ونص.. وقال الزوج: شفتي إنه الشريط فاضي…

قالت له: لا تستعجل.. أصبر شوية…صبر الرجال 5 دقايق

وقال لها نفس الكلام..

وهي بعد قالت له: أصبر شوية… خلص الصوب الأول..

وقلبت الشريط عالصوب الثاني…ونفس السالفة.. والرجال قالها:

أنتي تضحكي علي؟؟ أو على نفسك؟؟ قالت له أصبر شوية

قالها: خلاص ما أقدر أصبر..

جات المرأة وطفت المسجل وقالت: يا زوجي.. يا رجل….

ما قادر تصبر على الشريط نصف ساعة وهو فاضي..

وأنا المرأة صابرة عليك عشر سنوات وأنت فاضي….

الرجال فهم قصدها وبعدها صلح حالهما… وتغيرت

حالهما للأحسن من مجرد فكرة بسيطة…

عجبتني فأحببت أن أنقلها لكم للاستفادة..

الوقت هذا محد يسمع للثاني الكل يحط اللوم على الثاني ومستحيل يقول صح انا غلطان!

قلت حق اامي القصه ماتت من الضحك

تصرف سليم بدل من الولوله واللطم والتشره ، الوحده تستخدم تفكيرها ومكرها لمعالجة الوضع
تسلمين على هالنقل الحلو .

اصعب شي تعيش الوحده معا انسان مايشاركها همومها وافراحها
تحس انه في عالم ثاني بس السؤال اهي ليش صابره طول هالوقت ليش ماحاولت تقرب منه ؟؟

مشكوره حبيتى بس انه زوجى كتوم وايد مواى شى يقولى ايها عيزة احاول فى ما كو فايد بس الواحد شسوى ظل راقل ولا ظل حيطه

واااااي عالبرود .. لازم تسحبين منه الحجي حبه حبه خليجية

مشكووره

حسبالج يتكلم يقول موضوع يخص امى يخص اختى ما يتكلم الحين انه زوجى صالنا 6 سنوات متزوجين تعود على هذا الطبع بعض المرات ابروحه اى يقولى بدون لا اسأله لو احاول من اهنى لمن باجر ما يقول اذا بقول ابروحه اى يقولى بعدين انه عرفة انه ما يحب انه احن قولى شسالف شنو المو ضوع ما يحب ابروح يقولى ومن ناحيت البرود فاانه من داخلى اموت من الحره ودىى اعرف ودىى بس شسوى هذا طبعه مع الكل