الزوجه الثانيه . تقبلين ؟

السلام عليكم و رحمه الله وبركاته

اشلونكم يا بنات احلى منتدى … بسالكم سؤال و ابي ارائكم … مابي تاخذكم العواطف و تجابون بسرعه ..ز ابي تحطين نفسج بهالموقف … انج مطلقه او ارمه عمرج قارب ال 30 وعندج طفلين … تقبلين تتزوجن شخص انتي الثانيه بحياته ؟؟ شرط ان زواجكم سري و اهيا زوجته جدام الناس و انتي زوجته بالخفا …

طبعا الشرع محلله كلنا ندري بالشي هذا … بس اتكلم عن مجتمعنا و شنو نظرته للزوجه الثانيه …
طبعا الي بتوافق وحده تبي الستر و الريال المحترم الي فتحلها بيت و عطاها الامان بس مجتمعنا علطول يطالع لهالفئه جنها ( بواقه رياييل )

ابي تفاعلكم بنات …

مطلقه او ارمله ( السرعه و ما تسوي )

الزوجه الثانيه بالحلال مومشكله

بس المشكله بالزواج السر

السر سببه اكيد عشان الاولى لا تدري و تعفس حياته و الريال يبي الحلال …

للرفع….

شوفي اختي انا ما افتي بس من شروط الزواج الاشهار واللي يبي يتزوج لازم يقول حق مرته مو عشان ياخذ رايها بس لازم يبلغها هذا شرعا و ممكن اعرف اذا ما فيها تطفل سبب انه بيتزوج ثانيه؟

دام ان الزوجه الاولى اذا درت راح تعفس الدنيا

فشي طبيعي ما راح اقبل اكون سبب في خراب بيت وتعاسة هالانسانه

والي ما ارضاه على نفسي ما ارضاه على غيري

عادي ما فيها انا خالي خذا وحده مطلقه عندها 4 بعد مو 2 واهو عنده 3 صار مجموعهم 7 لوووووووووول وعادي بالعكس مافيها شي واذا بالسر هم عادي اهو يبي شي حلال وبنفس الوقت هم مراعي شعور مرته الاولى وعياله مايبي يهدم بيته على اخر شي وهو يدري هالشي يهدم بيته السالفه وايد عاديه بس ما قلتيلنا ليش صايره فيج انتي .؟؟؟

حبيبتي اذا مايبي زوجته الاولى تدري يعني ان الزوجه الي بلخفا بأي لحظه بلوك ودليت

ماخذها لأشباع رغباته وبس مو للأستقرار اي استقرار يجي من الخش ودس وهو حلال بس ليش الخش ليش انت ماخذها بلحلال

كمل جميلك وخل الناس تدري اجل اشلون اذا بغت تطلع معاه او اذا بغت طبيب او اي مكان حتى لو كانت تسوق سياره لازم المره تحس بوجود الرجل الي اهو زوج الزواج مو يس رغبات لالالالالالاللاالالا والف لا في اشياء واجد في زواج والي يبي يتزوج بسر هذا

ماراح يأمن للزوجه الثانيه الامان والاستقرار مااعتقد ومادش المخ

اكون مطلقه من 1 ولا من 2

خل تنطر واذا قاربت 30 يجيها الي يستر عليها ان الله مع الصابرين

وعسى الله يوفق الجميع يارب

ويستر على المطلقات بستره

سؤال لج يا مطلقه او يا ارمله

لو كنتي ليلحين على ذمة طليقج او زوجج المتوفي

ترضين يحط على راسج شريكه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انتي متزوجه ؟

اذا متزوجه عادي عندج ان زوجج يتزوج عليج ؟ وتعيشين معاه سنيييين وسنيييين ما تدرين ان ماخذ عليج .. يعني مستغفلج ..

خو عادي ما فيها شي بعد بالحلاااااال ،، وما يبي يهدم بيته وبعدين اهوا مراعي شعووووووووووووووورج بعد شتبين اكثر من جذي .. السالفه وايد عاديه

زوجه ثانيه مافيها شي اذا موفرلج كل شي لكن بالسر لااااااااا ليش وشنو تسوا عليي احد يشوفني معاه فجاه ويفكر اني ازني او اسوي شي غلط
دام انه بيتزوج يكون رجال ويتكلم ويقول بتزوج هو يسوي الحلال مو الحرام يعني مافي داعي للسر هذي

شدعوه اهو ما قالها عرفي ولا متعه شصاير مسكينه بتخلون البنت تهون اذا اهي ناويه عالعموم كل وحد عقله براسه وعرف شقاعد يسوووي انا قلت راي وبس

مع اختي وردة 100 بال100

خوووووش حجي