|
|
بنات رفيجتي طايحة بمشكله وهي حدها عاطفيه حيييييييل وسبحان الله حظها بالدنيا قليل..
ومحترمه وتقرأ قرآن وتخاف الله…
اهي مطلقة …من 3 سنوات …بالصدفة راحت تسوي لها معاملة صادفها واحد يخلص لها المعاملة ..
المهم عطاها رقمه قال المعاملة تخلص بعد اسبوع ويمكن اكثر هذا رقمي ودقي بعد اسبوع اذا خالصة تستلمينها ..اهي دقت بنفس اليوم اللي حدده لها قالت له
خلصت المعامله قال اي…المهم جت واخذتها وراحت …
تقول جاني مسج تهنئة برمضان وبالعيد نفس الرقم(رقم غريب ماتعرفه ) لكن مارديت وبعيد الاضحى نفس الرقم ومارديت
تقول جاني فضول تعرف مين خاصة انها مغيرة تليفونها وقالت يمكن وحدة تعرفني ورقمها مو مخزن لان
جهازي جديد
المهم دزت للرقم مبارك عليج العيد بس انتي منو …؟؟
طبعا صارت مسجات بالاخير قالت رفيجتي اكيد انتي غلطانه(رد عليها انا مو غلطانه واذا تبين تعرفيني هذا صورتي ودز لها صورته !!!!)
رفيجتي تقول انصدمت
ودز لها مسج عفوا انا اسف بس ممكن اكلمج ابي اتفاهم معاج ..؟؟
دق ودق يالله ردت ..
طبعا تقول رديت وكنت ابكي وقلت له امسح رقمي انت شتبي فيني انا مو راعية سوالف ولا خرابيط
واخاف ابوي يذبحني …ابتعد عني
قال لها انا ابيج بالحلال ابي اتزوجج بس انا رجال متزوج وعندي طفلين وابيج الثانية
قالت له انا مابيدي شي روح لاهلي …
المهم مرت الايام ..وهي منقطعة عنه ويرسلها مسجات انا ابيج بس اخاف اهلج يرفضون لاني متزوج ..
وهي ماتعرف رد فعل اهلها اذا يوافقون او لا ..
المهم قالت له انت تعال اهلي بيوافقون ((تقول قلت كذا عشان اشوف مدى صدقة او كذبه)) المهم قالها انا كلمت ابوي ورفض اتزوج على مرتي …انا ابيج ومن هالحجي وانا مابيج الا بالحلال مابيج بالحرام وانه كلم اهله 3 مرات وابوه قاله ان تزوجتها اخر مابيني وبينك ولا انت ولدي ولا انا ابوك …
وعلاقة هالرجال مع ابوه سطحية تركهم وعمره 16 واهو الحين عمره 33سنه يقول ابوي تاركنا و لاهي بتجارته بدوله ثانية ..
رفيجتي حسيت انها متعلقة فيه حيل حيل حيل ..
وتقول لا انا اول ولا اخر وحده تتزوج وتكون الزوجه الثانية …
وهو على كلامه انه مو مرتاح مع زوجته …
واخواته يعرفون عن الموضوع وامه تقوله ياولدي بكيفك انا ما اوقف بوجه سعادتك بس ابوك !!
طبعا رفيجتي ما تكلمة ابد …تقول انا ما ارضى زوجي يكلم وحدة مو وراي كيف ارضى لها ..
اوكي هو يبيني زواج ماقلت شي بس انه يخون زوجته معاي لا والف لا ..
حتى سألتها امانه قابلتية شفتيه قالت لا ابد … ولا افكر …حرام علي ..
بس كلمني مرة شرح لي ظروفه كلها …لا اكثر ولا اقل..
وقالها امانه لاتتزوجين انا ابيج بالحلال انتظري شوي ..
حتى قالت لي …صج محد تقدم لي بس الى متى انتظر عمري26 سنه و وضعي مطلقة يعني لاعمري ولا وضعي
يساعد انتظر اكثر !!!
يابنات منو تنصحنا …
رجاء انا نزلت الموضوع ابي اسمع ردود سنعه مابي احد يرد بأسلوب زفت …اللي بتقول كلام جارح تحتفظ فيه بنفسها..
واللي تبي ترد رد حلو الله يوفقها ويحلي دنياها …
دام يبيها ويبي يتزوجها يروح يخبطها شنو يبيها بالسر بس بالحلال
يعني يلمح لها ان ابوه معارض اهي اصلن شنو تقوله
يجرب حظه يجي يخطبها بس انا اقول تستخير هذي الزواج الثاني لها يعني راح تجي على حرمه
يعني تحط بالها انه مشاكل راح تصير من ورا ها الزواج الاستخاره اهم
بعدين ليش ماتفكر في زوجته وفي عياله شلون
والموضوع حساس والاختيار لها واذا جاد الرجال ماعليه يجي يطلبها
وقايل لها انتظري …
اهي ودها تسوي حركة تقرصة فيها …وتخلية يجي يخطب ..
ولو اني ما انصحها كلش تتزوج على مرا
لان محد راح يتعب غيرها
اش لها بالمشاكل و عوار الراس
خلتنطر نصيبها احسن لها
مو علشان منفصله يعني ترضى بأي شي
اعرف بنات مطلقات و عندهم عيال وخذوا رياييل ماسبق لهم الزواج
اهي حسب مافهمت ماعندها عيال
فا لها فرصه كبيره بهالشي
احسنلها تكون ملكه في بيتها وزوجها لها بروحها
ترى المركب الي فيه نوخذتين يغرق
لا اتسبب على روحها
يكفي انها منفصله من قبل
لازم تفكر عدل قبل ماتوافق على اي واحد
في ظلم مرات في لوعة جبد
بس يعتمد على الريال وحسن ادارته لحياته واسلوبه وطريقته وهم يعتمد عالمرة لازم تطول بالهاا وتطوف واايد وتكون له الحبيبه العشيقه اللي يبي يقعد عندها مو النكديه اللي بس تحن او تحلطم وتبجي
وما اييد الا اذا في حب قوي و قوي حييل اما اذا بس مسجات واوهام خلتشوف لها واحد فاضي يكون بس لها لان فكري بالاعياد ورمضان بالمناسبات اشلون بتزور اهله معاه والا بتكون منبوذه ؟؟ وهذيج؟؟
فكري الزوارات واذا احد من اهله او اهو نفسه لا قدر الله طاح بالمستشفى اشلون الوضع بيكون؟؟؟؟ واشلون وضعه المادي لازم مايكون حده حده لا لازم يكون مرتاح ماديا وهالشي يبين
الريال لازم تحسين انه طويل بال مو عصبي يصرخ ومصرقع لان الحياة هذه فيها شد ونجرة شوي
ويعتمد عالمكرة وطريقتها وانا اقول اذا صغيرة وماعندها عيال وفي مجال تنطر وتشوف وتدور واحد ثاني بطلوا عيونكم تكلموا جدام الاهل ان تبون تتزوجون لا تستحون
اما اذا كبيرة شوي وشايفه ماكو فرص لا والله تزوج بعد ماتكون درست الريال عدل وتكلمت معاه بصراحة عن كل حقوقها واشلون بيعدل وتعطيه امثله اذا صار جذي اشلون تتصرف وشنو طبيعة علاقتها باهله بتكون وادق التفاصييل والله يوفقها واذا خير الله يكتبه هل ترضى هالريال عقب كم سنه يحط على راسها شريجه
هل بتأقلم انه ليله عند الأولى وليله عند ال2
هل بتحكم بأعصابها لي شافته لابس ساعه او زرار او نظاره شمسيه ويقول لها من مرتي الاولى
هل بتخليه عادل >> ان سفرها لازم عقب يسفر الاولى وان عطاها هديه لازم يعطي الاولى وان وان * لا تنسين العدل في هالامور *
** وأختمها ب ,, الشريجه تحر لو هي في القبر **
مب بس ال2 وال3 وال4
لا حتى صديقتج أكيد ومليون في الميه بتحتر من مرته الاولى لان احنا النسوان فينا غريزة الغيره
شوفي بعضهم على انه شاف الفنانه الفلانيه تقوم الدنيا فوق راسه
( امسكي صديقتج وقولي لها اللي ما ترضينه على نفسج لا ترضينه على غيرج )
( وحب لأخيك ما تحبه لنفسك)
والله لو كل وحده سوت بهذه النصايح جآن الدنيا بخير
هذه وجهة نظري ,, والاختلاف في الرأي لا يفسد في الود قضيه
لان لو ماكانت زينه جان ابوه بنفسه قاله روح تزوج <<< الكل يدور راحه عياله
ولا تعتمد على كلامه يقول مو مرتاح مع زوجته الريال لي بغى يخون او يتزوج الثانيه يطلع 100 عذروب
و بعدين شنو الفرص قليله توها بالعشرينات عيل شتقول المطلقه الي بالثلاثين و وراها كوكش عيال <<< الله يعين
الي ما ترضاه لنفسها لا ترضاه لبنت الناس
لا تبني سعادتها على تعاسه غيرها
000ااااااااااامين
باجر يجوف وحدة ثالثة ويقول ابيها بعد .. وهلم جرا فما أنصح تاخذه ، وخير إن شالله 26 سنة توها بالعشرينات !!
::::::::::::::::::::
بعدين مادري شلون كلامه ابيج بالحلال بس ابوي مو راضي وان خذها لا هو ابوه ولا يعرفه !
هاي من اولها مصيبة شلون تاليها .. فشلون يعني بياخذها بالسر من ورا علم أبوه .. ولو عاد شلون اهي ترضى !
:::::::::::::::::::::
ثالث شي والأهم ، اهي للحين ما تدري عن ردة فعل أهلها .. متزوج وعنده يهال اثنين عادي يرفضونه !
بعدين عذر الرياييل عمره ما تغير ، اهو لي بغى يتزوج حتى لو مرته الأولية ذهب بعد بيقول مو مرتاح وياها
خلقتهم جذي ، طبيعتهم التعدد .. فلا تصدقين إنه مو مرتاح إلا يثبت لج .. وكـــل التوفيق من الله ،،،
تبيني حياك الله انت واهلك أما سالفة اهلك مو راضين وابيج شنو يعني تبيني اتزوجك بالسر مثلا !!!
وبس تنهي الموضوع لانه هذا شكله يبي يلعب عليها ويتزوجها بالسر وااااضح اصلا اشكره
هذا يستلا عباله مطلقه سهله صدقيني ولا في رجال متزوج وعنده عيال ابو ومعتمد على نفسه يقولها ابوي موراضي لوووووووووووووول
اول مره بحياتي اشوف واحد خيخه جذي هذا يلعب ويبي يسحبها باسم الحب خل تنحاش بس
اب
وشكرا لردودكم ..ابي آراء بعد ..
شوفي يا قلبي اذا لها نصيب فيه راح تاخذه لا تسوي خطط ولا تقرص واهو لو يبيها بياخذهاا بس اول شي الاستخاره
وثاني شي تعرف شنو السبب وره زواجه من مرته ووين بيقعدهاا وطبعا الزواج يكون علني جدام الكل لا يقول ابوي ما يرضى ولا مادري منوو ..
اهي كلمتين تقول له .. باب بيتنا وتدله واذا لي نصيب فيك بتاخذه ان شاء الله …
وشرط بعد ايي مع ابوه عشان تضمن انه ما يلف ويدورر..
والله يعينهاا
هذا كذاب يبي يلعب على صديقتك يبي علاقه بسر مايبي يخسر زوجته الاولى لانه يبيها
ويبي يعيش حياته من وراها .. بعض الرجال يعتقدون ان المرآه المطلقه بسرعه تأثر بالكلام وتنصاد عشان وضعها بالمجتمع
شوفي يالغلا قولي لصديقتك اذا كان جاد خليها تقوله بالعربي يتجي تخطب او الله يسهل دربك
حاولي تنبهينها لا يلعب بمشاعرها ترا حنا يالحريم على طريف
وبتوفيق لها
اب
اب
ابي اراء بعد ….شاركونا