|
|
صباح و مساء الخير متزوجات بعرض لكم قصتي و أنتوا احكموا أنا متزوجة من خمس سنين و ماحمل الا بعلاج لان عندي ضعف تبويض و بالسنة الثالثة من زواجي حملت و جبت ولد عمره الحين سنة و نص زوجي ملج على وحده من دول الخليج و ما قال لي الا بعد الملجة أنا اخذت قشي و رحت لاهالي يقول عذره أنه يبي عيال لااه كبر بالعمر على كلامه مع أنه عمره 30و أنا 27 و البنت اللي خذاها عمرها 21و عرسه قريب بيهر خمسه بنات أنا زعلة في البداية بس الحين رضيت عشان ولدي و عشان احبه بس اللي مزعلني انه قص علي قال مهرها خمسة الف بس يوم قلت له ورني عقد زواجي مكتوب سته بنات انا ما همني الفلوس الحمدلله موظفه بس اللي حرني انه قص علي مع أني كنت طالبة رضوة نص مهرها و بالاخير عطاني الف و نص هم مو هذي المشكله المشكلة أنه خيرني يا ارد شقتي ببيت حمولتي و هي ما فيها مطبخ بس دارين و حمام أو اسكن برا بشقة اجار أنا اخترت برا بس للحين عند اهلي و ما اجر الشقة و العرس قرب و هو الحين قام و عدل شقة العروس و بناء فيها مطبخ و بتخلص الشقة قريب و أنا للحين يقول مالقيت شقة زينه مابي اقط فلوسي على اي شقة اهوا بالاساس بارد دايما بس اشوف شغل العروس كله كامل بنات أنا و الله متضايقة و قلت مالي الااخواتي كويتيات أنا صابرة و محتسبة بساخاف تتغير حياتي معه عقب ما يتزوج و يتغير علي مع انه يحبني بس مشكلته الجهال و مع العلم اهو مو موظف عايش على دعم العمالة بس يقول مقدم على وظيفه و هو عنده خير كاسبه من ابوه الله يرحمه شرايكم يا خواتي ابي تفاعل و خصوصا من اللي تزوج عليها زوجها الولى و هي على ذمته ابيكم تواسوني
والله ما بعرف شو بدي احكيلك
الموضوع صار منتهي خلالالاص وعرسة قرب
الله يهون عليكي
خلاص مدام قررتي تستمرين معاه .. عيشي حياتج بالطريقه الي تشوفينها صح
ونصيحه كسبي زوجج باسلوبج وبغلاج الرضوه والفلوس ماراح تبني بيتج ولا راح تبنيلج مكانه بقلب زوجج
الفلوس عمرها ماتدوم ولاتسعد بني ادم الواحد يقص على روحه بالماديات بس من داخل النفس والقلب ماراح يتصلح شي ..
عطيه فرصه ولا تحرين عمرج يمكن لج خيرهـِ.؟
حني وحطي لج حد حق شقه مثلج مثلها ولا اكثر بعد
ويرزقج الذريه الصالحه
علاقتج فيه قوية100% قبل زواجه؟
بصراحة الله يهنيج تفكيرج منطقي
وهادي
ومااعتبرتي زواجه نهاية الدنيا
بس اذا في مجال
احد من اهلج يكلمه
خل يحس ان في احد وراج
ويقول اوكي بنتنا رضت بزوجة ثانية
بس مو معنى هذا تقلل من قيمتها
وماتداري مشاعرها
وابسط شي تستعجل بموضوع السكن
عالعموم الحمدلله عندج ولد
وحتى لو تزوج الثانية
يمكن تحسين شطة العرس الجديد بعدين بتصير مجرد زوجة
وام عيال
خاصة انكم بنفس العمرتقريبا انت وياها
وياليت تتوظفين اذا مو موظفة
طبعا انا اقترحت تدخلين احد من اهلج
مو بعصبية او زعل
عاديمن باب يحس وراج ولي امر
اذا مايناسبج هالحل
بناءا ع شخصية زوجج
يكون مايرضى بهالشي لا تدخلينه
كلميه بنفسج
الزوج اللي ما يخبر زوجته بملجته وتفاصيل المهر وغيره….
هذا زوج راقي……ما يحب يغث زوجته ويزعجها باخبار تجرحها
حاليا لا تضعين نفسك بموضوع مقارنه معها
حلو انك اخترتي مكان بعيد عن موقع الاحداث خاصة اول سنه فيها تعب
وبعدها تتكيفي على الجو الجديد
لاتنسي انك تتميزي عنها بعشره 5 سنوات فيها وقت وفرحه وحزن ومعاشره وصيف وشتا وسفر وامور مشتركه كثيره
ما يلغيها الزواج الثاني والثالث والرابع
المطلوب منك
1- امسكي اعصابك…….وانشغلي بامور اخرى غير التفكير بعرسه
2- لما نشيل شي مهم نضع مكانه شي مهم
المهم الاخر عندك ما اعرف جايز يكون ((وظيفه -اهتمام بطفل -هوايه -نت – قراءه …..الخ
3- لا تضغطي عليه بالطلبات خاصه بهالوقت ترى هالامور تعمل عامل طرد له للاخرى دون ان تشعري
4- بكل مكالمه ادعي له جهرا امامه فهذا يشعره بالطمانينه والراحه انه مع زوجته الاولى بامان لا يشعره مع اي اخرى
فوفو
انا قصدي
مو تدخل اهلها بعصبية
لا يقولون
اوكي بتتزوج الله يوفقك سويت حلال
لكن بنتنا لاتظلمها
ابسط شي السكن
فاهمتني؟
طبعا انا احب استفيد من اللي اقدم مني
بسنين الزواج
خاصة اللي احس فيهم
حكمة ونضج
وانت من ابرزهم بالقسم
لان للاسف البعض
نضجه اقل من عمره بكثيييير
تقولين يحبني!!!
شدراج انه يحبج!؟
كل وحده تكتب لها قصه خيانه لزوجهاا
تكتب ترا يحبني!!
وانتي متزوج عليج وكل شي من ورا ظهرج وتقولين يحبج!!
انتو شنو معنا الحب عندكم ابي افهم!؟
هذا وانتي تحملين مانطر وطقج بمره
عيل لومايبتي!؟
اعوووذوو بالله
اللي يحبون اشوفهم حوالي30 سنه ماتزوج ع مرته!!
مع انها ماتييب عيال
والا يايبه واحد وقااعد عليها 25 سنه!!
هذا شتسمينه اذا زوجج يحبج!؟
اي حب يااماماا
سمو الامور بمسميااتهاا
ليش انتو جذي!؟
وبعدين ليش ترضين بهالعيشه ؟
وش يحدج عليهاا!؟
عقييييم
عوووره!؟
معااابه فيج عيب !؟
شيحدج ع عيشه جذي!؟
متزووج وخاش عنج وطايرر يجهزز وعرف الحين
يحط مطبخ ويتحرك!؟
شتنطرين لي تزوجهاا بيحبج زوود!؟
والا بيتمسك فيج زياده!؟
لاياامي خلاص
اختار انه يعيش مع وحده ثانيه
يديده وبتيب له عيال
وووووو
مالج مكان
الا للحرات
شيحدج يوم هنيه ويوم هنيه!؟
والكلام بالنصيفه
والعطا بالنصيفه
هذا اذاا اذاا اذاا عاادل
وبهالوقت معاد فيه عدل!
خلاص
انتي بتميين قاعده ع هدااام شي!!
شتبين تستفيدين لي قعدتي معاه
وانتي بنت توج!؟
ماقدرج ولاحط لج اعتباار
ولانطرر
انا بوجه نظري خليه باللي مايحفظه
خاين العشرره
روحي لهلج وطلبي الطلاق
وولدج موضاايع
محديضيع ولاحديمووت
شدعوه لي قعد معاج ومع ابوه بيعيش بجوو
مثالي!!
كله مشاحنات وحررات وخش عنج وصد عنج
ووووووو
الاهم راحتج انتي وولدج
روحي طلبي الطلاق. وتوظفي
وعيشي احلا عيشه
ودللي ولدج
ومتعي. نفسج
والعمر جداااامج
يرزقج ربج باللي ابرك منه
ياماحريم معاهم3 او4 وتزووجوو
ريااييل يامطلقين والا عيال بعد!!
وبس وارتاحي
ش حادج ع المررر والقهررر
حلوه انا مديوون وماعندي
وعرف يطلع مهرر العروس
وعنده يبني لهااا
ههههههههه
ريااااايييييييل
كرامتي وراحتي النفسيه بالدنيااا كلهاا
والحيااه موكلهاا رجل
الريال اللي مايكون كفوو
فرقاه عييييييدين
بس بعد مايخلص من حوسة العرس تكلمي معاه بهدوء قولي له يستعجل بالسكن
وانا مع فوفو ان حاولي انج تبعدين عن المشاكل واذا كلمج ماتجيبين طاري زوجته لا بالزينه ولا بالشينه
ةاختي صاحبةالمشكلة انا مع ناتشو بكلامها
عيشي وخلي غيرج يعيش ولاتزعلون مني ترا اي وحده ممكن يصيرلها هالشي والطلاق موحل وترك البيت وشحططتج مع ولدج مارح ترتاحين وماشاء الله عسي الله يكملج بعقلج ودينج
هلا حبيبتي, الله يصبر قلبج اهو أكيد شي صعب و يعور القلب بس الرجال تزوج على سنة الله و رسوله مهما كان سبب زواجه.
و البنات اللي يقولون خيانه و سموا الأمور بمسمياتها انتو سموها بمسمياتها. هذا زواج لا خيانه و لا زنا.
و الله يصبرج.
و شوفي حبيبتي القصور يعني اللي مبين من زوجج هو بموضوع شقتج, أما الرضوه و غيرها اسمحي لي يعني تدرين الرجال توه دافع مهر من وين يجيب نص المهر يعطيج ياه.
و انتي المفروض كنتي ما تطلعين الرجال ما سوا شي غلط بالذات إن عندج عيال ما يصير تشحططينهم و انتي ناويه تردين.
ألحين حبيبتي ماكو إمكانيه تردين شقتج القديمه على ما يجيب لج جديده؟
أحسن من قعدتج ببيت أهلج.