|
|
السلام عليكم خواتي
بغيت اعرف الخاطب إذا سأل البنت وقت النظرة الشرعية أو أثناء الخطبة هالسؤال
شنو الجواب الحكيم اللي لازم تجاوبه :
عندج استعداد تتركين وظيفتج بعد الزواج ؟
وجاوبي بصراحه .. انا لو مكانج بقول
لا وظيفتي مستقبلي فيها ومااقدر اتركها ..
نصيحتي لج كوني واضح من البدايه ، عشان الريال يكون على بينه ،
فكنت أنسأل هالسؤال وقت الخطبة وكنت اجاوب بصراحة اني مستعدة اترك الوظيفة بعد الزواج
بس ماكنت مرتاحة من هالجواب ماادري ليه
باجر لا صار سوء تفاهم ولا زعل و أهوا غلطان شلون اطلب منه لااااااااااااا .. صج أنها تساعدج تجابلين البيت ولا تقصرين و في بعض الرجال ما يقصر على مرته و يحرص على أنه يعطيها الي تحتاجه بس في نوعية لاااااا يحب امرمر عشان المرا تحتاجه ..
الله يعز المعاااااااااش والله ♡
احسن شي ردي سؤاله بسؤال عشان تعرفين اهو شنو يبي موظفه ولا لا وبعدين اذا جاوبج سوي اللي يريحج
اذا سئلج جاوبي بسؤتل ليش اهو شنو يبي زوجته موظفه ولا بالبيت و اذا جاوبج سوي اللي يريحج
يعني انا وحده احب اني اشتغل فصعب اقبل بترك الوظيفه
وفي بنات عادي تحب تكون متفرغه تماما لبيتها وريلها واعيالها
يعني كلن ومييووله
ما أتخيل نفسي جالسه في البيت بدون شي
أنا في عقد الزواج شرطت بس وظيفتي
أحب يكون عندي دخل خاص أتصرف فيه براحتي
صح صعبه الوظيفه و البيت بس حاولي توفقين بينهم و توكلي على الله
انا عن نفسي ما أترك وظيفتي لو على قص رقبتي، وبالخطبة ما شرطت ولاااااااا شي لا مهر محدد ولا سكن مستقل ولا خادمة ولا هالخرابيط كلها، بس شرطت اني أحتفظ بوظيفتي.
الوظيفة عز و سند للبنت، الدنيا تدور و غدارة و اللي اليوم انتي معاه سمن على عسل باجر يقلب شيطان، و حزتها ما يشيلج إلا وظيفتج و معاشج.
موفقة خير.
الوظيفه على الاقل راتب ثابت ما احتاج لاحد
الريال مراح يتكفل بكل مصاريف المره
يعني لو ما كان هالسبب بجاوبه : عندي استعداد اترك الوظيفة
انا للحين طالبة و اهوا يدري برغبتي و اهوا شخص يبيني اشتغل ما عنده اعتراض
.
و بخصوص الموضوع عامة كل وحدة و قناعاتها
لا تجاوبين جواب و انتي مضغوطة
يعني من الاحسن ادا ما تبين تشتغلين قولي مابي ابي اقعد فالبيت
ادا تبين قوليله ابي اشتغل عشان نفسي محتاجة الشغل لاني ما احب القعدة
لازم تكونين عفوية و جوابج يمثلج انتي لا تتاثرين بردود البنات هني
لان كل وحدة فيهم لها ظروفها و قناعاتها
لا تفكرين انو لا اشتغل عشان المعاش لان ريلي ما اتوقع بيلبيلي الي ابي
بالعكس خليكي واضحة و صريحة مع نفسج قبل معاه و صدقيني ادا الله كاتبلج الخير معاه
بيتقبل الي تبينه بكل سعة صدر
^^ اسفة اطول فردودي لووول:d