|
|
وانا قلبي متقطع وكل يوم ابجي قهر ودم .. وحاولت الانتحار اكثر من مره .. احس اني ضعيفه حيل واكثر من مره ننفصل ونرد نرجع لبعض مره ثانيه لاني احس ماقدر اكمل حياتي من دونه وهو مايقدر يتقدم لي كل مره لانه اهله رفضوني وانا مالومهم اكيد عندهم كرامه وخاصة ان سبب الرفض حساس ويجرح ..
وصعب علي انفذه بس احس اني قليلة حيله كل الطرق المشروعه جربناها بس ماكو فايده كل شي مصكر علينا وحنا مانبي الحرام نبي الحلال لاني قادره اتركه ولا هو قادر يتركني مالي غيركم بنات اقولكم وافضفض لكم عن مشكلتي لا تقولون لي بعدي عنه وانسيه وتركيه لاني ماقدر حاولت انساه و تعبت ووايد اشياء صارت معاي بالفتره اللي انفصلنا عن بعض واسوأها محاولتي للانتحار كنت بنت وقفت بويه اهلها ندمت
ان شاء الله ييلج اللي اهم يشوفونه زين ويناسبج وانتي لاتتبعين عواطفج
شنو انحاش ؟؟
ليش تنحاشون بالله واذا انحشتو شنو بتطولين غير غضب امج وابوج عليج ؟
وبدون رضاهم ماتشمين ريحة الجنه
لاتفكرين بينون انتي بنيه مسلمه مو قاعدين بمسلسل اجنبي عشان تسوين هالسوالف وتقولين بنتحر
وين ايمانج بربج لي هالدرجه ايمانج ضعيف ؟
تعوذي من ابليس ولاتخلين الشيطان يميشج ويقص عليج
بالله انحشتي واستمر هالزواج جم سنه واتغير هالانسان ولاسمح الله صار طلاق ؟ مامرت عليج حلات حب وصار بينهم طلاق ياكثرهم لاتقولين انتي غير كلهم كانو يقولون احنا غير احنا حبنا صادق ونظيف بس صار طلاق
انزين وااذا تطلقتي شنو بتسوين برا بتطرين ؟ وحق منو بتروحين واهلج انتي منحاشه منهم ومتبرين منج ؟؟
وإذا مو نصيبج أكيد ربي بيعوضج بالأفضل
لاتحطين أبوج بموقف بين الناس وتنزلين راسه بين الرياييل
عيب وين قاعدين تنحاشين معاه وتتزوجون ،،
شنو بيفدج أهو اذا صار والدينج مو راضين عنج !!
من وين بتشوفين التوفيق وانتي مسويه جذي بأهلج ؟؟
حبيبتي أمج مالها ذنب باجر يتهمونها انها ماعرفت تربي ولا تحرص على بناتها
ولا توقفين نصيب خواتج بسبب غلطة ممكن تندمين عليها مع الايام ؟؟
فكري بعقلج مو قلبج
القلب يوديج للتهلكه
والعقل يوديج للصواب
فكري بأبوج أمج خواتج أخوانج
لا تصيرين السبب بدخول المشاكل لبيت أهلج
لا تخلين أهلج علج بحلوج الناس
ماعتقد في شي بالدنيا يستاهل اني أبيع أهلي عشانه
أولا وأخيرا إيمااانج حيييل ضعيف
فيها سواد ويه لأهلج ولسمعتج تتساوى بالأرض حياتي
واذا لج نصيب فيه بتاخذين بالحلال و برضاة الكل
مو بالغصب وبالحرام
فكري بموقف أمج وأبوج واخوانج شنو بيكون حالهم
من بعد هالتصرف اذا بتسوينه
ترى ماكو أهم وأغلى من الأهل
فلاتخسرينهم
عليك بالصلاه والاستغفارررر وتشوفين العجب العجاب
فكري عدل وراج اهل حطي ابوج واخوانج جدام عيونج البنت ســــــــــمعه
اسم ابوج يكمل اسمج لا تطيحين راس ابوج
حتى خواتج ماراح يتوفقون من ورا نحشتج سمعتج بتمس عليهم
دربالج تتخذين هالقرار
صلي ربج قومي الليل وان شاءالله ان كان زواجج من هالشخص زين لج والاهلج عسى ربي يسهل امرج
عسى ربي يهديج لما يحب ويرضى
وانتي للأسف إيمانج نوعاً ما ضعيييف
الله يهديييج
اذا شافوا انكم مصرين بوافقون او بيضطرون
اما سالفة انج تهاجرين معاه انا ماحب هالطريقة بحل المشاكل لانج عندج عقدة ماحليتيها اجلتي الحل وبجذي بتتفاقم وبتصعب اكثر
افرضوا الي تبونه بس واجهوا مشكلتكم ليش تنحاشون !!!!!
لو انحشتوا وهاجرتوا مصيركم بتردون والنفوس شايلة عليكم والقلوب مستحيل ترد نفس قبل
خلكم بينهم والقلوب تلين اذا انتوا بينهم بس البعد يجسي القلوب
هذيلا اهلكم
يختي شنو انتحر وما انتحر ؟؟؟
تذبحين عمرش وتوطين راس اهلش بالقاع وداريه ان تاليتش نار جهنم لو انتحرتي
كل هذا عشان رجاااااااااااااااااااااااااااال !!!!!!!!!!
استغفري ربش وردي له وتوبي لله توبه نصوحه
وكثري الاستغفار وصدقيني صلاتش مشي حالك دام هذا تفكيرش
لاتطوفين فرضش واخشعي لله والله يصلح حالش
وفكري بأمش وش بتسوي لو انحشتي معه
انتي تضمنين انه راح يتم يحترمج ويقدرج ويحبج
اذا تحبون بعض كلمو احد كبير بالعايله علشان يقنع ابوج وانتي حني على امج
والافضل تصلين استخاره اذا فيه خير لج زواجج منه الله راح يسهل بدون ماتدرين واذا مافيها خيره راح تبعدون وانتو مرتاحين