الزواج مو بس مهر وملابس وجناط واهتمام بالجسم !! حياكم

ندش موضوعناااا

في شي مهم حيل وانتوووو بزحمة التشري والاهتمام والتجهيز غافلين عنه

وهو انج بتقابلين شخص جديد ماكنتي تعرفينه بيئته غير طبعه غير عاداته غير وبتعيشين معاه اربع وعشرين ساعه ولازم هني تخصصين جزء من وقتج للتدريب

شنو يعني التدريب ؟

يعني تدربين اولا انج تغيرين سلوكياتج الغلط الي تحسينها شوي منفره

مثل الصوت العالي

الرياجيل كلهم بلا استثناء مايحب يسمع مرا صوتها عالي فانتي ابدي توطين نبرة صوووتج بالبيت بتلفون ليما يجي وقت العرس تكونين انتي متعوده وخالصه

اتدربين انه لو اكتشفتي انه عصبي ويطنقر بسررررررعه ويمد بوووزه شتسوين !!! بتمدين بوزج بعد

لا خلي بوزج حق الاشياء القويه شوي

المراااا الشاطره اهيا مو الي تاخذ رجال كامل والكامل الله لاااا المراا الشاطره الي تغير الرجال من الى وتعوده على الي تبي وكل هذا بصبر وتخطيط

لا شفتيه شاااد هددي لا تقولين لا انا ببيتنا من اصيح على احد او ابجي جا يركض بيتج وابوج واخوانج غير الرجال باول العرس يشووفج انج فرس ولازم يروضها وبيعاند على كل شي وعشان جذي معروف ان اول سنة زواج هي اصعب سنه تصير فيها مشاكل شكثر وعناد وطلاق اسم الله عليكم كلكم

الزوج العصبي اكثر زوج يحتاج حنان عشان تاخذين منه الي تبين وتخلينه معاج اوكي مايجي بالعناد وانج توقفين له جنج جزار ابي وابي ومووووعلا كيفك يبيله لمه ابتسامه بوسه على الراس وانتي كل شي تقوله اوامر انا اعرف ماتقصر وحبيبي انا كل شي عندي الا اني اشوفك معصب الاعصاب مو زينه لك ووووووو

كل شي تقدرين تاخدينه من الرجال بس بتروووي وصبر والتمسكن
في شكثر سلوكيات نكرها ومانحبها وفي احتمال انج تلاقين بزوجج وحده منهم وان شاءالله لا( اهمال ، قلة وازع ديني ، قلة نظافه ( رفيجتي كان زوجها مايتسبح وتطلقت عشان هسبب اقولكم سالفتها بعدين ) عدم احترام ، اتكالي ، بارد ، شكاك )

وكل هالامور لها حل باذن الله بس مو حلو انج ماتتوقعينها ولا سمح الله تنصدمين بوحده منهم وتنفعلين فلازم انج تدربين شتسوين باي حاله ممكن تواجهج وتاخذين خبره مبسطه قبل الزواج وكل شي له حل وتفائلوووو بالخير تجدوووه

ودي انكم تشاركوني بحلول لكل سلوك غير مستحب واشلون نقدر نواجهه وودي هالموضوع يكون مرجع للبنات المقبلات على الزواج الي وده نكمل يرفع الموضوع