|
|
واقعة حقيقية
و بعيدا عن العاطفة
زواج في بدايته لم يتجاوز 5 سنوات أَُكتُــشِــفَ إن عدم الإنجاب بسبب العقم و لا أمل بالشفاء و لا بأطفال الأنابيب
الحالة الأولى ( الإحتمال الأول)
لو كان الزوج هو العقيم
ماذا تفعل ( أو ماذا تقترح ) لو كنت في مكان الزوج
و ماذا تفعل ( أو ماذا تقترح) لو كنت في مكان الزوجة
———–
الحالة الثانية ( الإحتمال الثاني)
لو كانت الزوجة هي العاقر
ماذا تفعل لو كنت في مكان الزوج
و ماذا تفعل لو كنت في مكان الزوجة
لو عشت مع زوجي خمس سنوات وأكتشفت أنه عقيم بس أخلاقه عاليه ويحترمني ويقدرني تبون الصراحه ماعندي مانع أعيش عمري وياه …
عمر الجهال ماكانوا السبب الرئيسي للسعاده… ممكن بطيبه وأخلاقه ينسيني الجهال …
والله أعرف ناس الله مارزقهم وماكو أمل وبعد 20 سنه اله رزقهم…… أحس حرام الذنب مو ذنبه ليش أصير أنا بعد ضده……..
الصراحه مادري
بس لو انا اكتشفت ان زوجي عقيم واهو مراعين يويعاملني زين يمكن ما اهده بس هم بخاف انه يغدر
بس لو زوج اكتشف ان زوجته عقيمه ولا امل انا متاكده انه يتزوج عليها
ومشكوووورين على ردوووودكم يالعسل
يعني راح يتزوج علي اكيد
و اذا اهو يمكن اصبر شوي بس اعتقد ان وجود اليهال شي اساسي
يعني مو عن السعاده و غيرها
بس اعتقد ان اليهال اهم العزوه بالمستقبل
و الريال مو دايم لج
بس عيالج اهم اللي بيشولوني اذا كبرت
هذا اعتقادي
بس اذا العيب من المره ، الريال ما يصبر و يدور غيرها —->و هذا الاغلبيه لان نادر اللي يقدر العشره و الظروف .
و الاقتراح في حال اكتشاف العقم محاولة العلاج و الانتظام بالعلاج و الدعاء و الصبر .
و الله يرزق كل عباده الذريه الصالحه امين .
اما اذا كان الزوج عقيم تقبل الزوجه العيش معاه ولا تحاول تجرح احساسه باي كلمه وتحاول تساعده باي طريقه
بالنسبه لي اذا كان الزوج عقيم اطلب الطلاق
تصدقون هالموضوع وايد كنت افكر فية…
هممم موقف وايد صعب … و الاختيار اصعب…
انا لو انحط بهالموقف و عسى اللة لا يحطنى ولا يحط احد فية.. بصراحة ما اتخيل انى اعيش ويا زوج بدون عيال.. صعبة بنات على المراة انها تنحرم من نعمة العيال و تنحرم من عاطفة الامومة… حيييل صعبة…
العيال مهما كان اهما عزوتى و سندنى اهما اللى راح يشيلونى باجر ان كبرت و طحت اما الريل ف بصراحة كلش مو مضمون… باجر ان كبرت و عيزت يروح بكل سهولة يقطلة بنية صغيرة يتزوجها على اما عيالى لا… صج ان كل واحد فيهم راح تاخذة مشاكل الدنيا و ملاهيها بس هم يتمون عزوة و ظهر اما الريال لا… ف من جذى بصراحة ما اضحى بالضنى عشان ريال… ظفر الضنى عندى يسوى مليون ريال… همممممم هذا رأيى بكل صراحة…
و اصلا المفروض يصير فى فحص طبي على الاثنين سواء المراة او الريال يم قبل الزواج عشان من و اهما على البر يكونون على بينة و بالنهاية كل واحد فيهم لة حرية الاختيار بان يكمل او ينسحب…
واذا فعلا طلعت المره اهي العقيمة فمؤكد100% انه راح يتزوج عليها اذا ما طلقها او يتزوج بالسر حتى وهذا الشي صاير حق ناس اعرفهم حيل حيل
اما اذا كان العقيم اهو الرايل فتبقين انتي العزيزة عنده وارجووج لا تهديني
لانه اصلا ماراح يلقى وحده ترضى فيه
انا لو مكان المره اللي ريلها عاقر يعتمد اذا كان الريال زين معاي ويحبني حب اكيد ليش لأ اقعد معاه
اما اذا ما يحبني بس جذيه قاعد معاي فبصراحه اليهال نعمة من الله والكل يحب اليهال
زينه الحياة الدنيا
وهذا يعتمد على شخصية كل واحد وحده
وسلامتك
بس بصراحه صج لمن تكونين بالموقف كل شي يتغير
الموقف هذا صج يخوف بصراحه
والحمدلله على كل حال