|
|
خلّوا شعاركم بالزعل مع الزوج
هو
اخصمك آه ….اسيبك لا ….
اقدم لكم هالملاحظات قد تنفعكم بيوم من الايام
1-لا تتركي بيت الزوجية …وغرفة
نومك…وسريرك …وقت الزعل مهما كان حجم المشكله
2-مو بالضروره اهلك واهله والجيران والخدم واليهال يدرون انكم تزاعلتوا وتمرون
بمرحلة خصااااااااام
3-الزعل ….مو يعني ما اقوم بواجباتي
….ازعل بس اقعد على الريوق والغدا والعشاء …انجّب له بصمت …احضر له الشاي
بصمت ….احضر ملابسة ومستلزماته بصمت …..اذا سألني جاوبت ….
4- اذا اتصل ارد عليه ولكن لا افتح مواضيع
اتركه هو اللي يبادر بفتح المواضيع
5-بعد يومين او ثلاثه من الهدوء النسبي ….بامكاني اقتنص فرصة وافتح ملف المشكله
واتناقش فيه بهدوء…رح يكون استماعه وحسن اصغاءه افضل من يومين مضوا
6-ترك البيت رح يوسع المشكله ويصّعب حلها
….ويدخل الفراااغ بقلب الزوج …ممكن تصير النتايج اسوأ من قبل
7-الزعل ببيت الاهل ….اول المتضررين منه هم العيال الصغار
8-تعمدي اظهار اناقتك وابرازها وقت
الزعل ….
9-الزوج مثل الطفل يفرح بالمدح
والكلام الحلو ….فدايما امدحي زوجج عند عياله
وبوجوده مثال …يا ليت تاخذون طبع بابا في …..(تذكرين افضل ميزه فيه )
10-كثيرا منكم لا يعلمون ان معظم الازواج لا يعرفون ان يقولوا كلمه آسف …ولكن يترجم اعتذاره ب
مكالمه تلفونية حلوه -طلعه عشا…او ابتسامه ….او يحاول يدخل بسالفه يلطف الجو …او يتحرش بالفراش …الخ
11-ارجعوا اقرا النقاط ال 10 وعلقوا على الموضوع 
فوفو
عاشت فوفو
انا مرتاااااااحه من كل شي
بس حبيت اشارك بموضوعج
صج لازم نستفيد منج
لكن اذا انا زعلت لان غلط يقلب الغلط علي بس احاول اطبق ربع اللي قلتيه فتلقيني اسوي كل شي وانا ساكته اتغدا معاه اسويله الجاي ازهب ملابسة اقعد معاه اطالع التلفزيون اظحك مع عيالي والاعبهم فتلقينه يحاجيني عاااادي واذا رديت بثقل قالي شفيج منفسة علي بس ببدا اذكره باللي سواه يعصب ويطلعني غلطانه>>>>>>والله تعبنا معاهم
اكبر غلط اهد البيت و اخلي الدنياااا كلها تدري عني
عاااااد الحين شوفي الشماااته 
perfect بس هذا بالنسبة للزعلات الخفيفة الظريفة اما الجايدة ……
حسابه عسير 
:
فوفو بعد قلبي فديتج مواضيعج تعجبني …
الحمدالله و بتكلم عن نفسي ..
عمري ما زعلت و شلت قشي ورحت بيت اهلي !!
مو معناته انا وريلي ما نتهاوش بالعكس نوصل لـ الشيطان الرجيم ..
بس اخذت هالسالفة من امي ..
بعيد عن العين بعيد عن القلب .. دايم اذا زعلتي وصرتي جدام عينه راح يراضيج ..
اما اذا مو يمه راح ينساج !!
نقطة ثانية و هي .. الكشخة وقت الزعل ..
سلاحي الفتاك 
و الله البس و اتكشخ و اتسنع و البخوور الله لا يوريكم و عطور الاثارة ما اثارة << قمة الحقاره
و تلاقين الريال منهبل و يراكض يبي رضاج .. 
هواشنا و سوالفنا بينا ما تطلع .. واهوا منصدم من هالسالفة اذا رحنا بيت اهله و كنا متهاوشين ..
عادي اسولف معاه و ادلعه و حياتي و كل شي .. بس نركب السياره .. يرد الوضع ..
يقول توج تدلعيني و عادي .. اقوله مو جدام الناس نبين هواشنا !!
فـ غصبن عنه يقوم يدور و يسولف و يحاول يراضي
و دايما خلوها ترجيه بأذونك الزعل لا يطول اكثر من يوم .. !!
او على الاقل لا يكون يومين .. !!
عودي نفسج و عودي ريلج على هالسالفة .. و الله راح يتعود انه ما يخليج تطولين بزعلتج ..
حتى لو انتي بادرتي ما فيها شي هذا ريلج بو عيالج !
و اسهل طريقة و الي دايما اسويها ..
اذا دشينا الفراش وهوا او انا زعلانين .. اطق ريله جني ما ادري وهوا يرد الطقه و يصير الضحك و بعدين … < منع من الرقابه
و الله لا يجيب الزعل ان شاء الله
:
: