|
|
قوه حبايبي شلونكم ؟؟
صراحه مادري شنو اكتب بدش بالموضوع على طول 
انا الحمدلله اشتغل وعندي اللي يكفيني وما اطلب من ريلي فلوس من اول ماتزوجت انا اصرف على نفسي …
وكل شي ماشي اوكي .. بس الحين الله رزقنا بيهال الله يخليهم واليهال يبون .. انا ما اقول انه مايصرف عليهم بالمره بس صراحه انا اشوفه بالملابس معتمد علي انا !!
انا اشتري لهم الملابس .. حتى حق العيد
انا ادري اهو ما يحب السوق بس مادري احس مولهدرجه يعني شال ايده من هالسالفه !!! والحمدلله عنده خير ما اقول مثلا ظروف تمنعه او شي
مهما يكون اهو ابوهم وانا والله ما افكر ان فلوسي او شي بالعكس هذيل عيالي يعني مايغلى عليهم شي
بس مادري احس مابي تصير هالشغله مسؤوليتي انا !!!
والله مو نيتي احش فيه مهما يكون اهو ريلي … بس هالشغله احس مو حلوه, يعني اعتمد علي ليش عندي معاش؟؟؟
مادري انتوا شرايكم معاي حق ولا عادي وانا شوي ماخذه السالفه بحساسيه ؟؟
وبشنو تنصحوني ؟؟
لو مو متفقه وياه جان شي ثاني
قوليله .. انتي تطلبين منه والا لأ ؟
لانج عودته انج انتي اللي تشترين انتي اللي تصرفين على عيالج
وهذا الشي غلط عندج فلوس وحابه تساهمين وتشرين من حسابج الشي عادي لان هذول عيالج
بس انه اهوو يقطهم عليج واهو مو متحااج فلوس لا غلط
قعدي مع رجلج قولي الشي هذا مايصير لازم تعطيني مصرف عيالي يا اني اخشهم لهم او اشتريلهم
اما تسحب نفسك ولا تعطيني شي لاوالله انت الملزوم في كل شي
بس ما اعرف اطلب احس لان تعودت ….
صراحه احب ردودج ماشالله عليج احس انج منبع الحكمه ههههههههه
كل الموظفات اللي حولي هذا كلامهم
واغلب الرياييل الكويتييين اتكاليين
معتمدين عالمره في كل شي
احس بدون وظيفه احسن
مع اني توني متخرجه ومشتهيه اتوظف بس اخاف من التغيير بحياتي بسبتها
ادري طلعت عن الموضوع اسفه
واطلب منه لان لو ما اطلب منه ما يعطيني
لاني عودته .. يدري اني بطلب
قولي له ابي ايمع وطلبات اليهال تكفل فيها
انتي غلطانه عودتيه على جذي !!! المفروض يصرف عليج انتي و عيالج حتى لو عندج معاش
يعني حتى من قبل العيال لازم يعطيج مصرف بايدج على حسب قدرته
انا من رايي الريال لازم يعطي مرته كل شهر حتى لو 50 دينار على حسب امكاناته … واذا ما يبي يعطيها (عيل شحقة طاق الصدر و متزوج بنت الناس دام عيزان يعطيها فلس واحد)
و مافيها شي لي قلتيله من الحين عطني فلوس حق ملابس العيد … عطني حق ملابس الشتا و قوليله حقي و حق عيالك… انت مسئول عنا ولازم تعطينا … عوديه من الحين لا باجر انتي تاكلينها… باجر اليهال بتكثر طلباتهم و بتزيد مصاريفهم وانتي راح تبتلشين
ترا انتي توج ابداية حياتج معاه صارلج سنتين (هذا اللي فهمته من توقيج )
الدولة تعطيه لكل ولد 50 دينار وعلاوة زوجية 250 بعد شيبي
اختي طلبي ماعليج مو دافه شي من جيبه كله من الدولة والحكومة
لاتعودينه
طلبي لج وللعيال ولاتصرفين شي من معاشج هو ملزوم فيج وفي عياله وفي بيته
طلبي منه يوديج للسوق عشان تشترين لعيالج وقوليله انا خلصت وشريتلي للشتى بس اليهال ليلحين وابي توديني ماابي اروح لحالي وحاولي لازم يوديج لهالغرض ……….وقتها راح يدفع لهم وهذا المفرووض اللي يصير … وشوي شوي يتعود
انا مااشتري شي لعيالي الا معااااااااه …..
لما كنت انا وياه بروحي
كنت اصرف على روحي من معاشي ولا ابي منته ..
بس لما جا ولدي حبيبي المفروض
يصرف عليه
والله يحز بخاطري ادش السوق ولا اشتري له شي ..
قهرني ..
ودايما اقول له هذا وهو واحد
ولو أكثر بتسوي !؟
ابتلشنا بناس ما تحس بالمسؤوليه ..
ولا تكلم الواحد قال موظفه ..
حلالاه تعيشون نفس عيشتنا
اللي المعاش يطير بدقيقه .
وخليته وكل يوم بنجره بسبة هالموضوع .
مفروض من البدايه ماتعودينه انج تصرفين على عيالج من فلوسج عشان مايتعود
بس لازم تقولييه عطني فلوس ابنزل السوق ابشتري للعيال
عشان هالايام مطفره
وشوي شوي غيري فيه هالعاده