الريال تهقون يبي خدامة ولا زوجة ؟؟؟؟؟

مرحبن ………. هالموضوع قعد يدور ابالي وقلت نشوف رايكم يا امورات .. واللي خلاني افكر وايد اهو موضوع وحده من الخوات اللي امها قالت لها قصه قديمه عن الريال اللي متزوج ثنتين وحدة جميله والثانية عاديه والزبده اللي على فخوذها وساحت اكييييييييد عارفين القصه مالي خلق اقصها …

المهم ..تهقون الريال لما يتزوج يبي وحدة تخدمه ولا وحده تسولف معاه وتتكشخ له ؟؟؟؟؟

انا رايي ايقول : انه لازم المرة تهتم بكشختها وتتزقرت حق ريلها وتسولف معاه وتضحك معاه تهيت معاه وتهتم بعياله وبسسسسسس … اما سوالف المطبخ والترتيب يعني احس الريال بهالزمن يقدر يحطله بدال الخدامه مليوووووون وترتب وتطبخ له واييب طباخ يعني ما اعتقد انه يهتم حق المرة اللي تخدمه بهالامور … فهمتوني ؟؟؟؟ وياما سمعنا عن رياييل خذو على حريمهم ومع انه حريمهم يطبخون ويرتبون ومو مقصرين … اما رياييل قبل .. يهتمون بناحية الترتيب والتنظيف وانها هابت ريح وهالسوالف لانه كل عصر له اهتماماته قبل ماكو خدم ولا اكو اليسا وربعها

.. انتوا اشرايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اشلونج اختى محتاره وانشاالله ماتحتارين
اولا الرياجيل من قديم الزمان يحبون المرأة اللى تسنع وتكشخ وهم بعد تخدمهم ياما حريم تطلقوا والسبه انها 24ساعه كاشخة وكله معتمده على الخدامه حتى البيض ماتعرف اتسويه وهم العكس فى حريم تطلقوا لانها كل بالمطبخ ومع العيال يعنى الوحده لازم تعدل وبعدين موعيب ان الوحده اتخدم زوجها والله حتى عزكم الله جوتيه انا افصخهيا مو عيب 0

اول شي ولكم باااااااااااك محتاره وتو مانور المنتدى … احسج حدج يبتي موضوعج على الوتر الحساس توني داقه على امي وقاعده ابجي اقولها مليت ما اقدر امبيه تخيلي اول ماتزوجت قالي بيبلج خدامه قتله مابي لاني كنت قاعده ابغرفه وحده مع حمام بيت اهله وكنت اب عطله كنت احس ماله داعي الخدامه المهم بعدها اب ثلاث اشهر خذيت شقه بيت اهله غرفة نوووم حيل كبيره وصاله وتكرمين حمامين اهما عندهم خدامتين وقلت هم ماله داعي نييب خدامه اهما عندهم خدم تخيلي والحين راحت الخدامهاللي كانت اتعدلي تخيلوا وانكرفت كراف ويـــــع ماسوت علي كلمه قتله اني مابي خدامه والحين ارد من الجامعه ومتاخر واسوي طبق حق الفطور واعدل وادرس وانام وين يمدي كل هذا مادري لاعة جبدي ورب الكعبه لا ومرت حماي مع انها كبيره اكبر مني بوايد وعندها ياهل وعندها اجازه ماتداوم عمرها ما ادخلت المطبخ من تزوجت ولا تدري وين الله قاطها معاهم كاشته فيهم كشته سنعه وانا مجابلتهم من اول رمضان قلت يمكن يبين بيعنهم اخرتهم يقارنوني فيها والاخ اللي عندي اقوله ابي خدامه يقولي لا ماله داعي احنا اثنين ومومحتاجينها وامه قاعده واتنقز فيني لوعةة جبدي وماتتكلم جدامه عشان ما جنها اطلعت منها والاخ الحبيب مادري متى يفهم ولا يحس اني ابي خدامه والله بجيت بجي من القهرر والاخت مرت حماي هيليقيه حتى بيت اهلها ماعندهم خدم مسويه عمرها كلش ويييييع الهيليقيه والمشكله اهو يمشي ويوصخ مادري اي شي عباله انا خدامت ابوووه يشرب زقاير وينثر الرماد بالقاع ليش مادري اقوله اي ششي يقولي مادري بروحه طااااح مادري شسوي مليت لي متى هالحال بالله

وييييييييييي احلى بنوته …. تنقز عليج شتقولج يعني ؟؟؟؟؟؟؟ مو عاجبها الاكل …؟؟

انا بعد ريلي يمشي ويوصخ بس اخلي مانظف وراه لوووووول … يعني ارتب الكبت ومن يوم ثاني اشوف الكبت عفيسه !!! يتني حالة ماسوي شي واوصخ وياه واعفس لووووووووووووووووووووووووووووول .. بس الحين تعدلت ! عاد انتي قوليله صارحيه قولي انا عندي دوام لو فاضيه جان مايحتاي خدامه بس ماعندي وقت ……….

صح كلامج بس يعني شلون الوحده توازن !!! يعني اطبخ اغسل مواعين اغسل هدوم اسفط ارتب الكبت اخم ادير بالي على بنتي واغسل شغلها وممياتها واسوي اكلها واكل سي السيد وايد يتشهوى على بطنه ولا ارتب الفراش الا انا تعبانه بليل ابي انام ولا لي خلق اخط الكحل لوووووول .. يعني ايد وحده ماتصفق !! شنسوي مو مكاين احنا

السلام عليكم
شلونكم
انا رايي ان الرياييل مو كلهم نفس بعض واعتقد ان الاكثرية ما يبون المراه تقرق وايد عليهم واي علي احب اسولف معاه بس مو معطيني ويه عادي طنش تعش تنتعش تعودت على جذيه
بس اعتقد ان الريال هم يبي كل شي مرتب ونظيف جدامه سواء في خدامه ولا ما في .
انا ما يبت خدامه الا لمن حملت بالثاني وكان ريلي من النوع الغير مرتب
صج انه ما يغل الوسج بس اذا فتح كبت الملابس خلاه امبطل واذا تكرمون دش الحمام بهذله تبهذل قتله يا ولد الناس ما يصير جذيه وقدر مو قفي والحمدلله تعدل من هالناحية
بس الحمدلله الحين الخدامه موجوده شايله عني اشياء وايد
بس نرجع لمحور حديثنا ان الريال يبي مره ساكته وما يحب الحنانه ويبي وحده تمشي تحت امره ولا تقوله لا ؟؟؟
وهم بعد يبيها كاشختله معلى سنجه عشره ويبيها تهتم بالعيال لانه لو شي بسيط صار باليهال بيقول انتي السبب حتى لو شي ما يسوى اصلا وحتى لو الخدامه السبب بيغل اللوم على المره
وسلامتكم

موووو راضي يفهم ولا راااضي يحس باللي انا فيه اقوووله عفيسه ويع شرايك تساعدني يقولي لا مابي وتلقيني انا بدوون شي اقووم واعدل لاني من بيت اهلي مو متعوده اني اقعد بمكان وصخ ..وامه باليوم اللي ما اسوي فيه طبق ولا شي تقوووول واااي جنه السفر ناقصه مافيها شي اليوم ومحد كله ماكو اكل على السفره ورب الكعبه اني بيت اهلي لو عود جبريت ما كنت اشيله وانا تزوجت مبجر ولما كانوا يخطبوني اقولهم اشكره انا مو مال زواج الحين توني صغيره وما اعرف اديربالي على بيت كانت تقوووولي اشدعوه انتي بتسوين شي الله يعافيني ويعافي الخدم مانبي منج شي وطالع الحين شقاعده اتسوي ولا ذاك اليوم عندهم عزيمه تقووول حق اهلهم واااي كل يوم ماكو احد يتفطر الا انا وابونه وبنتي محد يقعد على الفطووور والظالمه ورب الكعبه انا كل يووم اللهم يووم واحد ولا يومين كنت مريضه حدي وماخذه حبووب حساسيه وحتى الجامعه ماكنت مداومه واتققارني بمرت حماي الي من اول رمضان ولا مره مدت اييدها ولا سوت شي ولاتدري عن الفطوور ولا عنهم ولا تاكل معاهم

بلعكس اشوف الريال مايحب المره اللي ماتقول لا وكله بامر خخخخ والله الرياييل انواع …

الله يعينج واي خالتج غثيثه بس انتي لاتسكتين ردي بس باحترام .. يعني انا خالتي سوت فيني وايد اشيا وكنت انطم بس وقت للي اقدر ارد عليها بطريقة تقهرها وبنفس الوقت ما انزل من احترامي … يعني مثلا اهي تقول السفره مافيها شي قولي لها ايه والله مافيها شي اليوم جان زين انا فاضيه وقاعده بلبيت جان ماخليت شي وسويت كل شي بس شسوي بالجامعه يعني نقزه انها اهي قاعده بلبيت وماتسوي شي … وطبعا كل وحده ادرى بخالتها ………….

مو ازيد من خالتي ماخذه خطيبة حماي وياها ويقومون يشترولي فراش نوم !!!!!!! اي شكووووووووووووووووووووووووووو صج هني ارتفع ضغطي لووووووووووووول … فحبوبه لايضيق خلقج اذا قارنتج بمرت حماج …

مايصير تحقرينهم ؟؟؟؟ ريلج يدري عنهم وساكت ؟؟؟؟ تقوليله ؟؟

نا معاج محتارة الواحد يبي زوووجة و ما تسوى عليه صراحة اذا زوجته بتقعد تكرررررف في البيت من الصبح لليل و اذا رد يشوفها حالتها حالة و تعبانة و مالها خلق اتطالع ويهه و هذا كله حطوا في بالكم مو من الواجبات على الزوجة حتى الرضعة لابنها اذا ما تبي ترضعه من حقها و اذا رضعته تقدر اتطالب بأجرة==
و احنا الحين غير عن نسوان أول يعني ورانا دوامات و دراسة و حالة و مو فاضيييين حق شغل البيت و شنو بتستفيد المرة اذا كرفت ليل و نهار و عقبها الزوج ما قدر و اتحجج عليها بهالمضوع و قال لها ما تهتمين فيني و هالحجي,,,,,,,,,,,,,,

مع هذا حلو ان كل حرمة تهت ببيتها لكن مو على حساب نفسها

الواحد يبي زوجه مرتبه وتكشخ ونظيييفه وعيالي نظاف ومؤدبين وبيت نظيف ولقمه هنيه عاد الشاطره اللي تظبط كل هذا سواء بخدامه او بدونه

وطبعا الزوج يبي زوجه ما يبي خدامه

ومو معنات هالكلام انها ما تخدم زوجها وعيالها لا بالعكس

الواحد يبي زوجه مرتبه وتكشخ ونظيييفه وعيالي نظاف ومؤدبين وبيت نظيف ولقمه هنيه عاد الشاطره اللي تظبط كل هذا سواء بخدامه او بدونه

وطبعا الزوج يبي زوجه ما يبي خدامه

ومو معنات هالكلام انها ما تخدم زوجها وعيالها لا بالعكس

ايه مو مشكلة تخدمه تسويله جاي قهوة تفصخه الجوتي مو مشكله خخخ تطلع له هدومه هم مو مشكله … تسويله الريوق ( اسهل شي ) … وبس كده هيدا اللي بقصدووووووووو اما الكراف مو الا جذي يصير فيها اكتئاب خخخ

انا مقبله على سجن مؤبد قصدى زواج عن قريب ان شاء الله هههههههههاى
ودايما افكر لو ريلي قالي طبخى لاهلى عزيمه وعيش وهالسوالف الجايده شسوى انا في بيت اهلى وايد تروفه موملزومه ادش المطبخ الا بمزاجى اذا اشتهيت اسوى طبق خفيف او حلو سهل او قهوه وشاي شغلات خفيفه لكن لو الريال طلب منى جذى فشله شنو اصدمه اقوله ما اعرف سوري هههههههههاى
شرايكم بنات تنصحونى اسوى محاولات في بيت اهلى تمهيد لاهل ريلي عشان ما اجرب فيهم مساكين؟
انا برمضان حاولت ادش المطبخ كم مره
مره انشقت ايدي بالتقصيص ومره احترقت من زيت القلاي شلون الريال يرضى مرته تصير ايدها موحلوه ومتأذيه من المطبخ قطيعه تقطعهم ههههههههاى

ايه عادي سوي له … انا اقصد اللي تكرف على طول اما جذي تناتيش يعني ايقولها مشتهي جذي من ايدج ماك مشكلة ………….