الرواتب يوم الثلاثاء 25/5/2024م دفعة حلوووة فكرة عشان ما نفلس بسرررعة

السلام عليكم ورحمة الله وبركاته

اللهم لك الحمد كما ينبغي لجلال وجهك وعظيم سلطانك

ربي أوزعني أن أشكر نعمتك التي أنعمت علي وأن أعمل صالحا ترضاه

رواااااااااااااااااااتب االصيف

الله يبارك لنا فيها

ويكافينا شر العيون إللي مالها شغل غير رواتب المعلمات

بصرااااحة كل سنة تنزل الرواتب نستانس أول شي

وما يصير شهر أو شهر ونص إلا وإحنا طراااارة من فلان وعلان

عشان جذي هالسنة إن شاء الله مقررة أسوي خطة عشان أمسك نفسي

وشعاري بهالصيف لااااااااااااا للطرارة (( قوية ودي أصدق خخخخ ))

إن شاء الله بحاول

بقول لكم شراح أسوي إن شاء الله

وقولوا لي رايكم بكل صراحة

وإللي عندها فكرة بعد خل تقول لنا عشان نستفيد

يلى نبدي

1 1- طبعا أكيد الصدقة شي ضروري عشان الله يبارك لنا بالمعاش

2- طبعا أول ما ينزل الراتب ما تفرحين فيه كامل لأن يقصون الأقساط كلها مالت الشهور الأربعة
يبقى لج الصافي بس وهذا شي حلو عشان تفتكين من جزء من الإلتزامات

3- لا تنسين تهدين هدية حلوة حق أمج وأبوج ..موشرط فلوس بس على الاقل هدية بسيطة

4- الصافي إللي يبقى راح أقسمه كاللآتي

(( بييب أظرف وبحط في كل ظرف التقسيمة إللي بقول لكم عنها ))

تقسيمة الأظرف

الظرف الأول
بحط فيه فلوس حق شهر 9 إن شاء الله عشان ما أطر

الظرف الثاني
بحط فيه فلوس العيد وفلوس شهر رمضان وإحتياجاتي المتوقعة

الظرف الثالث
بحط فيه فلوس السفر إذا بغيت أسافر إن شاء الله تعالى

الظرف الرابع
فلوس مصروفات إلزامية مثل البانزين والتلفون

الظرف الخامس
فلوس خاصة متوقع إني أصرفها على وناستي (( يعني مطاعم وترفيه …ألخ )) في شهر 6

الظرف السادس
فلوس خاصة متوقع إني أصرفها على وناستي (( يعني مطاعم وترفيه …ألخ )) شهر 7

الظرف السابع
فلوس خاصة متوقع إني أصرفها على وناستي (( يعني مطاعم وترفيه …ألخ )) شهر 8

إخذي الأظرف وخشيها عند أمج

أو عند أحد بعيد

أو عندج في البيت في مكان ما يكون جدامج

وبس الفلوس إللي تبقى خشوها توفير

تتوقعون راح يبقى شي

إي إن شاء الله يبقى

يعني إذا خصصتي معدل 30 دينار بكل إسبوع من أسابيع الشهر

راح يبقى شي

بس الله يعافيكم كل وحدة تقولي وين بتحط الأظرف في البيت يمكن احتاج

تصدقون عاد هالطريقة جربتها شهر من الأشهر والله وفرت تقريبا 400 دينار

لأني ظبطت نفسي

شلت الإلتزامات إللي علي

بعدين خليت لكل إسبوع 25 دينار بس

والباقي وفرته

نفعت معاي حيل حيل

وطبعا الدعااااااء إنه الله يبارك لنا فيه إن شاء الله

بس هم اعيد وأكرر الله يعافيكم كل وحدة تقولي مكان الأظرف في بيتها

وإللي عندها فكرة بعد أحلى تقول لنا خل نستفيد

7

7

لوووووووووول ما اظن اني بطبق طريقتج

<< لاني اعررررررف نفسي صرريفه درجه اولى اصلا ما ارتاح اذا برصيدي فلووووس ليش ما ادري

مشكووووره حبيبتي ويزاج الله كل خيييييير ودي اطبقها بجرب واشوووف

وعسى الله يشافي مرضاكم ومرضى المسلمين يااارب

حلوة فكككرهههههههههههههههههه tahnx
والله يشفيني ويشفي جميع مرضى المسلمين

وايد حلوة فكرتج

السلام ابلات
علينا وعليكم بالف عافية

بالنسبة لي و انا عندي حساب الدانة اللي حاطة فيه كم بيزه للتوفير
فقررت الاتي

ححول الراتب اللي بينزل لاربع شهور القادمة
وحطلب من البنك ينزل لي الراتب من حساب الدانة لي الحساب الجاري شهر بشهر
وبهالطريقة ما راح نصرف الراتب بدفعة وحدة
ايش رايكم بنات

مشكوووووووووووورين جميعا على المرور

منورين الموضوع

ويلى أول ما ينزل بشوف منو راح تطبق

هذا إذا مسكت نفسي

فكرتج روووووعة بس تتوقعين يصير

الدانة بالبنك الوطني صح ؟؟

إنزين آنا بالتمويل يصير بعد ؟؟

يا ريت إللي تعرف تفيدنا

مشكوورة على هالطريقة .

انا اشوف ريلي طريقتة حلوة

يصرف حق كل شهر بشهرة يعني ينسى انا عندة معاش الاربع شهور كاملة

مع اني اقولة خشهم عندي احفظهم لك بس مايرضى

واختي عندها طريقة خبيثة لوووول تسلفني امية غصبن علي وتسلف خواتي امية وتقولنا ردوها لي غصبن عليكم شهر 9

مع اني ما ودي هالحزة ..
خاصه احنا راح نعطل أخر 6 ..

بس الله يطرح فيه الخير والبركه يارب ..
وتستاهلووون يا أحلى معلمـات
اصرفونهم بالعافيه يارب

قلت حق امي الطريقه وعجبتها لوووول بلشت فيني عاد انتي ارحم 100 انا 200 لووووووووووووول

حبيبتي انا شارية تجوري الصغير واحط فيه اظرفي
بعدين اهم صحيح بيعطونج معاشاتج بشهر واحد بس انتي صرفي كل شهر ابشهره
بعطيكم ميزانية افتراضية نفترض ان راتبج 858
شيلي منهم الإستقطاعات والإلتزامات الاخرى من غير توضيح
قولي الي يبقالج 619 الصافي حق كل شهر
فانتي ضربيهم بأربعة راح يطلع لج 2476
نفترض انج بسافرين ومحتاجة مبلغ وقدره 1500
فخصمي من 2476 ألف 500 راح يطلع لج 976
قسميهم على اربعة راح يساوي 244
حق كل شهر والشهر في اربع اسابيع قسمي 244 على اربعه راح يطلع مصروفج الاسبوعي 61

هذي مزانية افتراضية حق الي بيسافرون

ومنكم نستفيد ,,, عسى الله يطرح فيهم البركه
طريقة الاظرف حلوووووه

ومنكم نستفيد ,,, عسى الله يطرح فيهم البركه
طريقة الاظرف حلوووووه

مشكووووووورة عالفكرة
ناوية أطبقها و ان شاء تكون نتايجها مرضية لي شهر 9
يارب

حلوه طريقتج باسويها ,<<<<< تتحلم ههههههههههههه