|
|
السلام عليكم ورحمة الله وبركاته
شلونكم خواتي عسا الكل بخير..
خواتي أنا حامل وهذا أول حمل لي والله يتم علي وعلى كل الحوامل ويرزقنا أطفال سليمين
وأصحاء يارب ………..قولوا امين
أنا ودي أرضع رضاعة طبيعية عشان البيبي وعشان صحتي لأن الرضاعة الطبيعية مهمة للأم وللبيبي….
وبنفس الوقت ماقدر طول الوقت أرضع طبيبعي لان وراي دوام فسمعت شكثر عن الرضاعة المشتركة …
فشلون أرضع رضاعة مشتركة وشلون أعود البيبي عليها …..
ومنو اللي جربتها ونغعت معاها….؟
وهل الرضاعة المشتركة تعطي الام مناعة حمل ولا لأ…
بنات لاتطنشون لان هالموضوع موترني حيل وقاعده أحاتي وماني عارف الطريقة الصحيحة…………
و وراي سفره بخلي بنتي لمده اسبوع و قاعده احاتي انها بعدين خلاص ماتبي ترضع طبيعي و ماتبي الصدر
الحين اهيا اوكي بين المميه و الصدر لاني بديت فيها من اول يوم و ماكان في حليب
تخيلي مايا الحليب الا بعد اسبوعين!!!
بس كنت اجرب و اعطي مميه
و لازم تشترين ممية اسمها Avent موجوده بكل مكان من صيدليات و جمعيات و سنتر بوينت و مذكير
وايد زينه لانها نفس صدر الام و صعبه المص عشان البيبي يحس انها صدر امه
بس لازم تيبين الحلمه رقم 1 مو اكبر
و والله وايد اسهل المشترك لاني تعبت وااااااييييد ماهقيت جذي صعبه
و مادري عن منع الحمل انا بروحي متوهقه اي طريقه اسنخدم بس الرضاعه ماتمنع ترا ديري بالج
وشنونوع الحليب اللي تستخدمينه؟
ويعني عادي اكل حبوب منع حمل وانا ارضع الياهل طبيعي ؟؟
ياريت في احد يفيدنا اكثر
واذا عالدوام انا كنت أداوم واشفط… اهو شي صعب بس كل شي بأجره .. وحطي ببالج اذا عودتي الياهل عالحليب الصناعي راح يرفض صدرج لأنه طعم الصناعي أحلى..
بس لازم تحطين في بالج ان اغلب اليهال بعد مايجربون الصناعي يتركون الطبيعي بحكم ان اسهل وما يحتاج منهم مجهود
اذا انتي تحاتين وقت الدوام تقدرين تستخدمين شفاط الحليب موجود بالصيدليات وتعبين مميات وتحطينهم بالثلاجة ووقت الرضعة ادفين لج ممية
وبالتوفيق