الرضاعة الطبيعية و عسارة بنتي

صباح الخير بنات

عندي سؤال .. بنتي عمرها شهرين وأرضعها طبيعي بس لما تكون قاعده مرات هادية و مرات ما تكون هادية تحن وايد .. أحيانا تسكت لما أشيلها وأدور فيها .. أهلي يقولون ان بسبب انها ما تشبع من الرضاعة الطبيعية و ان لازم أدخل الصناعي بس انا مو شايفه انها ما تشبع .. عرضتها على دكتورة و قالتلي ان وزنها ما شاء الله فوق المتوسط .. أهلي يقولون ان المفروض البنت تكون هادية و ان الياهل بهالعمر المفروض يشرب و ينام و لو كان قاعد يكون هادي .. من خبراتكم بنات ، هل الكلام هذا صحيح ؟ صج البنات المفروض هاديين؟ شنو ممكن أسوي ؟

لا احيانا يكون الطفل نوعيته صياح مو شرط خليها على الطبيعي احس اذا كنتي تقدرين

زين ابي اسألج الحبوب الي حق يدرون الحليب تحسين اذا ختيهم تفرقين نفسج ودي اجربهم يعني يزيد الحليب عندج؟

يمكن فيها غازات

مو شرط جوعانه

انا بنتي كلمه عسره اشويه حتى الدكتوره شافت بنتي واهيا ترضع وقالتلي الله عينيج في يهال جذي انا الحين عمر بنتي 5 شهور ومارضعتها طبيعي من كثر ماااهيا عسررررررررررره وماكنت اشربها الا واهيا نايمه الانه اذا اقعدت تفضحني بصراخها فعادي وانا بنتي كانت تبيجي الانه الحلمه سمول وماايي حليب وايد فمن غيرت خليتها ميديم طخت اشوي

حبيبتي اغلب الاطفال كذه لين يوصل عمرهم سته شهور انا ولدي كده كان دايم صياح وجنان حتى الراحه ماااعرفتها منه بس احتمال يكون فيها غازات او امساك سوي احتياطاتك لها وشوفي الله يخليها لك …..

لا حبيبتي طبيعي اليهال يكونون عسرين بهالعمر ..
من المغص والغازات وغيرها مو من اليوع
انا بناتي يظلون عسرين لي عمر سنتين ما ينامون لا ليل ولا نهار طبعهم جذي ما يتعدلون الا مع المدرسة الرضاعة مالها شغل ..

كملي طبيعي احسن سوي سيرج على فوائد الرضاعة الطبيعية علشان تتشجعين وما تقطعينها ..
وااذا وزنها زين وانتي تحسين انها شبعت خلاص لا توسوسين مافيها الا العافية ولا تدخلين صناعي دام تقدرين لأن حليبج يخف وبعدين الصناعي طعمه احلى والمص من الممية اسهل فبنتج بتعاف صدرج بعدين ما ترضع منج

عادي حبيبتي اليهال مو نفس الشي .. وتاكدي ان مافيها التهاب باذونها او شي يعورها .. وخلج على الطبيعي وجني سمعت مو زين تعطينها طبيعي وصناعي ..ووديها لاكثر من دكتور يجيك عليها .. ومو كل اليهال ينامون وهادين .. حطيها بكرسي عند التلفزيون لا تجبرينها على النوم مرات تكون مافيها النوم وانتي تبينها تنام

انا كنت جذي مع ولدي مارضع مني إلا جم مرة وكنت ادخل صناعي لما اشوفه يستعسر ومايبي صدري ولا انا كان ودي بطبيعي واكيد امساك فيها ولا غازات عطيها ماي غريب او ديسفلاتي او بمب قاز وايد زين وعطيها اعشاب

مشاء الله بالعكس كملي الرضاعة الطبيعية الانه تدرين افيد مليون مرة من الصناعي

و ترى يوم تحن يكون بطنها غازات لما 5 شهور باذن بعدين يروح عوار البطن عطيها دوا الغازات دسفلاتي وايد زين و ماي غريب من المستوصف و كل ما تبي ترضع رضيعها

الله يجعلها من البارين و الصالحين يارب

الحبوب اللي اسمها فيتولات تزيد كميه سائل الحليب حتى تحسين لون الحليب فاتح اما اذا خذيتيه مع اكل سنع لا يزيد الحليب ابييييييييييض يصير تحسين يعني يبيله تاخذين حبه وبعدها تاكلين تمر اذا ما تبين وجبه دسمه

انا مجربتها اخذ الحبه وفوقها على طول تمر ويدر الحليب ما شاء الله

بس من غير اكل واو تمر تلاحظين بس سائل جنه ماي مايل للبياض موفقه حبي

حبيبتي انا ولدي اسمالله عليه كبر بنتج وهم عسر بس انا اعطيه طبيعي ومساعد

بالفترة اللي طافت تأذيت وااايد وماكان ينام وكلله يبجي ومايخليني أنام :"(

وكنت امشي وادور في لين ينام وقالولي انه هذا اكبر غلط وحسيت انه بيتعود على هالطبع انه ماينام والا وانا شايلته وخالتي قالتلي ترى بتأذين لي كبر تخيلي بعد لما اقعد يبجي :/ لي درجه كنت اعطيه المصاصة عشان يسكت وينام

المهم لما رحت اطهره طهرته قبل اسبوعين والدكتور يزاه الله خير عطاني نصايح وعرف ان هذا بجري وقالي لاتعودينه عالمصاصه عاد من عقبها قطعتها نهائيا يقول تخرب اللثة وتسبب سهال لهم :/

وخليه على طول ينام على بطنه وعادي خل يبجي لانه زين يوسع الرئه ودست على عمري اسمعه يبجي وماقمت امشي فيه كلش
بس انومه على بطنه بعد كل رضعه وامسح على ظهره وعاد الغازات اللي ببطنه تطلع بروحها

واكتشفت انه لما يبجي بجي العسارة تكون فيه النومه اسويله مثل ماقلت وهم اعطيه حبه حلوه أو ينسون وايد يريح بطنه

وساعات يبجي وانا غصب بنومه خخخ وهو مافيه النوم بس اشيله واقعد اطالع بويهه يسكت يبي احد يلعبه ويجابله

انا مثلج ببجري وكانوا يحنون علي حرااام صدرج ما يشبعهااا ودخلت صناااعي مع الرضاعه الطبيعيه ومرتااحه انا دخلت الصناعي لاني كنت مسويه رجيم قاسي وكنت ارضع فماكو فيتامينات فأكيد حليبي بيكوون خفيف ما بيشبعهاا بس انتي اذا تااكلين ومهمتمه بنفسج لا تدخلين صنااعي والرضاغع استمري عليهاا حيييييييييييل تضعف