الرضاعة الطبيعية تفشلّني !! — مووضووع ساخن للنقاش !

السلام عليكم ورحمة الله وبركاته،

جاية اليوم وعندي موضوع ساااااخن للنقاش .. اتوقع ..

هل تعدين الرضاعة الطبيعية امراً محرجاً، او غير متحضر؟

هل تخجلين من ارضاع طفلك بالاماكن العامة ؟ ( مجتمعات النساء المغلقة فقط وتحت غطاء ) ؟

هل تعتقدين ان الرضاعة تسبب ترهل الصدر واعطائه مظهراً غير جميل؟

اترك لكم المجال للردود والمناقشة .. لا تخجلوا اخواتي من قول كل ما ببالكم.. ففي الاخير هذه وجهة نظركم وما تعتقدونه.. وليس لاحد حق مصادرة الرأي..

بانتظاركم..

منقوول للفائدة

حبيبتي الرضاعه الطبيعيه قمة التحضر ومعروف علميا بالوقت الحالي ان لها فوائد نفسيه وجسميه للأم والطفل واكتشفوا الحين ان الرضاعه الطبيعيه تساعد على رجوع الرحم لمكانه وتحسين شكل الجسم غير هذا تعطي مناعه للطفل الصغير من الامراض ويقولون ان الطفل اللي يرضع طبيعي مايمرض اول 6 شهور وهذا كلام الدكاتره .

والله اهو عادي
بس انا ماحب حدي اسبوع

اهوه عادي لا محرج ولا شي واللي ترضع المفروض مالها شغل بكلام الناس ومصلحة عيالها أبدا من الناس ..

واهيه فوايد الرضاعة مو بس لصحة البيبي لأن هذا شي مفروغ منه ..
بس فوايدها النفسية اكبر واكبر ..

بس بيني وبينج عن نفسي ماحب ارضعهم جدام احد واتجنب هالشي مو لأنه شي محرج او فشلة بس العين حق ووايد حريم الله يهداهم يارب اهيه ما تبي ترضع عيالها كيفها بس اذا الخير مو مكتوب لهم ما يبونه لاحد تستلمج وااااااي زين منج ترضعينهم واااااااي احنا وينا وين نرضع عيالنا مافينا حليب واااااي و واااااااي لين يصير فيج شي يالله يرتاحون مايذكرون الله ..

اميرة الغد و ام جوري 1984 و رفرف مشكورين على مروركم بس ياريت يكون في رد على كل الاسئله والله يعطيكم العافية ونبي مشركات اكثر بناتنا الحلوين او بالاحرى مرضعاتنا الحلوين

لا بالعكس شي صحي للام والطفل وفايدته للام اكثر يحميها من السرطان ويرجع لها رشاقتها واكثر من جذيه بس احنا الموظفات ما نقدر لان الرضاعة يبيلها تفرغ كامل ومتابعة واحنا نص يومنا بره ومو معقولة يقعد البيبي طول النهار ما يرضع الله يعين

انا ماحب

واستحي

حاولت بس ماكو حليب

بس ناويه المرى اليايه

الرضاعه الطبيعية شي ضروري و اساسي

مساكين عيالنا مناعتهم مييييييييييييييييييييييح من حليب القواطي

و السالفة مافيها حيا ….. الرضاعه الطبيعية تحرق سعرات حرارية وايد و تشد البطن و احسها تقرب اكثر بين الطفل و امه

و اذا عالناس لا ترضعون جدامهم

انا مومؤيدين الرضاعه الطبيعيه 100%

وبالنسبه لي عيالي الثلاثه مرضعتهم كلهم ولله الحمد .. << بس ترا حدي سنه لان اسنانهم تبدى تطلع ويعوروني وهم يرضعون : )

والرضاعه الطبيعه فوق انهاا لها فوايد اشكثر عليج وعلى طفلج هم مريحه حيل خصوصاا بالليل وفاكتني من القومه من احلى نوومه وخصوصا بالبرد عشان اسوي رضعه ..

وهم تحسين بقررررررررررب موطبيعي من طفلج واهو يرضع ودج تاااكلينه : )

وتسلمين على الموضوع الشيق