|
|
السلام عليكم ورحمه الله وبركاته . عندي مشكله مااعرف اسبابها وبغيت مساعدتكم
انا متزوجه من 10 شهور واول زواجنا كل دقيقه معاي واذا طلعت يدق يسال كل شوي فوق ماتتصورون وفجاه تغير ماصار يقعد بالبيت وما يسولف معاي نفس اول ولما سالته توقعوا شنو رده ؟؟؟ بكل برود عادي احنا مونفس اول اول غير والحين غير والحين انا زعلانه عند اهلي ولا دق ولا دز مسج من اسبوعين تقريباوابي مساعدتكم ؟؟؟؟؟؟؟؟؟ شلون اخليه يرد نفس قبل واحسن
اختي الزوج لازم فبداية الزواج اسلوب وذرب وجنتل بس بعدين راح يرد لطبيعته
ارجعي لبيتك بكرا يتعود كل مازعلتي قالج روحي لهلج
وعلى فكره هذا حال المتزوجات طبيعي
قعدي في بيتج و خلي امورج طبيعيه وكليه و شربيه و قومي فيه و تصرفي عاااادي
واذا اهو قام يتلكك ويدور السوالف قوليله اهم شي انا احبك وحياتنا مافيها مشاكل خلاص ابعد على كيفك
انا راح اظل موجوده لحد ما تحتاجني
صدقيني مارده لج
بظل يفكر بروحه وفكرة توديه وفكرة تييبه
وبالاخير بتصيرين انتي العزيزة والغاليه
والله يهدي سركم
شيلي قشج وردي بيتج و خلي كل شي طبيييعي مادام مافي مشكله
واذا قالج شعندج قولي ماردي لك واشتقت لك
انتي الحين كبرتي الموضوع واهوا اكيد ماراح يراضيج لانه مازعلج اصلا فالله يعينج شلون بتردين وانتي كرامتج محفوظة والله صعبة
الوكاد مايفيد اللوم والعتاب الحين الحل لازم نلقااه
ومن وجهة نظري … انج تدقين عليه وتقولين انا اقدرك واحترمك وماحب ازعجك واغثك بس ودي تعلمني ان حدث مني اي قصور أو زلل ومن هني يبدا هو كلام ويقول الي عنده وان شفتي انج غلطانه اعتذري وان هو الغلطان حاولي انتي بطريقه حلوه تصلحين الغلط
ومافيها شي لاقلتيله تعال اخذني ابيك .
لان ماسبج ولاهانج ولاطقج ولا اذبحج حتى تروحين لبيت اهلج وانتي توج باول سنه
يابنت في زوجات تنضر اكثر بس ماتخلي بيتها…
حبيبتي الله يهديج تعالي شوفي مشاكل غيرج والله بتحسين نفسج بهنا
مايسير اروح بيت اهلي على كل شي
حتى لو قال مللتييني
خل يقول يامعوده
قضبي ريلج تكفين ترا بعض البنات ينو يسوون اي شي عشان يتزوجون
ردي بيتج