|
|
يا جماعة هذي تجربتي الشخصية من صج!!!!!! وليست إيميل,
شوفوا الديتول شنو سوى بطاولاتي ما راح تصدقون
طبعا اللي يحب (ايكيا) راح يعرف هذي الطاولات موديل 2024 وعددهم 3 طاولات
اللي حصل اني كنت معزومة على عرس وكانت بنتي (عمرها 3 سنوات) تحوس جنبي وجنب الطاولات وأنا أحط الميك الأب وأستعد للعرس , ورحت العرس وطاولاتي ما كان فيهم شي!!
رجعت من العرس شفت الطاولات مخدشة ومكسرة وكان الوقت متأخر عشان أسأل الخدامة شنو اللي صار!!
قلت أسألها بكره الصبح, والصبح سألتها عن الطاولات وليش مكسورين ؟! شفت الدهشة والصدمة بعيونها لما شافت الطاولات! وخدامتي وايد أمينة وصادقة , قالتلي : مدام ما صار شي أمس وغرفتج محد دخلها !!!
ما دققت وايد معاها وتركت الموضوع, وقمت أستعد عشان أتريق بالأفنيوز مع بنتي وأنا أستعد للطلعة شفت بنتي سوت نفس التصرف اللي سوته وأنا كنت أستعد للعرس!!!!!!! وانصدمت وقلت معقولة يكون هذا السبب!!!!!!!
كانت تضغط على علبة الديتول وتاخذ بإيدها من الديتول وتحط على الطاولات تبي تنظفهم !!!!!!! تذكرت انها سوت نفس الشي وأنا كنت أستعد للعرس!!!!!!
كل هذا من الديتول !!!!!!!!!! انا انصدمت !!!
والله يا جماعة انا صادقة معاكم بكل حرف قلت لازم أصور اللي صار وأسوي تعميم على هذا المنتج!!!
إذا كان يسوي جذي بالطاولات شلون تأثيره على جلدنا وخصوصا أنا كنت وايد أستخدمه على يد بنتي , والحجم الصغير منه كان ضروري لما كنا نطلع كنت أحطه في شنطتها !!!!!!! شنو هذا !!!! وشلون صرحوا لمنتج بهذي السلبية والقوة انه يكون للإستخدام الآدمي!!! وماكو تحذير !!!! بصراحة أنا قطيت كل العلب بالزبالة (عزكم الله), والحين خايفة ان يكون سوى ضرر على بنتي , ضرر داخلي !!!! L الله يستر
وحذروا كل معارفكم جزاكم الله خير. اللهم بلغت اللهم فاشهد
رحت سويت هالتجربه .. وخليته ساعات على الطاوله .. والله انه ما صار شي ,,
قصدج هالمنتج؟
انا استخدمه يوميا بالجامعه وماصار شي
بس ترى حتى الزيوت العطرية تاثر على الصبغ وتاثير مو عادي بعد وهي عادي تلمس الجلد
مشكوره حبيبتي