الدوره منتظمه بس قليله.

مرحباً بنات انا بنت وزواجي بعد كم شهر ان شاءالله بس المشكله نفس ماهو واضح في العنوان دورتي الحمدلله منتظمه بس صار لها سنتين تقريبا خفت عن قبل كانت خمس ايام وصارت يومين بس

خايفه تكون عندي مشكلة تكيس خاصة انه من أعراضه ظهور الشعر في الصدر والذقن وقلة الدوره الشهريه وهذا اللي اعانيه وخايفه بعد الزواج تكون عندي مشاكل في الحمل هل اقدر أبدء العلاج من قبل ياريت لو وحده مرت بنفس الشي تطمني

وينكم بنات بليز ساعدوني

هلا حبيبتي
تقدرين تبدين علاج قبل الزواج
ؤلاتحاتين ترى بنات واجد تنتظم عندهم الأمور بعد الزواج
من غير مراجعات وأدويه

أنا كان عندي هرمون الحليب مرتفع قبل الزواج وأخذت حبوب تنزله ويرد يرتفع إذا خلصو
وبعد الزواج بشهرين رحت أشوف الهرمون مرتفع لأني كنت أفكر بالحمل أنا وزوجي
وسويت التحليل طلع كل شيء طبيعي ألحمدلله وحملت ولله الحمد

لاتحاتين الأمور كلها تتعدل بعد الزواج أو بالأدويه

الله يوفقك ياقلبي ماعندي علم

مشكورين بنات ماقصرتو عالردود انا سويت بس تحليل هرمون الحليب وقالت لي اعلى من المعدل الطبيعي بدرجتين وعطتني حبوب بس ماستخدمتهم وماسويت باقي التحاليل ياليت اللي مرت بنفس الشي تطمني احيانا اقول خل اسوي قبل الزواج احسن واحيانا اقول خل انتظر بعد الزواج يمكن الدوره تتغير عندي وترجع طبيعيه بس خايفه تكون أعراض تكيس وقريت انه لازم علاج عشان الوحده تحمل *

صار معاي جذي قبل الزواج بسبة ليزر الشعر سبحان الله
روحي دكتور حبيبتي

انا كااااان فيييني تكيساااات
نصييييحه عااالجي
بس الاحسن عند حريم مو دكاااتره
اضمن لججج
والتكيس عادي ياخر الحمل طبيعي بس من يروح تقدرين تحملين

وبالتوفيييييق ي عروووسه

أنا كانت الدوره تنقطع عني شهر أو شهرين يوم كنت بنت
وسويت سونار وكان فيني تكيس أتوقع من هرمون الحليب كان مرتفع
أخذت الحبوب مثل ماقلت لج نزل الهرمون ؤقبل ماتزوج بكم شهر سويت تحليل طلع مرتفع حيل
وأخذت حبوب وبعدها بكم شهر تزوجت ولاسويت شيء ونزل بروحه وحملت ودورتي انتظمت والحمدلله
فيه بنات تنتظم عندهم الهرمونات بعد الزواج وأخذي حبوب هرمون الحليب ماتضر بس ترى بتحسين بأعراض تعب ؤغيره

وعلى فكره حملت ؤماتخرت بالحمال ألحمدلله ماشاء الله
ؤماستخدمت شيء ينشط عشان الحمال

لاتفكرين بشي وكل شيء بوقته
تزوجي وبعدين فكري بالحمال
وألله يوفقج

مشكورين بنات ماقصرتو والله كنت قاعده احاتي بس شكلي بسوي تحليل الهرمونات للاطمئنان بس توني ادري ان الليزر يسوي تكيس اول مره اسمع *