|
|
عزيزتي الزوجه …. شلون تصيرين دلوووعة…
بما ان شعب نحتاج حق الدلع ((بس مو الدلع الماااسخ اللى هابين فيه هلايام )) و خاصتا المتزوجاات عشان مايطفش الريال من الدفاشه فحبييت اعرض هالموضوع لكم … ( مو متزوجه و رااازه ويهااا 
فيه نقاط عشان تصير البنت دلوعه
(1) مثلا وانتي تتكلمين ميلي بشعرك يمين وشمال
حاولي وانتي تتكلمين مرة ترمين شعرك كله على اليمين او الشمال
براحتك بس بنعومه يعني مع الكلام … مو تجي وحده قاصه شعرها بوي او مدري وش
تسمى وتبيه يروح يمين ويسار …
(2) حاولي مثلا وانتي تتكلمين او تستمعين لحديث ما
انك تسبلين بعيونك …يعني ترمشين ببطأأأأأأأأ شديد
حاولي انك مثلا نظراتك وانتي تتكلمين تروح لاقصى
اليمين او اقصى اليسار لسقف الغرفه مثلا طبعا ببطأ شدييييييد
(3) صوتك
اخفضيييييييييييه لأقصى حد تكلمي ببطأشدييييييييد ورقة
(4 حركة ايدينك ….
راقبيها…..لاتحركينها بدفاشه حركيها بمنتهى النعومه والبطأ وانتي تتكلمين
وانتي تستخدمينها بأي شيء كان…. مو تصير كانك وحده تلعب كاراتيه …
(5) الفاظك ……
ركزي على الالفاظ…….اي لفظ خشن
او كثير الاستخدام عند الرجال…شيليه من قاموسك….
واستبدليه بكلمات والفاظ كلها انوثه ….
(6) الأسلوب……
ابتعدي عن الاسلوب الرجالي في التعامل….
راقبي النعومات و الدلوعات وشلون طريقتهم في التعامل والكلام
وخذي اللي يناسبك …
(7) مشيتك……
ركزي كثير على المشيه……امشي
بنعومه بمنتهى الركااااااادة والهدوء.
لاتمشين بسرعه شديدة وبحركة دفاشه…. بس اذا صرتي برا البيت امشي معتدله ولا
تتمايعين …
(8 الضحكه……
خصوصا اذا جت برقه وبعدين نوعي
في ضحكاتك موكلهن يجن بصوت وشكل واحد…. مثلنا يالعيال
يعني حسب الموقف….في ضحكه خليها بصمت يعني مجرد ابتسامه …..
وضحكة بخجل نزلي عيونك بالارض وتصنعي الخجل
مافيها شي التصنع بيظن انك خجلانه بجد….
ترا الحيا والخجل هو مطلب وضحكة بصوت كله غنج ودلال .. اتمنى من كل دفشه تتعلم من هالنصائح وتطبقها
الامانه العلميه منقووووول
توه راد من الدوام