بنات منو تراجع عند نجيبه
مو فوزيه لا نجيبه الي بالسالميه شارع المطاعم " الغدير كلينك "
ابي وحده مجربتها ولاده اشولنها انا كل مره اراجع عندها بس مراجعات والولاده كانت بمستشفى الاحمدي تبع الشركه والحين شالوا ملفي ما اقدر ادخل كلش
فقلت ابيها تولدني بس بسألكم الي مجربتها والي سامعه عنها
واشكثر تاخذ
ياريت تساعدوني وما طنشوني 
ريحوني وايد احاتي
ويييييع لمن كنت حامل بالبجر راجعت عندها شهرين بعدين تعبت نفسي بالدوام وتبطل الرحم وكنت احتاج ربط ما طلعوني من الهادي لمن رحت بليل قالوا مو زين يمكن يطيح البيبي ،، المفروض تمرني المستشفى الصبح بس برود الثلج ياتلي العصر و تقولي تبين ربط ولا ننطر وانتي وحظج يا يطيح يا ما يطيح مو صاااااحية ريلي واهلي عصبوا ان شفيها هذي يمكن يطيح جان اروح حق معصووووومة مخصيد والله نفس اليوم قالت لي دخوووول لازم ربط حرام يطيح وانتي تعبتي بالنسات كلامها يريح ويثلج الجبد وبس من بعدها كله مراجعاتي وولادتي الاولى والثانية عندها
ادري قرقت على راسج بس والله باااااردة وعديمة الاحساس وانتي واللي يريحج والله يسهل عليج يا رب
كلهم نفس الاسعار طبيعي 250 وفتح بطن 400 او 450
وااااااااااااي ترا مو بسانت الي اتشكين منها الكل بس مادري والله شقولك
والحين اشولن حالتك تم الحمال بعد العمليه ان شاء الله ؟
وبسال اشلونها بالقيصريه منو مجربها
بنات مت وانا افكر ريحوني
والله انا ما ارتحتلها يعني في دكتورة تقولج يمكن يطيح يمكن ما يطيح انتي وحظج شهل الحجي وكل واحد يرتاح حق دكتور معين
وانتي اذا مرتاحلتها خلج عليها بس انا قاعده اقولج تجربتي معاها ،، وحمد الله سويت ربط عند معصومة وولدت ويبت روان
الله يسهل عليج يارب
وانشاء الله تولدين بالسلامة يارب
انزين اشلونها مع القيصريه
قيصريتها ب 450 ومعصومة مخصيد اللي غالية بمراجعاتها قيصريتها ب 400 كل الناس ب 400 بس اهي غالية ما ادري على شنو حتى ناهدة العلي شاطرة ترى وزحمة عليها ،، انتي شوفي نفسج ولالازم تحطين ابالج ان يمكن ما احصلها بولادتي او مسافرة فلازم تحطين البديل ولا تحاتين جذي مو زين الله يسهل عليج يارب سهااااااالات وبتتذكرين كنت حامل انشاء الله
صارلي 6 سنيناراجع عندها بحملاتي الثلاث\
لوموزينه جان غيرتها
تهبل وصبوره
ولدتني في بجري
بس يتني اخر شي\
امدحها حق المراجعات
بس الولاده مادري بالثاني ولدت بالمواساة اللي ولدوني سسترات المستشفى مالحقت الدكتوره بس حسيت نفس الشي
وييييييييه فتحتي علي باب يديد
يعني احتمال ماتكون بالديرة انزين واذا انا حاله واهي تعرف هذا الشي ماتحط في بالها انها لازم تكنسل كل شي لما موعد ولادتي
وبعدين انا اتصل على العياده وقت الولاده ولا اشلون
اخاف المستشفى ماعندهم رقمها ولا مادري يصير شي
اقتباس:
المشاركة الأصلية كتبت بواسطة kuwaitbutterfly  صارلي 6 سنيناراجع عندها بحملاتي الثلاث\
لوموزينه جان غيرتها
تهبل وصبوره
ولدتني في بجري
بس يتني اخر شي\
امدحها حق المراجعات
بس الولاده مادري بالثاني ولدت بالمواساة اللي ولدوني سسترات المستشفى مالحقت الدكتوره بس حسيت نفس الشي |
والحين ان شاء الله شنو ناويه عليه تولدك ولا اشلون
انا بعد 6 سنوات بس احس نفسك فيها شي
مادري ماتبرد القلب مادري
توني والده عندها من شهرين ولدتني برويال حياه وولادتها حلوه وايدها خفيفه ماتحسين بالخياط وبالها طوييل تنتنطر عليج وايد وكل الدكاتره اصلا ما ايون الا حزه الحزه بس اهيا يات ونطرت معنه ولادتي الحمدلله كانت سهله بس طوييييييله وايد تقريبا يوم كامل وانا بالولاده بس الحمدلله ولدتني طبيعي بس خت 280 ما ادري يمكن عشان ولادتي طولت ولا عشان غلاء الاسعار .. وبالعكس بالمراجعات تهبل وتشرح كل شي وتعطيج مجال تكلمين وتقولين ل شي وخاصه انا بجر ماكنت اعرف شي ووايد ااسال وطولت عن موعدي سبوع تقول لي عادي وتهديني وقالتلي اذا تبين تاخذين زياده بعد سبوعين اذا ماولدتي هم عادي المهم تولدين طبيعي انشالله والحمدلله انا اتاخرت سبوع كامل وقالتلي اذا مستعيله تبين تولدين دشي طلق صناعي بس انا عادي اعطيج مجال سبوع زياده والحمدلله ولدت ويالي الطلق بنفس اليوم اللي قالتلي دشي حق طلق صناعي
السلام عليكم .. ام ناصر انا بولادتي الاولى كنت عندها وهم مارتحت لها من وبعدينن بلولادة ما ياني طلق جان قالت لهم ان يحطون لي طلق صناعي واهيا ما كانت موجودة واخر شي قيصرية والسبب ان راس البيبي كان على جنب صاير مادري شلون اقول لج المهم يعني لو اهيا كانت موجودة من البداية وشايفة شلون وضع البيبي جان ماحطت لي طلق صناعي وبلنسبة حق قيصريتها عجيبة انا ماحسيت فيها بامانة والجرح مكانه صغير وكبس مسوية كانت بس اهم شي المشي عشان اتطيبين بسرعة