|
|
بنات شرايكم بالدكتورة فوزية القطان ؟؟؟
آن أراجع عندها من تزوجت ..
و الصراحة دكتورة شاطرة و إيدها خفيفة ماشاء الله و نفسها حلوة..
و طول ما كنت حامل كنت أراجع عندها..
و نوعها ما تظهول و تخرعج إذا فيج شي .. دايما تاخذ الأمور بركادة و هدوء..
إللي مجربتها ياليت تتفضل و تكتب عنها 
و الله يخليكم إللي بس سامعه عنها وما جربتها لاتكتب شي .. لأن كلامها بيكون فيه نسبه من الصح و الغلط 
هلا حبيبتي
أبصراحه من واقع تجربه
مع جميع دكاترة أمراض النساء
أبصراحة
أنا ما ارتحت الا معاه نفسيته حلوه
وصج ما تخرجع
وتقولج لا تستعيلين بالعلاج معاج خطوة بخطوة
مو كل طبيب تروحيله علي طول قال طفل أنابيب
أنا قعدت معاه فتره وسويت جميع أنواع العلاج وماصار وسويت طفل الأنابيب وحملت بس توفي بالشهر الثامن
وأبصراحة هالدكتورة أكثر من روعة
كافي النفسية وتابع حالتج عقب
أنا لم سويت طفل الأنابيب عقب وماصار معاي دقت علي وكلمتني وقالتلي خلي ايمانج بربج كبير وتدعيلي
جنه أختي مو دكتورتي
هذي تجربتي معاه
ياليت باجي البنات يشاركوننا
طلعت من العياده ومارديت
رحت حق معصومه مخصيد — اتهبل
ياريتني مارحتلها بس الحمدالله الحين ارتحت وعرفت وين اعالج
bambena ليش توحين العيادة من الـ 5 ؟؟
اهم مايدقون عليج قبل موعدج برقمين ؟؟
انا عندي قصه وياها وهذي اهي القصه اقروا……….
ان كنت اعالج عندها وكانت تقولي انه رحمي نازل ومقلوب بس انه مايأثر ومايمنع الحمل وقالت لي انه التبويض عندي ضعيف المهم قلت لها شنو العلاج حق رحمي علشان احمل قالت لي بس الكلوميد والرحم عادي اللي فيه مايمنع الحمل تميت 3 شهور تقريبا على الكلوميد وابر التفجير وماصار حمل وبعدين قلت حق وحده عن كلام الدكتوره انه رحمي نازل ومقلوب جان تقوللي لازم تجيبين وحده ترددج احسن لأنه طول ما الرحم جذي ماراح يصير الحمل انا قلت خل اجرب اللي تردد وجتني وقالت لي انتي رحمج مقلوب ومايل وقالت لي انتي علاجج لمدة 3 ايام وخذت مني 60 دينار بس ترديد 3 ايام المهم رحت راجعت الدكتوره وفحصتني جان اقولها شلون رحمي انشالله تعدل جان تقوللي لا اهو ليلحين مقلوب ونازل 
انا اصدمت واستمريت عندها فترة وماصار حمل عاد بعدين قلت بغير بروح عند دكتوره ثانيه ورحت حق دكتوره بالصباح فحصتني جان تقوللي كل شي زين استغربت جان اسألها قلت لها دكتوره شلون رحمي مو نازل ومقلوب جان تعصب علي وتزفني وتقوللي منو قالت رحمج نازل انتي توج بنت ماحملتي شلون رحمج ينزل وبعدين الرحم ماينزل الا لما تكون الوحده جايبه 3 او 4 اهني ممكن انه الرحم ينزل واذا نزل يبين اونتي راح تحسين فيه من تحت وسألتها اذا رحمي مقلوب جان تقوللي انه رحمي مايل مو مقلوب وانه مايأثر على الحمل المهم طلعت منها وانا مستغربه من كلامها وقلت برح عند دكتوره ناهده العلي بجربها وبشوف شتقول المهم رحت عند دكتوره ناهده ووديت معاي التحاليل اللي كنت مسويتهم عند دكتوره فوزيه المهم بس كشفت علي هم سألتها عن رحمي ولا تقوللي مافيه شي قلت لها مو نازل قلت لا جان اسألها مو مقلوب جان تقوللي اهو مو مقلوب اهو مايل وهذا الشي عادي يصير عند 30% من الحريم في العالم ومايأثر على الحمل يعني عادي اي وحده رحمها مايل تحمل المهم وريتها الفحوصات جان تقوللي التبويض عندج طبيعي يعني مو اقل ولا وايد زين وانه كل شي فيني زين مايمنع الحمل عندي وعند زوجي المهم قمت اراجع عندها كل شهر علشان اشوف التبويض عندي لحد ما الله رزقني بالحمل وطبعا هذا بفضل الله سبحان ومن بعده الدكتوره ناهده جزاها الله خير والحمد الله وانشالله ربي يتمم على بالحمل ويتمم على غيري ويسهل علينا ويرزق كل محرومه فينا بالذريه الصالحه ياربي اميين . 
ادري اني طولت سامحوني بس هم بقولكم عن بنت خالتي كانت تراجع عند دكتوره فوزيه حق الحمل واهي دورتها مو منتظمه المهم عطتها علاج وعقب شهرين راحت حق الدكتوره تفحص وسوت لها سونار داخلي جان تقول لها مو حامل عاد بنت خالتي سألتها انها بتسوي عمليه عادي جان تقول لها عادي تطمنت وسوت عمليه اللوز وبعد العمليه طلعت حامل شهرين ونص واهي ما تدري الحين نقول يالله فحص الدم مايبين بس السونار الداخلي هم بعد مايبين الياهل اللي بشهرين بس الحمد الله كل شي عدى على خير وبس وولدة بالسلامه ويابت لنا بنوته الله يحرسها انشالله جنها قمر
وبس سامحوني ادري اني طولت عليكم بس هذي تجربتي انا و بنت خالتي والحمد الله.
و بعدين اللي اتقول انها اتأخر لي ال 6 و نص .. بصراحه الله يعينها
يعني تخيلي انها تقعد لي ال 1 و نص الظهر بالعياده و اذا عندها ولاده ما ترجع البيت ( الولادات اب اي حزه خو مو على كيفها ابموعد ) .. يالله يمديها اتغدا و ترتاحلها ساعه ولا ساعتين .. هم اهيا آدمية و مره و عندها اعيال و متزوجه ..
و انا اقولكم هالحجي لأن بيتها يم بيت اهلي و اشوف سيارتها ما ترجع ساعات الا بال 4 يكون عندها ولاده .. و اذا بتروح العياده يعني امتى ؟ .. مو معقوله اتواصل لي ال 10 بالليل شنو مو آله اهيا
بالنسبه حق المعامله والله ماشالله عليها نفس حلوه و اتفهمج شنو حالتج و اطمنج
وايد ارتاح لها
حتى ابولدي الكبير كنت اراجع عندها بس قلتلها بولد بالصباح ( الولاده ) .. ياني الطلق الفير و دق عليها ريلي بال 6 الصبح .. قالها بس نبي انتطمن اشلون .. و الله مسكينه ما قصرت ياتني لي داخل عقب ساعتين و اسألت عني و عن حالتي .. و طمنتني مع انها ما اتولد زباينها بالصباح
دكتورة فوزية أحسن دكتوووووورة…
شاطرة شاطرة شاطرة ..
و لو اهي مو شاطرة جان ماصارت استشارية و جان ما حصلت على الزمالة البرطانية!!!!!!!
ولا آن غلطانة ؟!
فهذا لانها تفتر بالمستشفيات تتطمن على اللي مسوية لهم عمليات هذا غير الحالات الطارئة و
الولادات….و عليها بالعافية الالماسات كله من تعبها… يا ربي اهي مره سنعه و ذربه و تحب
الزين…… انا و امى و خواتي و حمواتي و صديقاتي و كل العايلة عندها….و الزين فيها انها
ما تهول الشيء و بالها طويل …. و تخيلوا انها تدق على المرضى شخصيا عشان تتطمن
عليهم…. و اكبر دليل على نجاحها ما شاء االله روحوا عيادتها و شفوا الزحمة…الله يبارك
لها…
بس ابصراحه ابصراحه آنا اللي مو عاجبني (الأسعار) لأني قبل كنت اعالج عند دكتور كان يحسب السونار مع المراجعه كله ب12 واذا مر على المراجعه والثانيه اقل من عشر ايام يحسب المراجعه 7ونص وكل مراجعه فيها سونار لازم….. لكن عند فوزيه القطان وعند ماجده اليتامى ياخذون مني بالمراجعه الوحده مع السونار 35 اشدعوه شنو قاعده على بنك آنا اذا كل مره 35 كل مره 35 عيل اشبقالي من المعاش … اتنتف والسبه العلاج!.
والله بالشهر اللي قطعت فيه العلاج حسيت ان معاشي راهي وارتحت نفسيا…. مو قبل احاتي لي آخر الشهر جم بياخذون مني العياده وجم بياخذون مني العياده.
ــــــــــــبه
شكل د. فوزيه القطان تصيرلج
وبعدين إذا الحريم ينطرون من الساعه 4 وإهيا ماتيي إلا الساعه 6
أكيد عندها ولاده ولا عمليه
أنا إللي أعرفه إن بنت الدكتوره ماجده لما يتها الولاده ولدتها دكتوره فوزيه
ولما الدكتوره ماجده تسافر مؤتمر كل إللي يراجعون عندها وقت ولادتهم تحولهم
على دكتوره فوزيه هذا دليل إنها ممتازه والله أعلم بصراحه ماجربتها ولا عمري بعد شفتها